JEREMAÏAH 13:17 - Khasi CL Bible (BSI)

¹⁷ Lada phin ym shahshkor, ngan ïam ha kaba jar jar namar ka jingsarong jong phi; ngan ïamkthang eh, bad ki ummat jong nga kin tuid namar ki briew jong U Trai ki la shah ring noh kum ki mraw.

KA BAIBL

¹⁷ Hynrei, lada phin ym sngap ïa kane, ka mynsiem jong nga kan ïam ha kaba rieh namar ka jingsarong jong phi; bad ki khmat jong nga kin ïam sat, bad kin tuid da ki jingjaw ummat, namar ba la ring mraw ïa ka kynhun U Trai.

JEREMAÏAH 13:17 ပူးပေါင်းရင်းမြစ်များ

SALM 119:136

Ki ummat jong nga ki tuid kum ka wah, namar ki briew kim kohnguh ïa ka aiñ jong me.

SALM 80:1

To shahshkor ïa ngi, ko Nongap langbrot ka Israel; to sngew ïa ngi, ko nongïalam jong ka kynhun langbrot jong me. Me uba la shong halor ka khet halor jong ki kherub,

ISAÏAH 63:11

Hynrei nangta ki kynmaw ïa ki por kiba mynshuwa, ïa ki sngi u Moses, u shakri U Trai bad ki kylli, “Hangno mynta u don U Trai, uba pyllait im ïa ki nongïalam jong ki briew jong u na ka duriaw? Hangno u don U Trai, uba la ai ïa U Mynsiem jong u ha u Moses?

JEREMAÏAH 14:17

U Trai u la hukum ïa nga ban ïathuh ïa ki briew shaphang ka jingsngewsih jong nga bad ban ong: “Ai ba ki khmat jong nga kin tuid da ki ummat mynsngi bad mynmiet, ai ba da lei lei ngan ym sangeh ban ïam, namar ki briew jong nga ki la mynsaw jur bad ki la mong tyngeh.

JEREMAÏAH 15:17

Ngam shym pynlut ïa ka por jong nga bad kiwei pat ki briew, ha kaba ïa-rkhie bad ïasngewbha. Ha kaba kohnguh ïa ki hukum jong me nga la long marwei bad nga la dap da ka jingbitar.

JEREMAÏAH 17:16

Hynrei, A Trai, ngam ju kyrpad ïa me ban wallam ka jingpynjot halor jong ki; ngam shym la kwah ïa ka por jingjynjar na ka bynta jong ki. A Trai, me tip ïa kane; me tip ïa kaei kaba nga la ong.

JEREMAÏAH 22:5

Hynrei lada phim kohnguh ïa ki hukum jong nga, te nga smai ha phi ba kane ka ïingsyiem kan ngat ha ki jingjot. Ma nga, U Trai, nga la kren.

JEREMAÏAH 23:1

Katno ka long kaba shyrkhei ka jingbishar U Trai ïa kita ki nongsynshar kiba pynjot bad pynsakma ïa ki briew jong u!

JEREMAÏAH 23:2

Kane ka long kaei ba U Trai, U Blei ki Israel, u ong shaphang ki nongsynshar kiba la tharai ba kin sumar ïa ki briew jong u: “Phim shym la sumar bha ïa ki briew jong nga; phi la pynsakma ïa ki bad phi la beh noh ïa ki. Mynta ngan pynshitom ïa phi namar ka jingbymman jong phi kaba phi la leh.

JEREMAÏAH 9:1

Nga kyrmen ba ka khlieh jong nga ka long ka pukri um, bad ba ki khmat jong nga ka umpohliew ki ummat, khnang ba nga lah ban ïam mynsngi bad mynmiet na ka bynta ki briew jong nga kiba la shah pynïap.

SNGEWSYNEI 1:16

“Kata ka long balei ba ki khmat jong nga ki shlei da ki ummat. Ym don mano mano ba lah ban pyntngen ïa nga; ym don mano mano ba lah ban ai jingshlur ïa nga. U nongshun u la jop ïa nga; ki briew jong nga kim don ei ei shuh kaba sah.

SNGEWSYNEI 1:2

Baroh shi miet lynter ka ïam; ki ummat ki tuid ha ki ngab jong ka. Na baroh ki paralok jong ka kiba mynshuwa, ym don iwei ruh iba sah ban pyntngen ïa ka. Kiba ïateh lok bad ka ki la shetkylla ïa ka bad baroh ki la long pyrshah ïa ka mynta.

SNGEWSYNEI 1:9

Ïa ka jingbymkhuid jong ka lah ban ïohi da kaba suk, hynrei kam shym la pynpaw jingsngewkhia ei ei ïa la ka kupar. Ka jingkyllon jong ka, ka long kaba shyrkhei; ym don mano mano ba lah ban pyntngen ïa ka. Ki nongshun jong ka ki la jop, bad ka kyang sha U Trai na ka bynta ka jingisynei.

SNGEWSYNEI 2:18

Ko Jerusalem, ai ba ki kynroh jong pha hi kin kyang jam sha U Trai! Ai ba ki ummat jong pha kin tuid kum ki wah bad miet bad sngi; pynthait ïa lade da ka jingïam bad da ka jingsngewsih!

SNGEWSYNEI 3:48

Ki khmat jong nga ki tuid da ki ummat kum ki wah ha ka jingshah pynjot jong ki briew jong nga.

ESEKIEL 24:16

“Ko Khun u briew,” u la ong, “tang shi syntied ngan shim noh ïa u briew uba pha ieit eh. Pham dei ban wad daw lane ïam ne jaw ki ummat.

ESEKIEL 34:31

“Ma phi, ki langbrot jong nga, ka kynhun kaba nga bsa, phi long ki briew jong nga, bad nga long U Blei jong phi,” ong U Trai Nongsynshar.

ESEKIEL 36:38

Ki nongbah kiba mynta ki don ha ka jingjot kin sa dap da ki paidbah kumba ka Jerusalem shisien ka ju dap da ki langbrot ba la wanrah kum ki jingkñia ha ka Jingkhawai Niam. Te kin sa tip ba nga long U Trai.”

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

MALAKHI 2:2

Phi dei ban burom ïa nga da kaei ba phi leh. Lada phim shahshkor ïa kaei kaba nga ong, te ngan wallam ka jingtim ha phi. Ngan buh ïa ka jingtim ha kiei kiei kiba phi ïohpdiang na ka bynta ka jingkyrshan ïa phi. Ha ka jingshisha, nga la dep buh lypa ka jingtim ha ki, namar phim shym pdiang sngewkhia ïa ka hukum jong nga.

1 SAMUEL 15:11

“Nga sngewsih ba nga la pynlong syiem ïa u Saul; u la phai noh na nga bad um shym la kohnguh ïa ki hukum jong nga.” U Samuel u la bitar, bad baroh shi miet u la ïasaid tyngeh bad U Trai.

1 SAMUEL 15:35

Katba u Samuel u dang im, um shym ïohi shuh ïa u syiem; hynrei u khuslai sat na ka bynta jong u. U Trai u la sngewsih ba u la thung ïa u Saul kum u syiem ki Israel.