JEREMAÏAH 13:21 - Khasi CL Bible (BSI)

²¹ Aïu phan ong haba ki briew kiba pha pyrkhat ki long ki paralok jong pha, ki jop ïa pha bad ki synshar halor jong pha? Phan don ha ka jingpang kum ka kynthei kaba kha khun.

KA BAIBL

²¹ Men ong aïu, haba un buh ïa ki lok jong me ha khlieh halor jong me, haba ma me hi me la hikai ïa ki ban ïaleh ïa me? Hato ki jingkhuslai kin ym bat ïa me, kum ka kynthei haba suhkhun?

JEREMAÏAH 13:21 ပူးပေါင်းရင်းမြစ်များ

2 SYIEM 16:7

U Ahas u phah ïa ki rangbah sha u Tiglath Pileser, u patsha ka Assyria, ryngkat bad kane ka khubor: “Nga long u shakri baïaineh jong phi. To wan bad pyllait im ïa nga na ki syiem ka Syria bad Israel, kiba wan tur ïaleh ïa nga.”

ISAÏAH 10:3

Kaei phin leh haba U Blei u pynshitom ïa phi? Kaei phin leh haba u wallam ka jingpynjot halor jong phi na ka ri bajngai? Shano phin mareh ban shem jingïarap? Hangno phin buhrieh ïa ka spah jong phi?

ISAÏAH 13:8

Ki baroh kin shah pynshyrkhei, bad ka jingpang kan ban ïa ki, kum ka jingpang jong ka briew ha ka por suh kha. Kin ïakhmih iwei ïa iwei pat ha ka jingtieng, bad ki durkhmat jong ki kin pluh da ka jinglehrain.

ISAÏAH 21:3

Kaei kaba nga la ïohi bad ïohsngew ha ka jingïohipaw ka la pyndap ïa nga da ka jingsngewtriem bad sngewpang, ka jingpang kum ka jong ka kynthei ha ka por suh kha.

JEREMAÏAH 2:25

Ko Israel wat pynlwait ïa ki kjat jong me, lane shah ïa u pdot jong me ban tyrkhong na kaba beh ïa kiwei pat ki blei. Hynrei me ong, ‘Em! Ngam lah ban phai dien. Nga la ieit ïa ki blei nongwei bad ngan leit hadien jong ki.’ ”

JEREMAÏAH 22:23

Phi shong sngewskhem hapdeng ki dieng Kedar ba wanrah na Lebanon; hynrei katno kaba sngewsynei ynda wan ka jingshitom ha phi, bad phin ud haba ka jingsuh kan lap ïa phi, ki jingshitom kum kito ki jong ka kynthei kaba suh kha.

JEREMAÏAH 30:6

Mynta to sangeh bad pyrkhat! Hato u briew u lah ban kha khun? Te balei keiñ ba nga ïohi ïa uwei pa uwei u briew ba u buh ïa la ka kti ha la ka kpoh kum ka kynthei ha ka jingsuh kha? Balei uwei pa uwei baroh u blad rong?

JEREMAÏAH 38:22

Ha ka, nga la ïohi ba ïa baroh ki kynthei kiba dang sah ha ka ïingsyiem ha Judah ba la ïalam ïa ki shabar sha ki rangbah pynïaidkam jong u syiem ka Babilonia. Ha sngap ïa kaei kaba ki ïakren katba ki dang ïaleit: “ ‘Ki paralok bajan tam u syiem ki la ïalam bakla ïa u, ki la ïaid lait ïa u. Bad mynta ba ki kjat jong u ki la ngam ha ka ktieh, ki paralok jong u ki la iehnoh ïa u.’ ”

JEREMAÏAH 4:30

Ko Jerusalem, pha long kaba la tim! Balei pha riam ha kaba saw syn-iang? Balei pha deng jingdeng bad airong ïa ki khmat jong pha? Pha pynbhabriew ïa lade ym na ka bynta kano kano! Ki nongleh-ieit jong pha ki la kyntait ïa pha bad ki kwah ban pynïap ïa pha.

JEREMAÏAH 4:31

Nga la ïohsngew ïa ka jingïam, kum ka kynthei kaba suh kha, ka jinglynñiar kum ka kynthei kaba kha ïa i khun nyngkong jong ka. Ka la long ka jingïam jong ka Jerusalem kaba kwah eh ban ring mynsiem, ka da kner noh ïa ka kti jong ka bad ong, “Nga long kaba la tim! Ki wan ban pynïap ïa nga!”

JEREMAÏAH 48:41

bad ïa ki shnong bad ki kut yn kurup. Ha kata ka sngi ki shipai jong ka Moab kin sheptieng kum ka briew kaba suh kha.

JEREMAÏAH 5:31

Ki nongïathuhlypa kim kren ei ei hynrei tang ki jinglamler; ki lyngdoh ki synshar tang kumba hukum ki nongïathuhlypa, bad ki briew jong nga kim shym pynpaw jingpyrshah ei ei. Hynrei kin leh aïu haba baroh ka poi sha kaba kut?”

JEREMAÏAH 6:24

“Ngi la ïohsngew ïa ka khubor,” ong ki briew ka Jerusalem, “bad ki kti jong ngi ki noh kyrwep, la kem ïa ngi da ka jinglyng-a bad ka jingpang kum ka kynthei kaba suh kha.

ESEKIEL 28:9

Haba kin wan ban pynïap ïa me, hato men dang kam hi ba me long U Blei? Haba me ïakynduh ïa ki nongpynïap briew, men long uba kynja briew bad ym satia uba kynja blei.

MATHAÏOS 24:8

Kine kiei kiei baroh ki long kum ki jingpang banyngkong jong ka jingsuh kha.

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.