JEREMAÏAH 14:14 - Khasi CL Bible (BSI)

¹⁴ Hynrei U Trai u la jubab, “Ki nongïathuhlypa ki ïathuh ïa ki jinglamler ha ka kyrteng jong nga; ngam shym phah ïa ki, lymne ngam shym la ai kino kino ki hukum lane kren shikyntien ha ki. Ki jingïohipaw kiba ki ïakren kim shym wan na nga; ki jingïathuh lypa ki long kiei kiei ki bymdondor kiba ki la mutdur.

KA BAIBL

¹⁴ Ynda kumta, U Trai u la ong ha nga, “Kita ki nongïathuhlypa ki ïathuhlypa lamler ha ka kyrteng jong nga: ngam shym phah ma nga ïa ki, lymne ngam shym hukum ïa ki, lymne ngam shym kren ha ki: ki ïathuhlypa ïa ka jingithuhpaw balamler ha phi, bad ka jingkren byrtong, bad ka jingthala, bad ïa ka jingshukor ka dohnud jong ki hi.”

JEREMAÏAH 14:14 ပူးပေါင်းရင်းမြစ်များ

ISAÏAH 56:10

U ong, “Baroh ki nongïalam, kiba dei ban maham ïa ki briew jong nga, ki long kiba matlah! Kim tip ei ei. Ki long kum ki 'sew-ap ki bym ju wiar — ki shu thiah bad phohsniew. Katno ki sngewtynnat ban thiah!

ISAÏAH 9:15

Ki rangbah kiba tymmen bad kiba donburom ki long ka khlieh — bad u tdong u long ki nongïathuhlypa kiba ki jinghikai jong ki, ki long kiba lamler!

JEREMAÏAH 20:6

Na ka bynta jong me, ko Pashhur, ïa me bad ïa ka longïing jong me baroh yn kem ruh bad rah sha Babilonia. Hangta men ïap bad yn tep, lem bad ki paralok jong me baroh ïa kiba me la lah ïathuh bun ki jinglamler.’ ”

JEREMAÏAH 28:11

bad u la ong ha ka jingdon ryngkat jong ki briew baroh: “U Trai u la ong ba kane ka dei kumno ba un pynkheiñ ïa ka lyngkor kaba u syiem Nebukhadnessar u la buh halor ka ryndang jong ki jaitbynriew baroh; bad un leh ïa kane hapoh ar snem.” Nangta nga la leit noh.

JEREMAÏAH 28:13

ban leit bad ong ha u Hananaïah: “U Trai u la ong ba me lah ban pynkheiñ ïa ka lyngkor dieng, hynrei un bujli ïa ka da ka lyngkor nar.

JEREMAÏAH 28:15

Nangta nga la ong ïa kane ha u Hananaïah, bad nga la bynrap, “To shahshkor, ko Hananaïah! U Trai um shym la phah ïa me, bad la pynlong ïa kine ki briew ban ngeit ïa ka lamler.

JEREMAÏAH 29:21

“U Trai Badonbor Baroh, U Blei ki Israel, u la kren shaphang u Ahab u khun jong u Kolaïah bad u Sedekaïah u khun jong u Maaseïah, kiba ïathuh ki jinglamler ha ka kyrteng jong U. U la ong ba un aiti ïa ki ha ka bor jong u Nebukhadnessar u syiem ka Babilonia, u ban pynïap ïa ki ha khmat jong phi.

JEREMAÏAH 29:31

ban phah sha ki koidi baroh ha Babilon ïa kane ka khubor shaphang u Shemaïah: “Ma nga, U Trai, ngan pynshitom ïa u Shemaïah bad ïa ki khun ki ksiew jong u baroh. Ngam shym la phah ïa u, hynrei u la kren ha phi kumba u la long u nongïathuhlypa, bad la pynlong ïa phi ban ngeit ïa ki jinglamler. Un ym don kino kino ki khun ki ksiew hapdeng jong phi. Un ym im ban ïohi ïa kiei kiei kiba bha kiba ngan leh na ka bynta ki briew jong nga, namar u la ong ïa ki ban ïeng ïaleh pyrshah ïa nga. Ma nga, U Trai, nga la kren.”

