JEREMAÏAH 13:22 - Khasi CL Bible (BSI)

²² Lada pha kylli balei kane baroh ka la jia ha pha — balei ba ki jaiñ jong pha ki la kad noh bad pha la shah batbor — ka dei namar ba ka pop jong pha ka long kaba shyrkhei.

KA BAIBL

²² Bad lada phan ong ha la ka dohnud, ‘Namar balei ba kine kiei kiei ki la jia ïa nga?’ Namar ka jingkhraw ka jingleh bymhok jong pha keiñ la pynpaw ïa ka jaiñsem jong pha, bad ki khongdong'jat jong pha kin shah leh jubor.

JEREMAÏAH 13:22 ပူးပေါင်းရင်းမြစ်များ

ISAÏAH 20:4

U patsha jong ka Assyria un ïalam lyngkhuit ïa ki koidi kiba u la kem na kito ki ar tylli ki ri. Kiba samla bad kiba tymmen, kin ïaid da ka kjat suda bad lyngkhuit, bad ki rain jong ki ba khlem tap, kaba wanrah ka jinglehrain halor ka Ijipt.

ISAÏAH 3:17

Hynrei ngan pynshitom ïa ki — Ngan khi ïa ki khlieh jong ki bad ngan ieh lyndum ïa ki.”

ISAÏAH 47:8

“To sngap ïa kane, pha kaba ieit ïa ka jinglehsngewbha, pha kaba pyrkhat ba pha shongshngain bad sngewskhem. Pha kam ba pha long kaba khraw kum U Blei — ba ym don mano mano pat kum ma pha. Pha pyrkhat ba da lei lei phan ym long ka riewkynthei lane mad ïa ka jingduh noh ïa la ki khun.

JEREMAÏAH 13:26

U Trai hi un sloit ïa ki jaiñ jong pha bad un pynpaw ïa pha ha ka jinglehrain.

JEREMAÏAH 14:16

Ki briew ha kiba ki la kren ïa kine kiei kiei kin ïap ha kajuh ka rukom. Ïa ki met jong ki yn bret shabar ha ki lynti jong ka Jerusalem, bad yn ym don mano mano ban tep ïa ki. Kane kan jia ha ki baroh — kynthup ïa ki tnga jong ki, ki khun shynrang bad ki khun kynthei jong ki. Ngan pynlong ïa ki ban siew na ka bynta ka jingbymman jong ki.”

JEREMAÏAH 5:19

Haba ki kylli balei ba nga la leh ïa kine kiei kiei, ïathuh ïa ki, ko Jeremaïah, ba kumba ki la phai noh na nga bad shakri ïa ki blei nongwei ha ka ri jong ki hi, kumta kin shakri ïa ki nongwei ha ka ri ka bym dei ka jong ki.”

SNGEWSYNEI 1:8

Ka burom jong ka, ka la leit noh; ka la lyngkhuit bad ka la don ha ka jingshah ñiewbeiñ. Ka ud bad ka buhrieh ïa la ka durkhmat ha ka jinglehrain. Ka Jerusalem ka la pynjakhlia ïa lade da ka pop kaba shyrkhei.

ESEKIEL 23:26

Kin pynkad ïa ki jaiñ jong pha bad kin shim ïa ki mawlynnai jong pha.

HOSIA 12:8

‘Ngi long kiba riewspah’ ki ong. ‘Ngi lah lum kyrhai ka spah. Bad ym don uwei ruh ban mudui ïa ngi ba ngi ïoh spah da ka lynti bymhok.’

HOSIA 2:10

Ngan law lyngkhuit ïa ka ha khmat kiba ieit jong ka, bad yn ym don uno uno ruh uba lah ban pyllait ïa ka na ka bor jong nga.

HOSIA 2:3

Lada kam sangeh, ngan law lyngkhuit ïa ka kumba ka la long ha ka sngi ba la kha ïa ka. Ngan pynlong ïa ka, kum ka ri kaba tyrkhong bad ka bymseisoh, bad kan sa ïap namar ka jingsliang.

HOSIA 2:5

Ma ka hi ka la ong, “Ngan leit sha kiba ieit ki jong nga — ki pynbiang ïa nga ka jingbam bad ka um, u 'saiwul bad ka jaiñ linen, ka umphniang Olib bad ka waiñ.”

NAHUM 3:5

U Trai Badonbor Baroh u ong, “Ngan pynshitom ïa pha, ko Ninebeh! ngan sloit lyngkhuit ïa pha bad ngan shah ïa ki jaitbynriew ban ïohi ïa pha, ban ïohi ïa pha ha ka jinglehrain jong pha baroh.

SEPHANAÏAH 1:12

“Ha kata ka por ngan shim ïa ka sharak bad wad ïa ka Jerusalem. Ngan pynshitom ïa ki briew kiba sngewhun ha lade bad kiba sngewskhem, kiba ong ha lade, ‘U Trai um ju leh ei ei, kumne lane katai.’

DEUTERONOMI 18:21

“Phi lah ban lyngngoh kumno phi lah ban ong haba ka khubor u nongïathuhlypa kam shym wan na U Trai.

DEUTERONOMI 7:17

“Wat leit ong ha la ka dohnud, kine ki jaitbynriew ki kham bun paid ban ïa ngi, kumno ngi lah ban beh ïa ki.

DEUTERONOMI 8:17

Husiar ïoh phi ong ha lade, ‘Ka bor bad ka jingkhlaiñ jong nga hi ki la pynriewspah katne ïa nga.’