JEREMAÏAH 13:11 - Khasi CL Bible (BSI)

¹¹ Kumba ki patlun lyngkot ki biang sbiak sawdong ka syngkai, kumta nga la thmu ba baroh ki briew jong ka Israel bad Judah kin snoh skhem ha nga. Nga la leh ïa kane khnang ba kin ïoh long ki briew jong nga bad wallam ka jingïaroh bad ka burom ïa ka kyrteng jong nga; hynrei kim shym kohnguh ïa nga.”

KA BAIBL

¹¹ Naba kumba ka jingpanpoh ka snoh ha ka syngkai u briew, kumta nga ruh nga la pynsnoh ha nga ïa ka ïing Israel baroh bad ïa ki ïing Judah baroh,’ ” ong U Trai; “ba kin ïoh long ha nga u paidbah, bad ka nam, bad ka jingïaroh, bad ka burom: hynrei, kim treh ban sngap.”

JEREMAÏAH 13:11 ပူးပေါင်းရင်းမြစ်များ

SALM 135:4

U la jied ïa u Jakob na ka bynta ïa lade, ïa ki paid Israel na ka bynta jong u hi.

SALM 147:20

Um shym la leh ïa kane ha kiwei pat ki jaitbynriew; kim tip ïa ki aiñ jong u. To ïaroh ïa U Trai!

SALM 81:11

“Hynrei ki briew jong nga kim shym la sngap ïa nga; Ki Israel kim shym la kohnguh ïa nga.

ISAÏAH 43:21

Ki long ki briew ba nga la pynlong na ka bynta ïa lade, bad ki rwai ïa ka jingïaroh jong nga!”

ISAÏAH 62:12

Yn khot ïa phi, “Ki Briew ki bakhuid jong U Blei,” “Ki briew kiba U Trai u la pyllait im;” Ïa ka Jerusalem yn khot “Ka nongbah kaba U Blei u ieit.” “Ka nongbah kaba U Blei um shym la iehnoh.”

JEREMAÏAH 13:1

U Trai u la bthah ïa nga ban leit bad thied ïa lade katto katne tylli ki patlun linen balyngkot bad ban phong ïa ki; hynrei u la bthah ïa nga ban ym phong ïa ki hapoh ka um.

JEREMAÏAH 13:10

Kine ki briew basniew ki la kyntait ban kohnguh ïa nga. Ki la long kiba mutlop bad bymman kumba ki la ju long, bad ki la mane bad shakri ïa kiwei ki blei. Kumta te, ki la long kum kine ki patlun lyngkot ki bym long shuh ban pyndonkam.

JEREMAÏAH 13:12

U Trai U Blei u la ong ha nga, “Ko Jeremaïah, ïathuh ïa ki paid Israel ba ïa uwei pa uwei u khra buh waiñ dei ban pyndap da ka waiñ. Kin jubab ba ki tip ba ïa uwei pa uwei u khra buh waiñ dei ban pyndap da ka waiñ.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 32:20

Naduh mynbarim, me la leh ïa ki kambah bad ki jingphylla ha Ijipt, bad me ïai leh ïa ki haduh kane ka sngi, ha Israel bad hapdeng kiwei ki hima baroh, ba kumta ïa me mynta la tip kylleng sawdong.

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

JEREMAÏAH 6:17

Nangta U Trai un thung ki rangbah nongap phira ban shahshkor ïa ka jingmaham jong ka turoi. Hynrei ki ong, “Ngin ym shahshkor.”

JEREMAÏAH 7:13

Phi la leh ïa kine ki pop baroh, bad wat la nga la kren ïa phi bad ïai kren, phi la kyntait ban shahshkor. Phin ym jubab haba nga la khot ïa phi.

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

JEREMAÏAH 7:24

Hynrei kim shym kohnguh lane pynshahshkor ei ei. Pynban, ki la leh ïa kaei kaei kaba ka dohnud ba-mutlop bad basniew jong ki ka ong ïa ki ban leh, bad ki la nang kham sniew ha ka jaka ban kham bha.

JEREMAÏAH 7:26

Pynban ym don mano mano ba sngap lane pynshahshkor. Pynban, phi la nang kham mutlop bad ïeng ïaleh pyrshah ban ïa ki kpa tymmen jong phi.

AMOS 3:1

Ko ki paid Israel, to sngew ïa kane ka khubor kaba U Trai u la kren shaphang jong phi, ka jaitbynriew baroh kawei kaba u la wan ïalam na ka ri Ijipt;

LOUKAS 10:11

‘Wat ïa u pui pui na ka shnong jong phi uba dambit ha ki kjat jong ngi, ngi ñiad noh pyrshah ïa phi. Hynrei kynmaw ba ka Hima U Blei ka la wan hajan jong phi!’

DEUTERONOMI 26:18

Mynta ka sngi U Trai u la pdiang ïa phi kum la ki jong ki briew, kumba u la kular ïa phi; bad u hukum ïa phi ban kohnguh ïa ki aiñ jong u baroh.

DEUTERONOMI 26:19

Un kyntiew ïa phi ha khlieh eh ïa ki jaitbynriew baroh ba u la thaw, bad phi pat phin ïaroh bad ai burom ïa ka kyrteng jong u. Phi phin long ki briew jong u hi, kumba u la kular.”

DEUTERONOMI 4:7

“Ym don kawei pat ka jaitbynriew, la ka khraw katno katno, kaba don u blei uba hajan kum U Trai U Blei jong ngi, haba ki donkam ïa u. Man ka por ba ngi khot kyrpad ïa u, u jubab ïa ngi.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.