JEREMAÏAH 12:7 - Khasi CL Bible (BSI)

⁷ U Trai u ong, “Nga la iehnoh ïa ka Israel; nga la kyntait noh ïa ka jaitbynriew ba la jied jong nga. Nga la ai ïa ki briew ba nga ieit ha ka bor jong ki nongshun jong ki.

KA BAIBL

⁷ “Nga la iehnoh noh ïa la ka ïing, nga la kyntait ïa la ka ri kynti; nga la ai noh ïa kaba ieit thoiñ ka mynsiem jong nga ha ka kti ki nongshun jong nga.

JEREMAÏAH 12:7 ပူးပေါင်းရင်းမြစ်များ

2 SYIEM 21:14

Ngan iehnoh ïa ki briew kiba lait im bad aiti ïa ki ha ki nongshun jong ki, ki ban jop ïa ki bad lute ïa ka ri jong ki.

SALM 106:40

Kumta U Trai u la bitar ïa ki briew jong u; u la sngewngiah ïa ki.

SALM 78:62

U la bitar ïa ki briew jong u hi bad u ai ïa ki ban shah pynïap ha ki nongshun jong ki.

ISAÏAH 2:6

A Blei me la iehnoh ïa ki briew jong me, ki khun ki ksiew jong u Jakob! Ka ri ka dap da ki jingleh myntor na ka ri Mihngi bad na ka Philistia. Ki briew ki bud ïa ki dustur nongwei.

JEREMAÏAH 11:15

U Trai u ong, “Ki briew kiba nga ieit ki la leh ïa kiei kiei kiba sniew. Ki don hok aïu ban don hapoh ka Templ jong nga? Hato ki pyrkhat ba ki lah ban ïada na ka jingpynjot da kaba pynlong ki jingkular bad da kaba ai ki jingkñia da ki mrad? Hato kata kan pynkmen ïa ki?

JEREMAÏAH 14:19

A Trai, hato me la kyntait ïa ka Judah nadong shadong? Hato me isih ïa ki briew jong ka Seïon? Balei ba me la pynmong jur ïa ngi ba ngim lah ban koit? Ngi la wad ïa ka jingsuk, hynrei ym don kano kano jingbha kaba la jia, ngi la kyrmen ïa ka jingpynkhiah, hynrei ka wan pynban ka jingshyrkhei.

JEREMAÏAH 17:4

Phin hap ban iehnoh ïa ka ri kaba nga la ai ha phi, bad ngan pynlong ïa phi ban shakri ïa ki nongshun jong phi ha ka ri kaba phim tip ei ei, namar ka jingbitar jong nga ka long kum ka ding, bad kan pluh junom.”

JEREMAÏAH 22:5

Hynrei lada phim kohnguh ïa ki hukum jong nga, te nga smai ha phi ba kane ka ïingsyiem kan ngat ha ki jingjot. Ma nga, U Trai, nga la kren.

JEREMAÏAH 23:33

U Trai u la ong ïa nga, “Ko Jeremaïah, haba uwei na ki briew jong nga ne u nongïathuhlypa ne u lyngdoh u kylli ïa me, ‘Kaei ka khubor jong U Trai?’ Men ïathuh ha u, ‘Me long ka jingkit ïa U Trai, bad un sa kynther noh ïa me.’

JEREMAÏAH 23:39

te ïathuh ïa ki ba da shisha ngan shim trait ïa ki, bad ngan bret noh ïa ki sha jngai na nga, ïa ki bad ïa ka nongbah kaba nga la ai ha ki bad ha ki kpa tymmen jong ki.

JEREMAÏAH 51:5

Ma nga, U Trai U Blei Badonbor Baroh, ngam pat shym la iehnoh ïa ka Israel bad ka Judah, wat la ki la leh pop pyrshah ïa nga, U Bakhuid jong ki Israel.

JEREMAÏAH 7:14

Bad kumta, kaei kaba nga la leh ïa ka Shiloh ngan leh ruh ïa kane ka Templ jong nga, ha kaba phi shaniah. Hangne ha kane ka jaka kaba nga la ai ha ki kpa tymmen jong phi bad ha phi, ngan leh ïa kata kajuh kaba nga la leh ïa ka Shiloh.

JEREMAÏAH 7:29

“To ïambriew, ko ki briew ka Jerusalem; to ot noh ïa u shñiuh jong phi bad bret noh ïa u. To rwai ka jingrwai ïapbriew halor ki kliar lum, namar ma nga, U Trai, nga bitar, bad nga la kyntait ïa ki briew jong nga.

ESEKIEL 24:21

ba ngan ai ha ki Israel ïa kane ka khubor: Pha sarong ha ka jingkhraw jong ka Templ. Pha sngewbha ban khmih ïa ka bad ban leit jngoh ïa ka, hynrei U Trai un pyntngit ïa ka. Bad ki dkhot ba kham samla ha ki longïing jong pha kiba la shah iehnoh ha Jerusalem kin shah pynïap ha ka thma.

HOSIA 11:1

U Trai u ong, “Mynba u Israel u dang khynnah, nga la ieit ïa u, bad nga la khot noh ïa u na Ijipt kum u khun jong nga.

HOSIA 9:15

U Trai u ong, “Baroh ki kam sniew jong ki, ki la sdang ha Gilgal. Ka la long hangta ba nga sdang ban isih ïa ki. Bad namar ka jingsniew ba ki la leh, ngan beh noh ïa ki na ka ri jong nga. Ngan ym ieit shuh ïa ki; baroh ki nongïalam jong ki, ki la ïaleh pyrshah ïa nga.

JOEL 2:15

To put ïa ka turoi halor u lum Seïon; to ai ki hukum na ka bynta ka jingshah jingit bad khot ïa ka jingïaseng bah!

JOEL 3:2

Ngan lumlang ïa baroh ki jaitbynriew bad wallam ïa ki sha ka Them jong ka Jingbishar. Hangta ngan bishar ïa ki na ka bynta baroh kaba ki la leh ïa ki briew jong nga. Ki la pynsakma ïa ki Israel sha ki ri nongwei bad ki la phiah ïa ka Israel, ka ri jong nga.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

DEUTERONOMI 33:12

Shaphang ka jait Benjamin u ong, “Kane ka dei ka jait ba U Trai u ieit bad ïada; U ïada ïa ki baroh shi sngi, Bad u shong hapdeng jong ki.”