JEREMAÏAH 13:27 - Khasi CL Bible (BSI)

²⁷ U la ïohi ba pha leh ïa kiei kiei kiba u isih. U la ïohi ba pha bud ïa ki blei thala halor ki lum bad ki lyngkha, kum u briew uba threw jakhlia ïa ka tnga u paramarjan jong u lane kum u kulai ïa ka kulai. Ko ki briew jong ka Jerusalem, phi long kiba la tim! Lano phin ïoh long kiba khuid?

KA BAIBL

²⁷ Nga la ïohi ïa ki jingijli jong pha, ïa ka jingklim jong pha keiñ, bad ki jingpah jong pha, ïa ka jingjakhlia ka jingleh nuti jong pha, halor ki lum rit ha ka pyntha. Kordit ïa pha, ko Jerusalem! Yn ym pynkhuid ïa pha; ynda la slem katno pat kan long?”

JEREMAÏAH 13:27 ပူးပေါင်းရင်းမြစ်များ

SALM 94:4

Slem haduh katno ki riewrunar kin leh sarong bad kob shaphang ki kam runar jong ki?

SALM 94:8

Ko ki briew jong nga, kumno phi lah ban long kiba bieit mutlop sat? Lano phin nang ïa kane?

PROBERB 1:22

“A, phi ki briew kiba bieit! Slem katno keiñ phi dang kwah ban sah bieit? Sa katno keiñ phin dang kmen ha kaba krenbeiñ ïa ka jingtip? Hato phim kwah ban ïoh jinghikai?

ISAÏAH 57:7

Phi leit sha ki lum kiba jrong ban kñia ainguh bad ïathiah shongkha.

ISAÏAH 65:7

na ka bynta ki pop jong ki bad ki pop jong ki kpa tymmen jong ki. Ki la thang ki jingiwbih ha ki duwan thala kiba halor ki lum bad ki la kren sniew ïa nga. Kumta ngan pynshitom ïa ki kumba ka dei hok ïa ki namar ki kam ba ki la leh mynshuwa.”

JEREMAÏAH 11:15

U Trai u ong, “Ki briew kiba nga ieit ki la leh ïa kiei kiei kiba sniew. Ki don hok aïu ban don hapoh ka Templ jong nga? Hato ki pyrkhat ba ki lah ban ïada na ka jingpynjot da kaba pynlong ki jingkular bad da kaba ai ki jingkñia da ki mrad? Hato kata kan pynkmen ïa ki?

JEREMAÏAH 3:6

Mynba u Josaïah u long syiem, U Trai u la ong ha nga, “Hato me la ïohi ïa kaei ba ka Israel, kata ka kynthei bymïaineh, ka la leh? Ka la phai lyndet noh na nga, bad halor uwei pa uwei u lum bajrong bad hapoh uwei pa uwei u dieng bajyrngam, ka la leh kum ka nuti.

ESEKIEL 16:23

U Trai Nongsynshar u la ong, “Pha long kaba la tim! Kaba la tim! Pha la leh ïa kata kaba sniew baroh, bad nangta

ESEKIEL 2:10

Kata ka kti ka la plied ïa ka kot kli, bad nga la ïohi ba ka don ka jingthoh ha baroh arliang — la thoh hangta ka jingïambriew bad ka jingsngewsih kthang bad ka jingpait dohnud bad ka jingud.

ESEKIEL 20:28

Nga la wallam ïa ki sha ka ri kaba nga la kular ban ai ha ki. Haba ki la ïohi ïa ki lum bajrong bad ïa ki dieng bajyrngam, ki la ai jingkñia ha ki baroh. Ki la pynbitar ïa nga da ki jingkñia kiba ki la thang bad da ka waiñ kaba ki la wallam kum ki jingainguh.

ESEKIEL 24:12

wat la ka sarang baroh kan ym jah ha ki thylliej ding.

ESEKIEL 24:13

Ko Jerusalem, ki jingleh awria jong pha ki la pyntngit ïa pha. Wat la nga la pyrshang ban pynkhuid ïa pha, pha ïaisah ha ka jingtngit. Phan ym long khuid pat haduh ba phan da mad lut ïa ka jingbitar shla jong nga.

