JEREMAÏAH 13:25 - Khasi CL Bible (BSI)

²⁵ U la ong ba kane kan dei ka kupar jong pha. Kane ka dei kaei kaba u la kut jingmut ban leh ïa pha, namar pha la klet ïa u bad pha la shaniah ha ki blei thala.

KA BAIBL

²⁵ Kane ka long ka bynta jong pha, bad ka bynta ba hap, kaba la thew ha pha na nga,” ong U Trai; “namar pha la klet noh ïa nga, bad pha la shaniah ha ka jinglamler.

JEREMAÏAH 13:25 ပူးပေါင်းရင်းမြစ်များ

Ka Kitab U Job 20:29

Kane ka dei ka kupar jong ki briew kiba sniew, ka kupar ba U Blei u la buh bynta ïa ki.

SALM 11:6

U pynhap ki rnga barhem bad ïa u kyndok bameh ding halor ki bymman; u pynshitom ïa ki da ki lyer khluit.

SALM 9:17

Ka jingïap ka dei ka jingkut jong ki bymman baroh, jong kito baroh kiba kyntait ïa U Blei.

ISAÏAH 17:4

U Trai u la ong, “Ka sngi ka wan ha kaba ka jingkhraw jong ka Israel kan poi sha kaba kut, bad ïa ka spah jong ka yn bujli da ka jingduk.

ISAÏAH 28:15

Phi sarong ba phi la pynlong ïa ka jingïateh bad ka jingïap bad poi sha ka jingïakut bad ka pyrthei kiba ïap. Phi sngewthikna ba phin lait na ka jingjot haba kan wan, namar phi shaniah ha ki jinglamler bad ki jingshukor ban pyllait ïa phi.

ISAÏAH 34:17

U dei U Trai u ban ïasam ïa ka ri hapdeng jong ki bad ai hapdeng jong ki ban ïa-ïoh bynta lang. Kin ïa-im ha ka ri na kawei ka rta sha kawei pat, bad kan long ka jong ki junom.

ISAÏAH 65:7

na ka bynta ki pop jong ki bad ki pop jong ki kpa tymmen jong ki. Ki la thang ki jingiwbih ha ki duwan thala kiba halor ki lum bad ki la kren sniew ïa nga. Kumta ngan pynshitom ïa ki kumba ka dei hok ïa ki namar ki kam ba ki la leh mynshuwa.”

JEREMAÏAH 10:14

Ha ka jingïohi ïa kane, ki rangbah ki sngew mutlop bad kim sngewthuh ei ei; kito kiba shna bleithaw ki shah pynthame, namar ki blei kiba ki shna ki long kiba bakla bad kim don jingim.

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

JEREMAÏAH 2:32

Hato ka samla kan klet ïa ki jingdeng jong ka, lane ka nongleitkurim ïa ka jaiñ kyntiew kurim jong ka? Hynrei ki briew jong nga ki la klet ïa nga bun bun sngi ban ïa kaba lah ban ñiew.

JEREMAÏAH 3:21

La ïohsngew ïa ka jingsawa halor ki kliar lum: ki dei ki paid Israel kiba ïam bad ïasaid, namar ba ki la im ka jingim ba-dap da ka pop bad ba ki la klet ïa U Trai U Blei jong ki.

ESEKIEL 23:35

Mynta kane ka long kaei kaba U Trai Nongsynshar u ong: “Namar pha la klet ïa nga bad pha phai dadien ïa nga, phan sa shahshitom na ka bynta ka jingkwah brai jong pha bad ka jingleh nuti jong pha.”

MIKAH 3:11

Ïa ki nongsynshar ka nongbah la tap-lup da ki jingbamsap, ki lyngdoh ki pynbatai ïa ka hukum na ka bynta ka tulop, ki nongïathuhlypa ki ai ïa ki jingpynpaw jong ki na ka bynta ka pisa — bad baroh ki kam ba U Trai u don bad ki. “Yn ym don jingma ka ban hap halor jong ngi,” ki ong. “U Trai u long lem bad ngi.”

SEPHANAÏAH 3:2

Kam shym la pynshahshkor ïa U Trai lane pdiang ïa ka jingsneng pynbeit jong u. Kam shym la buh ïa la ka jingshaniah ha U Trai lane kyrpad ïa ka jingïarap jong u.

MATHAÏOS 24:51

U kynrad un ot ïa u lyngkhot lyngkhai bad un pynlong ïa u ban ïoh bynta ïa ka kupar jong ki riewarsap. Hangta un lynñiar bad kyr-iat la ki bniat.

Ka Shithi U Paul Sha Ki Nong Rom 1:25

Ki bujli ïa ka jingshisha U Blei da ka jinglamler; ki mane bad shakri ïa kaei kaba U Blei u la thaw, ha ka jaka ban mane bad shakri ïa U Nongthaw hi, ïa uba dei ban ïaroh junom! Amen.