JEREMAÏAH 12:2 - Khasi CL Bible (BSI)

² Me la thung ïa ki, bad ki la suhthied; ki san bad ki pynmih soh. Ki ju kren bha shaphang jong me, pynban kim da salia eh shisha shaphang jong me.

KA BAIBL

² Me la thung ïa ki, bad ki la suhthied; ki nang san, bad ki sei soh ruh: me long hajan ha ka shyntur jong ki, te me jngai na ki khyllai jong ki.

JEREMAÏAH 12:2 ပူးပေါင်းရင်းမြစ်များ

Ka Kitab U Job 24:12

Ha ki nongbah, kiba mynsaw bad kiba la jan ïap ki lynñiar, hynrei U Blei um patiaw ïa ki jingduwai jong ki.

Ka Kitab U Job 5:3

Nga la ïohi ïa ki bieit kumba ki shongshngain, hynrei nga pynbna ïa ka jingtim ha ki longïing jong ki.

SALM 37:35

Shisien nga la tip ïa u briew bymman ba u leh donbor, ba u ïeng pynwit ïa baroh kum u dieng Kedar ka Lebanon.

ISAÏAH 29:13

U Trai u la ong, “Kine ki briew ki ong ba ki mane ïa nga, hynrei ki ktien jong ki kim don jingmut ei ei, bad ki dohnud jong ki, ki long shawei pat. Ka niam jong ki kam long ei ei, hynrei ka long tang ki aiñ bad ki rukom briew, kiba ki shu spel lyndet.

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 3:10

Bad hadien kane baroh, ka Judah, ka para bymïaineh jong ka Israel, ka la shu leh mynleh ban wan phai sha nga, kam shym da mut shisha. Ma nga U Trai, nga la kren.”

JEREMAÏAH 45:4

“Hynrei ma nga, U Trai, nga la pyntwa noh ïa kaei kaba nga la tei bad rat noh ïa kaei kaba nga la thung. Ngan leh ïa kane ha ka pyrthei baroh kawei.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

HOSIA 7:14

Kim shym la duwai ha nga naduh la ka dohnud, hynrei pynban ki bret ïa lade ha madan bad ïam pangnud kumba leh kiba mane blei thala. Haba ki duwai ban ïoh ïa u kew bad ka waiñ, ki ot pynmong ïa lade kum kiba mane blei thala. A haduh katno ki long kiba ïaleh pyrshah!

HABAKKUK 1:13

Hynrei kumno me lah ban shah ïa kine ki riewshukor, ki briew kiba sniew? Ki khmat jong me ki khuid palat kat ban peit ïa kaba sniew, bad mem lah shah ban peit ïa ki briew ba leh bymdei. Te balei ba me shu sngap jar jar katba ki dang pynjot ïa ki briew kiba kham hok ban ïa ki?

MATHAÏOS 15:8

“ ‘Kine briew, ong U Blei, ki pyndonburom ïa nga da ki kyntien jong ki, hynrei ka dohnud jong ki, da shisha ka long jngai eh na nga.

MARKOS 7:6

U Jisu u la jubab ïa ki, “A katno kaba dei ba u Isaïah u la ïathuhlypa shaphang jong phi! Phi long kiba arsap, thik kumba u la thoh: “ ‘Kine ki briew, ong U Blei, ki burom ïa nga da ki ktien jong ki, hynrei ka dohnud jong ki, ka long jngai shisha na nga.

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.