JEREMAÏAH 13:19 - Khasi CL Bible (BSI)

¹⁹ Ki shnong jong ka Judah bashathie ki don hapoh ka jingshah kerkut; ym don mano mano ba lah ban leit lyngba sha ki. Ïa ki briew baroh jong ka Judah la shim noh sha ka jinglongmraw.”

KA BAIBL

¹⁹ Ïa ki nongbah ka shathie la khang khop, te ym don ban plie ïa ki: la ring mraw ïa ka Judah baroh; la ring mraw lut ïa ka.

JEREMAÏAH 13:19 ပူးပေါင်းရင်းမြစ်များ

2 SYIEM 25:21

Hangta u syiem u la phah shoh bad pynïap ïa ki. Kumta ki paid Judah ki la shah rah sha jngai na la ka ri sha ka jinglongmraw.

1 KHRONIKL 9:1

Ïa baroh ki paid Israel la buh jingkheiñ kat kum ki longïing jong ki, bad ïa kane ka jingtip la buh jingthoh ha Ka Kitab jong ki Syiem ka Israel. Ïa ki paid Judah la pynryngkang par sha Babilon kum ka jingpynshitom ïa ki pop jong ki.

Ka Kitab U Job 12:14

Haba U Blei u pyntwa, uei uba lah ban tei pat, bad uno uba lah ban pyllait ïa u briew uba U Blei u la set byndi?

JEREMAÏAH 17:26

Ki briew kin wan na ki shnong jong ka Judah bad na ki shnongrit sawdong jong ka Jerusalem; kin wan na ka thain Benjamin, na ki kjat lum, na ki lumbah, bad na ka bynta bashathie jong ka Judah. Kin wallam sha ka Templ jong nga ïa ki jingainguh thang bad ïa ki jingkñia, ki jingainguh bam bad ka jingiwbih, kumjuh ruh ka jingainguh sngewnguh.

JEREMAÏAH 20:4

U Trai da lade hi u la ong, ‘Ngan pynlong ïa me ka jingshyrkhei ïa me hi bad ïa ki paralok jong me, bad men ïohi ïa ki baroh ba ki shah pynïap da ki waitlam jong ki nongshun jong ki. Ngan buh ïa baroh ki briew jong ka Judah hapoh ka bor jong u syiem ka Babilonia; un shim katto katne ngut kum ki koidi sha ka ri jong u bad pynïap ïa kiwei pat.

JEREMAÏAH 24:1

U Trai u pyn-i ha nga ar shang ki soh Dumbur ba la buh ha khmat ka Templ. (Kane ka long hadien ba u Nebukhadnessar u syiem ka Babilonia u la ringmraw ïa u Jehoïakhin, u syiem ka Judah, u khun jong u Jehoïakim, kum u koidi na Jerusalem, lem bad ki nongïalam ka Judah, ki nongtrei dieng, bad ki nongtrei batbit.)

JEREMAÏAH 28:4

Ngan wallam pat ruh ïa u syiem ka Judah, u Jehoïakhin u khun jong u Jehoïakim, lem bad ki briew baroh jong ka Judah kiba la leit sha ka jinglongmraw ha Babilonia. Ho-oid, ngan pynkheiñ ïa ka bor jong u syiem ka Babilonia. Ma nga, U Trai, nga la kren.”

JEREMAÏAH 32:44

Ki briew kin thied ïa ki, bad ïa ki dulir thied jaka yn soi, shon muhor bad yn sakhi. Kane kan jia ha ka ri Benjamin, ha ki shnong sawdong ka Jerusalem, ha ki shnong ka Judah, bad ha ki shnong ka ri lum, ha ki kjat lum, bad ha ka Judah bashaphang shathie. Ngan pynïoh pat ha ki briew ïa ka ri jong ki. Ma nga, U Trai, nga la kren.”

JEREMAÏAH 33:13

Ha ki shnong jong ka ri lum, ha ki kjat lum, bad ha ka Judah bashaphang shathie, ha ka ri ki Benjamin, ha ki shnongrit sawdong ka Jerusalem bad ha ki shnong ka Judah, ki nongaplangbrot sa shisien kin ñiew biang ïa la ki langbrot. Ma nga, U Trai, nga la kren.”

JEREMAÏAH 39:9

Khatduh u Nebusaradan, u rangbah shipai, u la ringmraw sha Babilonia ïa ki briew ba dang sah ha ka nongbah, ryngkat bad ïa kito kiba la iehnoh ïa u.

JEREMAÏAH 52:27

Hangta u syiem u la phah ban tied ïa ki bad ban pynïap. Kumta ïa ki briew ka Judah la rah noh na ka ri jong ki sha ka jinglongmraw.

JEREMAÏAH 52:28

Kane ka long ka jingbuh jingthoh ïa ki briew kiba u Nebukhadnessar u la rah kum ki koidi: ha ka snem kaba hynñiew jong u kum u syiem u la ïalam noh lai hajar arphew lai ngut;

JEREMAÏAH 52:30

bad ha ka snem kaba arphew lai jong u, hynñiewspah sawphew san ngut — ba la rah noh da u Nebusaradan. Ha baroh, ïa ki saw hajar hynriewspah ngut ki briew la rah noh.

SNGEWSYNEI 1:3

Ki briew jong ka Judah ki long ki mraw ki bym lah leh ei ei, kiba la shah pynmih da ka bor na la ka ïing. Ki la shong la sah ha kiwei pat ki ri, khlem kano kano ka jaka ban khot ka jong ki hi — La kerkut da ki nongshun, khlem kano kano ka lad ban lait im.

SEKHARAÏAH 7:7

Kane ka dei kaei kaba U Trai u la ong lyngba ki nongïathuhlypa kiba mynshuwa ha ka por mynba ka Jerusalem ka dang manbha bad dap da ki briew bad mynba dang don bun ki briew kiba shong basah ym tang ha ki shnong sawdong ïa ka nongbah hynrei kumjuh ruh ha ka phang bashathie bad ha ki kjat lum ha ka phang sepngi.

DEUTERONOMI 28:15

“Hynrei lada phim kohnguh ïa U Trai U Blei jong phi bad phim sumar hok ïa ki hukum bad ki aiñ baroh ba nga ai ha phi mynta ka sngi, kine ki jingtim baroh kin sa ngat ha phi.

DEUTERONOMI 28:52

Kin tur pyrshah ïa ki shnong jong phi baroh ha kata ka ri ba U Trai U Blei jong phi u ai ha phi, bad ki kynroh kiba jrong bad kiba skhem ha kiba ai jingshngain ïa phi kin kyllon.

JOSHUA 18:5

Ïa ka ri yn pynbynta mar katjuh ha ki hynñiew bynta; ka jait Judah kan sah ha la ka jaka shaphang shathie, bad ka jait Joseph ha la ka jaka shaphang shatei.