JEREMAÏAH 12:6 - Khasi CL Bible (BSI)

⁶ Wat ki hynmen ki para shynrang jong me, ki dkhot jong ka longïing jong me hi, ki la shetkylla ïa me; ki la ïasoh ha ki jingtur ïaleh pyrshah ïa me. Wat shaniah ïa ki, wat la ki kren ki ktien sngewieit.”

KA BAIBL

⁶ Naba wat ki para jong me, bad ka ïing u kpa jong me, kita hi keiñ ki la ïashetkylla ïa me; kita hi ruh ki la pyrta jam nadien jong me: wat ngeit ïa ki, la ki kren da ki ktien ki babha ïa me.”

JEREMAÏAH 12:6 ပူးပေါင်းရင်းမြစ်များ

Ka Kitab U Job 6:15

Hynrei phi, ko paralok jong nga, phi shukor ïa nga kum ki wahduid kiba ju rngad noh ha bym don slap.

SALM 12:2

Baroh na ki, ki lamler iwei ïa iwei pat; ki shukor iwei ïa iwei pat da ki kyntien pynroh.

SALM 12:3

To pynsngap jar ïa ki thylliej pynroh, A Trai! To set noh khop ïa ki shyntur basngewmeng kiba ong,

SALM 69:8

Nga long kum u nongwei ïa ki hynmen ki para jong nga, kum u sohshnong ha la ka longïing.

PROBERB 23:8

Phin hap prie noh ïa kaba phi la bam, bad baroh ki ktien pynroh jong phi kin sep-ei.

PROBERB 26:25

Ki lah ban sawa sngewtynnat, hynrei wat ngeit ïa u, namar ka dohnud jong u ka dap haduh rymmiang da ka jingisih.

ISAÏAH 31:4

U Trai u la ong ha nga, “Kam pher kumno ki nongaplangbrot ki kynhied bad ki pyrta, kim lah ban pyntieng ïa u sing ba un phet na ka jingri ba u la pynïap; ha kajuh ka rukom, ym don kano kano kaba lah ban khang ïa nga, U Trai Badonbor Baroh na kaba ïada ïa u Lum Seïon.

JEREMAÏAH 11:19

Nga la long kum i khunlangbrot balui lui iba la shah ïalam sha ka jingpynïap, bad ngam shym tip ba ka la long pyrshah ïa nga ba ki la ïapynkhreh ïa kiei kiei kiba sniew. Ki la ïa-ong, “To ngin khet ïa u dieng katba u dang khlaiñ; to ngin pynïap ïa u khnang ba yn ym don mano mano ba kynmaw shuh ïa u.”

JEREMAÏAH 11:21

Ki rangbah jong ka Anathoth ki la kwah ïa nga ban shah pynïap, bad ki la ong ïa nga ba kin pynïap ïa nga lada nga dang ïai pynbna ïa ka khubor jong U Trai.

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

JEREMAÏAH 9:2

Nga thrang ban don ka jaka ban sah ha ka ri shyiap ha kaba nga lah ban lait na ki briew jong nga. Ma ki baroh ki long ki bymïaineh, ki paidbhur ki nongshetkylla.

JEREMAÏAH 9:3

Ki long borabor kiba kloi ban ïathuh lamler; ka jingbymhok ha ka jaka jong ka jingshisha, ka synshar ïa ka ri. U Trai u ong, “Ki briew jong nga ki leh ïa kawei kaba sniew hadien kawei pat bad kim shym pdiang ïa nga kum U Blei jong ki.”

JEREMAÏAH 9:4

Uwei uwei baroh u dei ban da sumar bha pyrshah ïa u paralok jong u, bad ym don uno uno uba lah ban shaniah ïa u hynmen u para shynrang jong u; namar uwei pa uwei uba shi para u long uba dap da ka jingshukor kum u Jakob, bad uwei uwei u krenbeiñ ïa ki paralok jong u.

JEREMAÏAH 9:5

Ma ki baroh ki ïalam bakla ïa la ki paralok, bad ym don uwei ruh uba ïathuh ïa ka jingshisha; ki la hikai ïa la ki thylliej ban lamler bad kin ym iehnoh ïa ka jingleh pop jong ki. Ki leh ïa kawei ka jingleh jubor hadien kawei pat, bad kawei ka jingleh shukor ka bud ïa kawei pat. U Trai u ong ba ki briew jong u ki kyntait ïa u.

MATHAÏOS 10:21

“Ki rangbah kin aiti noh ïa la ki jong ki hynmen bad para ïa ka ban pynïap ïa ki, bad ki kpa kin leh kumjuh ïa la ki khun; ki khun kin phai ïaleh pyrshah ïa la ki kmie ki kpa bad kin phah pynïap ïa ki.

MARKOS 12:12

Ki nongïalam jong ki Jiw ki la pyrshang ban kem ïa U Jisu, namar ki la tip ba u la ong ïa kane ka pharshi pyrshah ïa ki. Hynrei ki la sheptieng ïa u paidbah, kumta ki la iehnoh ïa u bad ki la leit noh.

ÏOANNIS 7:5

(Wat ki para shynrang jong u hi kim shym la ngeit ha u.)

KI KAM 16:22

Bad u paidbah u la ïasoh lang ha kaba tur pyrshah ïa u Paul bad u Silas. Ki rangbah synshar ki la tar ïa ki jaiñ jong u Paul bad u Silas, bad ki la ai hukum ban sympat ïa ki.

KI KAM 18:12

Haba ïa u Gallio la pynlong u lyngskor jong ka Akhaïa kaba ha ka hima Rom, ki Jiw ki la ïalumlang hangta, ki la kem ïa u Paul, bad ki la ïalam ïa u sha ka ïingbishar.