JEREMAÏAH 37:19

Kaei kaba la jia ïa ki nongïathuhlypa kiba la ong ïa phi ba u syiem ka Babilonia un ym tur ïaleh ïa phi lane ïa ka ri?

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

JEREMAÏAH 8:10

Kumta ngan ai ïa ki lyngkha jong ki ha ki trai bathymmai bad ïa ki tnga jong ki ha kiwei pat ki rangbah. Uwei uwei baroh, uba rit bad uba khraw, u pyrshang ban thaw pisa da ka jingbymhok. Wat ki nongïathuhlypa bad ki lyngdoh ki thok ïa ki briew.

JEREMAÏAH 8:11

Ki leh kumba ki jingmong jong ki briew jong nga ki long tang ki jingtrud. ‘Baroh ka bit ka biang,’ ki ong, haba baroh kam bit kam biang.

SNGEWSYNEI 2:14

Ki nongïathuhlypa jong pha kim don ei ei ban ïathuh ïa pha hynrei tang ki jinglamler; ka jingïathuh jong ki ka shukor ïa pha da ka jingbym-pynpaw ei ei ïa ka pop jong pha. Ki pynlong ïa pha ban pyrkhat ba pham donkam ban kylla-kaba-mut.

SNGEWSYNEI 2:9

Ki khyrdop ki la shah tep ha ka kynton ba la pra, ïa ki nar ker jong ki la shoh lyngkhot. U syiem bad ki riewdonburom mynta ki don ha ka jingshah ringmraw. Ïa ka Aiñ ym shym la hikai shuh, bad ki nongïathuhlypa kim don shuh kino kino ki jingïohipaw na U Trai.

ESEKIEL 12:24

“Hapdeng ki paid Israel yn ym don shuh ki jingïohipaw ba bakla lane ki jingïathuhlypa kiba ïalam bakla.

ESEKIEL 13:2

“Ko khun u briew,” u la ong, “to kren pyrshah ïa ki nongïathuhlypa jong ka Israel kiba shu thaw hi ïa la ki jong ki jingïathuhlypa. Ïathuh ïa ki ban shahshkor ïa ka ktien ka jong U Trai.”

ESEKIEL 13:23

Kumta mynta ki jingïohipaw ba bakla bad ki jingïathuhlypa ba ïalam bakla ki la kut. Nga pyllait im ïa ki briew jong nga na ka bor jong phi, khnang ba phin tip ba nga long U Trai.”

ESEKIEL 21:29

Ki jingïohipaw ba phi ïohi ki long ki bymdei, bad ki jingïathuh lypa ba phi pynlong ki long kiba shukor. Phi long kiba bymman bad kiba sniew, bad ka sngi jong phi ka la wan, ka sngi jong ka jingpynjot kaba kut. Ka waitlam kan hap ha ki ryndang jong phi.

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

SEKHARAÏAH 10:2

Ki briew ki kylli ïa ki bleithaw bad ïa ki nongbatai kupar, hynrei ki jubab kiba ki ïoh ki long ki jinglamler bad ki bym don jingmut. Katto katne ki pyrshang ban batai ïa ki jingphohsniew, hynrei tang ban shu ïalam bakla ïa phi; ka jingpyntngen ba ki ai ka long ka bymmyntoi. Kumta ki briew ki sakma kylleng kum ka langbrot ba la jah. Ki don ha ka jingjynjar namar ba kim don u nongïalam.

SEKHARAÏAH 13:3

Te lada uno uno u ïaiban ban ïathuhlypa, u kpa bad ka kmie jong u hi kin ong ïa u ba u dei ban shah pynïap, namar u la kam ba u kren ïa ka ktien jong U Trai, hynrei u kren pynban ïa ki jinglamler. Haba u ïathuhlypa, u kpa bad ka kmie jong u kin dung pynïap ïa u.

DEUTERONOMI 18:20

Hynrei lada uno uno u nongïathuhlypa u nud ban kren ha ka kyrteng jong nga ïa ka khubor kaba ngam shym la hukum ïa u, u dei ban ïap namar kata; bad uno uno u nongïathuhlypa uba kren ha ka kyrteng jong kiwei pat ki blei u ruh u dei ban ïap.’

1 TIMOTHI 4:2

Kiba kum kita ki jinghikai ki wan na ki riewarsap bashukor, kiba la ïap ki jingïatiplem, kumba la thang da u narsaw.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.