JEREMAÏAH 14:15 - Khasi CL Bible (BSI)

¹⁵ Ma nga, U Trai, nga ïathuh ïa phi ïa kaei ba ngan leh ïa kito ki nongïathuhlypa kiba ngam shym phah hynrei kiba kren ha ka kyrteng jong nga bad ong ba ka thma bad ka jingïapthngan kin ym lynshop ïa kane ka ri — ngan pynïap ïa ki ha ka thma bad da ka jingïapthngan.

KA BAIBL

¹⁵ Namar kata, kumne u ong U Trai shaphang kita ki nongïathuhlypa kiba ïathuhlypa ha ka kyrteng jong nga, te kiba ngam shym la phah, pynban kiba ong, “Ka waitlam bad ka 'nemsniew kin ym long ha kane ka ri:” “Da ka waitlam bad ka 'nemsniew yn bam duh noh ïa kita ki nongïathuhlypa.

JEREMAÏAH 14:15 ပူးပေါင်းရင်းမြစ်များ

1 SYIEM 22:25

“Phin sa shem haba phin leit shadien ka kamra ban rieh,” U Mikaïah u jubab.

JEREMAÏAH 20:6

Na ka bynta jong me, ko Pashhur, ïa me bad ïa ka longïing jong me baroh yn kem ruh bad rah sha Babilonia. Hangta men ïap bad yn tep, lem bad ki paralok jong me baroh ïa kiba me la lah ïathuh bun ki jinglamler.’ ”

JEREMAÏAH 23:30

Nga pyrshah ïa kito ki nongïathuhlypa kiba shim ktien uwei na uwei bad pynbna ïa ki kum ka khubor jong nga.

JEREMAÏAH 27:15

U Trai hi u la ong ba um shym phah ïa ki bad ba ki lamler ïa phi ha ka kyrteng jong u. Bad kumta un beh noh ïa phi, bad ïa phi yn pynïap, ïa phi bad ki nongïathuhlypa kiba ïathuh ïa phi ïa kine ki jinglamler.”

JEREMAÏAH 6:15

Hato kin sngewlehrain namar ki la leh ïa kine kiei kiei kiba ijli? Em, kim shym la sngewlehrain satia; kim tip hi ruh kumno ban sawkyr-ang. Bad kumta kin kyllon kumba kiwei ki la kyllon; haba nga pynshitom ïa ki, kata kan long kaba kut jong ki. Ma nga, U Trai, nga la kren.”

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

JEREMAÏAH 8:13

“Nga la kwah ban lumlang ïa ki briew jong nga, kumba u briew u lumlang ïa ka jingot jong u; hynrei ki long kum u dieng sohwaiñ khlem ki sohwaiñ, kum u diengsoh Dumbur khlem ki soh Dumbur; wat ki sla ki la jlop. Namar kata, nga la shah ïa kiba nabar ban shim noh ïa ka ri.”

SNGEWSYNEI 1:19

“Nga la khot ïa kiba ïateh lok bad nga, hynrei ki la kyntait ban ïarap ïa nga. Ki lyngdoh bad ki nongïalam ki la ïap ha ki lynti bah jong ka nongbah, ki da wad ïa ka jingbam ban ri pynim ïa lade.

SNGEWSYNEI 2:20

Ha khmih, ko Trai! Khmih ïa kito kiba me la pynshitom! Ki kynthei ki bam ïa ka met jong ki khun kiba ki ieit! Ki lyngdoh bad ki nongïathuhlypa ki shah pynïap hapoh ka Templ hi!

ESEKIEL 13:14

Nga thmu ban pynkhyllem ïa ka kynroh ba la pushara lieh, ban pynkhynñiuh ïa ka, bad ban pynpaw shabar ïa ki maw nongrim. Kan khyllem bad pynïap ïa phi baroh. Te uwei uwei baroh un tip ba nga long U Trai.

ESEKIEL 13:15

“Ka kynroh bad kito kiba tap ïa ka da ka jingpushara lieh kin sngew ïa ka bor ka jingbitar jong nga. Nangta ngan ïathuh ïa phi ba ka kynroh kam don shuh bad kumta ruh long kito kiba ñiad pushara lieh ïa ka —

ESEKIEL 13:9

Nga la jan ban pynshitom ïa phi ki nongïathuhlypa kiba don ki jingïohipaw ba bakla bad kiba thaw ki jingïathuhlypa kiba ïalam bakla. Phin ym don hangta haba ki briew jong nga ki ïalumlang ban ïashim ïa ki rai; ïa ki kyrteng jong phi yn ym kynthup ha ka thup kyrteng jong ki traishnong ka Israel; phin ym wan phai shuh da lei lei sha ka ri ka jong phi. Nangta phin tip ba nga long U Trai Nongsynshar.

ESEKIEL 14:10

Baroh ar, u nongïathuhlypa bad uta uba kylli na u, kin ïoh ïa kajuh ka jingshah pynshitom.

ESEKIEL 14:9

“Lada u nongïathuhlypa u shah shukor ban ai ki jubab kiba bakla, ka dei namar ma nga, U Trai Nongsynshar, nga la shukor ïa u. Ngan weng ïa u na ki paid Israel.

ESEKIEL 33:6

Lada, kumno kumno, u nongap u ïohi ïa u nongshun ba u wan bad um shym put ïa ka turoi jingmaham, u nongshun un wan bad un pynïap noh ïa kita ki nongpop; hynrei ngan pynkit pop ïa u nongap na ka bynta ka jingïap jong ki.

AMOS 7:17

Bad kumta, ko Amasaïah, U Trai u ong ïa me, ‘Ka tnga jong me kan long ka nuti ha ki lynti bah, bad ïa ki khun jong me yn sa pynïap ha ka thma. Ïa ka khyndew jong me yn phiah bad sam ha kiwei pat; bad me ïa lade men ïap ha ka ri bymngeit blei. Bad ki paid Israel da shisha kin shah ringmraw na la ka ri.’ ”

MIKAH 3:5

Ki briew jong nga ki la shah shukor ha ki nongïathuhlypa kiba la kular ïa ka jingsuk ïa kito kiba da siewdor ïa ki, hynrei ki byrngem da ka thma ïa kito ki bym siew.

DEUTERONOMI 18:20

Hynrei lada uno uno u nongïathuhlypa u nud ban kren ha ka kyrteng jong nga ïa ka khubor kaba ngam shym la hukum ïa u, u dei ban ïap namar kata; bad uno uno u nongïathuhlypa uba kren ha ka kyrteng jong kiwei pat ki blei u ruh u dei ban ïap.’

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.