ESEKIEL 24:6

Kane ka long kaei kaba U Trai Nongsynshar u ong: “Ka nongbah jong ki nongpynïap briew ba la tim! Ka long kum u khiew ba sarang u bym ju pynkhuid. Ïa kawei hadien kawei ka dkhot doh la sei shabar, bad ym shym pynsah kawei ruh.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

ESEKIEL 36:37

U Trai Nongsynshar u ong, “Sa shisien pat ngan shah ïa ki Israel ba kin pan jingïarap na nga bad ngan shah ïa ki ba kin roi ha ka jingbun briew kum ka kynhun langbrot.

ESEKIEL 6:13

Ïa ki metïap yn pynsaphriang hapdeng ki bleithaw bad sawdong ki duwan, yn pynsaphriang halor uwei pa uwei u lum uba jrong, ha kliar uwei pa uwei u lumbah, ha trai uwei pa uwei u dieng jyrngam bad uwei pa uwei u dieng Sning uba heh, ha ki jaka baroh ba ki thang ïa ki jingkñia ïa ki bleithaw jong ki.

HOSIA 1:2

Haba U Trai u la kren nyngkong eh ïa ki Israel lyngba u Hosia, U la ong ïa u Hosia, “Khie leit bad shongkurim, ka tnga jong me kan long ka bymïaineh, bad ki khun jong me kin long kum ma ka hi. Ha kajuh ka rukom, ki briew jong nga ki la ieh ïa nga bad ki la long ki bymïaineh.”

HOSIA 4:2

Ki ïateh kular bad ki pynkheiñ ïa ki, ki lamler, ki pynïap briew, ki tuh, bad ki klim. Ki kam sniew ki nang jyllei, bad ka don ka jingïa-pynïap briew kawei hadien kawei pat.

HOSIA 8:5

Nga isih ïa u masi ksiar ba mane da ki briew jong ka nongbah Samaria. Nga bitar lep ïa ki. Sa katno kan shim por shuwa ba kin sangeh noh na kaba mane bleithaw?

SEPHANAÏAH 3:1

Ka Jerusalem ka long kaba la tim, kata ka nongbah kaba ijli, kaba ïeng ïaleh pyrshah, kaba banbeiñ ïa la ki jong ki briew.

MATHAÏOS 11:21

“Katno kan long kaba shyrkhei ïa pha, ko Khorasin! Katno kan long kaba shyrkhei ïa pha ruh, ko Bethsaida! Lada ïa ki kambah kiba la leh ha phi la lah leh ha Tyros bad Sidon, la kham slem ki briew hangta kin jin da la phong da ka jaiñ khain bad synreit da u dpei halor lade, ban pyn-i ba ki la phai noh na ki pop jong ki!

2 KORINTH 12:21

Nga sheptieng haba ha kawei ka por ba nga wan, U Blei jong nga un pynjahburom ïa nga ha khmat jong phi, bad ngan ïam na ka bynta kiba bun kiba la leh pop mynshuwa bad ki bym pat shym kylla-kaba-mut na ki kam awria ba ki la leh — ki jingkwah brai bad ki pop awria jong ki.

2 KORINTH 7:1

Ïa kine ki jingkular baroh la pynlong na ka bynta jong ngi, ko ki paralok ba-ieit jong nga. Te namarkata, to ngin pynkhuid ïa lade na kaei kaei baroh kaba pyntngit ïa ka met bad mynsiem, bad to ai ba ngin im ka jingim kaba khuid da kaba im ha ka jingtiengburom ïa U Blei.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

JINGPYNPAW 8:13

Nangta nga la khmih, nga la ïohsngew ïa u pukni uba her shajrong eh jong ka suiñ ba u pyrta ha ka sur kaba jam, “Kaba kordit! Kaba kordit! Katno kaba kordit kan long ïa baroh kiba shong ha ka pyrthei haba ka jingsawa ka mih na ki turoi ïa kaba kita kiwei pat ki lai ngut ki angel kin put.”