JEREMAÏAH 13:14 - Khasi CL Bible (BSI)

¹⁴ Nangta ngan lynthaw ïa ki kum ïa ki khra uwei pyrshah ïa uwei pat, uba tymmen bad uba samla kumjuh. Ym don ka jingsngewsynei, ka jingsngewlem, lane ka jingisynei ka ban pynsangeh ïa nga na kaba pynïap ïa ki.”

KA BAIBL

¹⁴ Bad ngan pynïatyngkhuh paralok ïa ki, ïa ki kpa keiñ bad ïa ki khun lang,” ’ ” ong U Trai: “ngan ym isynei, lymne map, lymne sngewsynei, kat ban ym pynduh ïa ki.”

JEREMAÏAH 13:14 ပူးပေါင်းရင်းမြစ်များ

2 KHRONIKL 20:23

Ki Amon bad ki Moab ki tur ïaleh ïa ka kynhun shipai ki Edom bad pynjot thiaw ïa ka, bad hadien kata, ki ïaphai pyrshah para ma ki ha ka jingïaleh bashyrkhei.

Ka Kitab U Job 27:22

kan beh halor jong ki khlem jingisynei katba ki pyrshang katba don la ka bor ban lait im.

SALM 2:9

Men pynkheiñ ïa ki da u diengduh nar; men pynpra ïa ki lyngkhot lyngkhai kum ïa u khiew khyndew.’”

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

JEREMAÏAH 15:5

U Trai u ong, “Mano ban isynei ïa phi, ki briew jong ka Jerusalem, bad mano ban ïam sngewsih halor jong phi? Mano ban sangeh kham slem ban kylli phi long kumno?

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 16:5

“Mem dei ban rung shapoh ka ïing ha kaba don ka jingïambriew. Wat ym ïam sngewsih na ka bynta jongno jongno. Ngan ym kyrkhu shuh ïa ki briew jong nga da ka jingsuk lane pyn-i ha ki ïa ka jingieit bad ka jingisynei.

JEREMAÏAH 21:7

Hynrei na ka bynta jong phi, ki rangbah synshar jong phi bad ki briew kiba lait im na ka thma, ka khlam bad ka 'nemsniew — ngan ai ïa baroh na phi ban shahjop ha u syiem Nebukhadnessar bad da ki nongshun jong phi, kiba kwah ban pynïap ïa phi. U Nebukhadnessar un phah pynïap ïa phi. Un ym pynsah ïano ïano na phi lane un ym isynei lane sngewlem ïano ïano na phi. Ma nga, U Trai, nga la kren.”

JEREMAÏAH 25:16

Ynda ki dih ïa ka, kin sa ïaid sheng sheng bad kin ïaid lamwir namar ka thma kaba ngan phah pyrshah ïa ki.”

JEREMAÏAH 47:3

Kin ïohsngew ïa ki jingsawa ki jingjam jong ki kulai, ki jingriew jong ki kali ïapom, ki jingtyllun jong ki shaka. Ki kpa kin phai pat na ka bynta la ki khun; ki kti jong ki kin noh kyrwep.

JEREMAÏAH 48:12

“Te mynta, ka por ka poi haba ngan phah ïa ki briew ban theh noh ïa ka Moab kum ka waiñ. Kin pynthylli ïa ki khra buh waiñ bad pynpait lyngkhot ïa ki.

JEREMAÏAH 6:21

Bad kumta ngan pynlong ïa kine ki briew ban jynthut bad kyllon. Ki kpa bad ki khun kin ïap, bad kumta kin long ki paralok bad ki paramarjan.”

SNGEWSYNEI 2:21

Kiba samla bad kiba tymmen kumjuh ki thiah ïap ha ki lynti bah, ki samla shynrang bad kynthei, ki la shah pynïap da ki waitlam jong u nongshun jong ki. Me la pynïap ïa ki khlem jingisynei ha ka sngi ka jingbitar jong me.

ESEKIEL 24:14

Ma nga, U Trai Nongsynshar, nga la kren. Ka por ka la poi ïa nga ban leh ei ei. Ngan ym ieh kumto ïa ki pop jong pha lane pyn-i jingsngewlem ne jingisynei. Phan shah pynshitom namar kaei kaba pha la leh.” U Trai Nongsynshar u la kren.

ESEKIEL 7:3

“Ko Israel, kaba kut ka la wan. Phan sa sngew ïa ka jingbitar jong nga; naba ngan bishar ïa pha ïa kaei kaba pha la leh. Ngan pynshitom ïa pha namar ki kam ijli jong pha baroh.

ESEKIEL 7:4

Ngan ym tyngkai ïa pha, ne pyn-i jingisynei ei ei ïa pha. Ngan pynshitom ïa pha na ka bynta ki kam ba-ijli kiba pha la leh, kumta phan sa tip ba nga long U Trai.”

ESEKIEL 7:9

Ngan ym tyngkai ïa pha lane pyn-i kano kano ka jingisynei ïa pha. Ngan pynshitom ïa pha namar ki kam ijli kiba pha la leh, kumta phan sa tip ba nga long U Trai, bad dei ma nga uba pynshitom ïa pha.”

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

ESEKIEL 9:10

Hynrei ngan ym isynei ïa ki, Ngan leh ha ki ïa kaei kaba ma ki, ki la leh ïa kiwei.”

ESEKIEL 9:5

Bad nga la ïohsngew ïa U Blei ba u ong ha kita kiwei pat ki briew, “Bud ïa u sawdong ka nongbah, bad pynïap. Wat tyngkai ïano ïano, wat sngewsynei ïano ïano.

HOSIA 2:4

Ngan ym pyn-i jingisynei ïa ki khun jong ka; ki long ki khun jong ka nuti bym don jinglehrain.

SEKHARAÏAH 11:6

(U Trai u la ong, “Ngan ym isynei shuh ïano ïano ha ka pyrthei. Ma nga da lade ngan buh ïa ki briew baroh hapoh ka bor jong ki nongsynshar jong ki. Kine ki nongsynshar kin pynjot ïa ka pyrthei, bad ngan ym pyllait ïa ka na ka bor jong ki.”)

MATHAÏOS 10:21

“Ki rangbah kin aiti noh ïa la ki jong ki hynmen bad para ïa ka ban pynïap ïa ki, bad ki kpa kin leh kumjuh ïa la ki khun; ki khun kin phai ïaleh pyrshah ïa la ki kmie ki kpa bad kin phah pynïap ïa ki.

MARKOS 13:12

Ki briew kin aiti noh ïa la ki hynmen ki para ban pynïap ïa ki, bad ki kpa kin leh kumjuh ïa la ki khun, ki khun ki ïeng pyrshah ïa la ki kmie ki kpa bad kin aiti ïa ki ban shah pynïap.

DEUTERONOMI 29:20

U Trai un ym map kum ïa uta u briew. Hynrei ka jingbitar shla jong u kan meh lep pyrshah ïa u, bad ki jingjynjar baroh ïa kiba la thoh ha kane ka kitab kin ngat ha u haduh ba U Trai un da pynjot thiaw ïa u.

1 SAMUEL 14:16

Ki rangbah ap phira jong u Saul ha Gibeah ha ri Benjamin ki ïohi ïa ki Philistia ba ki phet ha ka jingkulmar.