JEREMAÏAH 14:16 - Khasi CL Bible (BSI)

¹⁶ Ki briew ha kiba ki la kren ïa kine kiei kiei kin ïap ha kajuh ka rukom. Ïa ki met jong ki yn bret shabar ha ki lynti jong ka Jerusalem, bad yn ym don mano mano ban tep ïa ki. Kane kan jia ha ki baroh — kynthup ïa ki tnga jong ki, ki khun shynrang bad ki khun kynthei jong ki. Ngan pynlong ïa ki ban siew na ka bynta ka jingbymman jong ki.”

KA BAIBL

¹⁶ Bad kita ki briew ha kiba ki ïathuhlypa yn bred noh ïa ki sha ki lynti shnong ka Jerusalem namar ka 'nemsniew bad ka waitlam: te yn ym don ki ban tep ïa ki, ïa ki keiñ, ïa ki tnga jong ki, lymne ïa ki khun shynrang jong ki, lymne ïa ki khun kynthei jong ki de; naba ngan theh ïa ka jingbymman jong ki halor jong ki.”

JEREMAÏAH 14:16 ပူးပေါင်းရင်းမြစ်များ

PROBERB 1:31

Namar kata, phin ïoh ïa kaba phi pan kwah, bad ki kam jong phi hi kin pynshitom ïa phi.

ISAÏAH 51:20

Ha ki khongdong ha man ki surok bah ki briew jong pha ki kyllon noh na ka jingtlot; ki long kum ka skei kaba la ngat ha ka jar jong u nongbeh mrad. Ki la mad ïa ka bor jong ka jingbitar U Blei.

ISAÏAH 9:16

Kito kiba ïalam ïa kine ki briew ki la ïalam bakla ïa ki bad pynshaïong jingmut lut ïa ki.

JEREMAÏAH 16:4

Kin ïap na ki jingpang bashyrkhei, bad ym don mano mano ba ïambriew na ka bynta jong ki lane tep ïa ki. Ki met jong ki kin long kum ki kynton sboh halor ka khyndew. Kin shah pynïap ha ka thma lane ïap na ka jingïapthngan, bad ki met jong ki kin long ki jingbam ïa ki sim bad ïa ki mradkhlaw.

JEREMAÏAH 18:21

Hynrei mynta, ko Trai, ai ba ki khun jong ki, kin ym ïoh jingbam haduh ban da ïap; ai ba kin shah pynïap ha ka thma. Ai ba ki kynthei kin duh noh ïa la ki tnga bad ïa ki khun jong ki; ai ba ki rangbah kin ïap na ka jingpang bad ba ki samla shynrang kin shah pynïap ha ka thma.

JEREMAÏAH 20:6

Na ka bynta jong me, ko Pashhur, ïa me bad ïa ka longïing jong me baroh yn kem ruh bad rah sha Babilonia. Hangta men ïap bad yn tep, lem bad ki paralok jong me baroh ïa kiba me la lah ïathuh bun ki jinglamler.’ ”

JEREMAÏAH 27:15

U Trai hi u la ong ba um shym phah ïa ki bad ba ki lamler ïa phi ha ka kyrteng jong u. Bad kumta un beh noh ïa phi, bad ïa phi yn pynïap, ïa phi bad ki nongïathuhlypa kiba ïathuh ïa phi ïa kine ki jinglamler.”

JEREMAÏAH 4:18

Ko Judah, pha la wallam ïa kane halor lade da ka rukom kaba pha la im bad da kiei kiei kiba pha la leh. Ka pop jong pha ka la pynjia ïa kane ka jingjynjar; ka la dung ïa pha lyngba ka dohnud.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

JEREMAÏAH 7:33

Ki metïap kin long ka jingbam ïa ki sim bad ïa ki mradkhlaw, bad yn ym don mano mano ban beh pyntieng ïa ki.

JEREMAÏAH 8:1

“Ha kata ka por ïa ki shyieng jong ki syiem bad jong ki rangbah synshar ka Judah, kumjuh ruh ïa ki shyieng jong ki lyngdoh, jong ki nongïathuhlypa, bad jong kiwei pat ki briew kiba la shong la sah ha Jerusalem, yn khlong noh na ki jingtep jong ki.

JEREMAÏAH 8:2

Ha ka jaka ban lumlang bad ban tep, ki shyieng jong ki kin long kum ka sboh kaba don ha madan. Yn pynphriang ïa ki shabar ha khmat ka sngi, u bnai, bad ki khlur, kiba kine ki briew ki ieit bad shakri, bad kiba ki la ïakylli bad mane.

JEREMAÏAH 9:20

Nga la ong, “To sngap ïa U Trai, phi ki kynthei, bad to pynshahshkor ïa ki ktien jong u. To hikai ïa ki khun kynthei jong phi kumno ban ïambriew, bad ïa ki paralok jong phi kumno ban rwai ka jingrwai ïapbriew.

JEREMAÏAH 9:22

Ki metïap ki la saphriang ha kylleng, kum ki kynton sboh halor ki lyngkha, kum u riewhadem ba la ot bad iehnoh da ki nongot, u riewhadem u bym don mano mano ba lum. Kane ka long kaei kaba U Trai u la bthah ïa nga ban ong.”

ESEKIEL 39:14

Hadien ba la kut ki hynñiew bnai yn jied kyrpang ïa ki rangbah ki ban leit lyngba ïa ka ri khnang ban wad bad ban tep ïa kito ki metïap kiba dang sah ha madan, ba kumta yn pynlong khuid ïa ka ri.

AMOS 7:17

Bad kumta, ko Amasaïah, U Trai u ong ïa me, ‘Ka tnga jong me kan long ka nuti ha ki lynti bah, bad ïa ki khun jong me yn sa pynïap ha ka thma. Ïa ka khyndew jong me yn phiah bad sam ha kiwei pat; bad me ïa lade men ïap ha ka ri bymngeit blei. Bad ki paid Israel da shisha kin shah ringmraw na la ka ri.’ ”

MATHAÏOS 15:14

“Wat khuslai shaphang jong ki! Ki long ki nongïalam bamatlah jong kiba matlah; bad haba uwei u briew uba matlah u ïalam ïa uwei pat, baroh ar ngut ki hap sha ka kharai.”

JINGPYNPAW 16:1

Nangta nga la ïohsngew ïa ka sur kaba jam kaba kren na ka Templ, ha ki hynñiew ngut ki angel: “Khie leit bad theh noh ïa ki hynñiew tylli ki pliang jong ka jingbitar U Blei ha ka pyrthei!”