JEREMAÏAH 13:23 - Khasi CL Bible (BSI)

²³ U briew uba ïong u lah mo ban pynkylla ïa ka rong jong ka sniehdoh jong u, lane u 'labasa u lah mo ban weng ïa ki jingthoh ïong jong u? Lada ki lah, te ma pha ka bym leh ïa kano kano hynrei ka jingsniew pha lah ban tip ban leh ïa kaei kaba dei.

KA BAIBL

²³ U nong Ethiopia u lah ban pynkylla ïa la ka snep, lane u 'labasa ïa la ka bathoh dak? lada kumta phi ruh phi lah ban leh bha, haba phi la mlien ha kaba leh sniew.

JEREMAÏAH 13:23 ပူးပေါင်းရင်းမြစ်များ

2 SYIEM 17:40

Hynrei kito ki briew kim shahshkor, bad ki ïai bteng ban bud ïa ki rukom kiba rim jong ki.

PROBERB 27:22

Wat lada phi shoh ïa u bieit haduh ba u la jan ïap, pynban phin ym lah satia ban weng ïa ka jingbieit na u.

EKLESIASTIS 1:15

Phim lah ban pynbeit ïa kaei kaba la kdor, phim lah ban ñiew ïa kiei kiei ki bym don hangta.

ISAÏAH 1:5

Balei phi ïai ïeng ïaleh pyrshah ïa u? Hato phi kwah ban shah pynshitom kham palat shuh shuh? Ko Israel, ka khlieh jong phi ka la shah tap lypa da ki jingmong, bad ka dohnud bad jingpyrkhat jong phi ki pang.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 2:22

Wat lada me la sait da ka sabon kaba khlaiñ, ngan dang ïai ïohi ïa ka jingkhah jaboh jong ka jingpalat jong me.

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

JEREMAÏAH 9:5

Ma ki baroh ki ïalam bakla ïa la ki paralok, bad ym don uwei ruh uba ïathuh ïa ka jingshisha; ki la hikai ïa la ki thylliej ban lamler bad kin ym iehnoh ïa ka jingleh pop jong ki. Ki leh ïa kawei ka jingleh jubor hadien kawei pat, bad kawei ka jingleh shukor ka bud ïa kawei pat. U Trai u ong ba ki briew jong u ki kyntait ïa u.

1 SAMUEL 19:21

Haba u Saul u ïohsngew ïa kata, u phah kham bun shuh shuh ki nongrah-khubor, bad kita ruh ki sdang ban ïashad bad ïarisa. U phah ki nongrah-khubor ha ka sien kaba lai, bad kajuh ka la jia ha ki.