JEREMAÏAH 12:13 - Khasi CL Bible (BSI)

¹³ Ki briew jong nga ki la bet ïa u kew, hynrei ki la lum ïa ki ñiut; ki la trei shitom, hynrei kim shym ïoh ei ei na ka bynta kata. Namar ka jingbitar shla jong nga ki jingthung jong ki kim shym long.”

KA BAIBL

¹³ Ki la bet da u Kew, te ki la ot da ki dieng shiah; ki la leh shitom ïa lade, te kim shym myntoi ei ei: te phin sngewlehrain ïa la ki soh, namar ka jingbitar lep ka jong U Trai.”

JEREMAÏAH 12:13 ပူးပေါင်းရင်းမြစ်များ

SALM 78:62

U la bitar ïa ki briew jong u hi bad u ai ïa ki ban shah pynïap ha ki nongshun jong ki.

ISAÏAH 55:2

Balei ban pynlut pisa ha kaei ka bym ai jinghun? Balei ban pynlut ïa ka bainong jong phi bad ban dang hap shahthngan hi? To shahshkor ïa nga bad leh ïa kaei kaba nga ong, bad phin sngewtynnat ïa ka jingbam kaba bang tam na baroh.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 4:26

Ka ri kaba seisoh ka kylla long ka ri shyiap, ki nongbah jong ka ki la don ha ka jingjot namar ka jingbitar shla jong U Trai.

JEREMAÏAH 9:5

Ma ki baroh ki ïalam bakla ïa la ki paralok, bad ym don uwei ruh uba ïathuh ïa ka jingshisha; ki la hikai ïa la ki thylliej ban lamler bad kin ym iehnoh ïa ka jingleh pop jong ki. Ki leh ïa kawei ka jingleh jubor hadien kawei pat, bad kawei ka jingleh shukor ka bud ïa kawei pat. U Trai u ong ba ki briew jong u ki kyntait ïa u.

HOSIA 8:7

Haba ki bet ïa ka lyer, kin ïoh ot ïa ka 'erlangthari! U kew baroh shi pynthor u bym pat ih un ym lah ban pynmih kpu. Hynrei wat lada u pynmih ruh, ki nongwei kin bam ei ïa u.

LEBITIKOS 26:16

Ngan pynngat ha phi ïa ka jingjynjar — ki jingpang bym lah pynkhiah, bad ki jingpang shit ki ban pynmatlah ïa phi bad ban pynlong ïa ka jingim jong phi ban sep-ei. Phin bet ïa u symbai, hynrei um myntoi ïa phi, naba ki nongshun jong phi kin jop ïa phi bad kin bam ïa kaba phi la thung.

LEBITIKOS 26:20

Baroh ka jingtrei shitom jong phi kan long lehnoh-ei, namar ka khyndew jong phi kan ym pynmih jingthung jingtep bad ki dieng kin ym seisoh.

MIKAH 6:15

Phin bet ïa u kew, hynrei phin ym ïoh ban ot. Phin khem ïa ka umphniang na ki soh Olib, hynrei phin ym lah da lei lei ban pyndonkam ïa ka. Phin ïoh shna ïa ka waiñ, hynrei phin ym ïoh dih da lei lei ïa ka.

HABAKKUK 2:13

Ki jaitbynriew kiba phi la jop ki la pynshohthait ïa lade da ka jingtrei bymmyntoi, bad baroh kaba ki la tei la bam duh ha ka ding. U Trai Badonbor Baroh u la leh ïa kane.

HAGGAI 1:6

Phi la bet shibun u kew, hynrei phi la ot tang khyndiat. Phi don ka bam ban bam, hynrei kam biang kat ban pynkdang ïa phi. Phi don ka waiñ ban dih, hynrei kam biang kat ban pynbuaid ïa phi! Phi don ki jaiñkup, hynrei kam biang kat ban pynsyaid ïa phi. Bad u nongtrei um lah ban kamai kat ban biang ban im.

HAGGAI 1:9

“Phi la kyrmen ïa ki jingot kiba bun, hynrei ki la kylla long tang khyndiat. Bad haba phi la wanrah ïa ka jingot sha ïing, nga pynher ïa ka sha jngai. Balei ba nga la leh ïa kata? Namar ka Templ jong nga ka dang don ha ki jingjot katba uwei pa uwei na phi u bunkam ha ka jingtrei ïa la ka jong ka ïing.

Ka Shithi U Paul Sha Ki Nong Rom 6:21

Kaei kaba phi la ïoh jingmyntoi na kaba leh ïa kiei kiei kiba phi la sngewlehrain mynta? Ka jingmih jong kita kiei kiei ka long ka jingïap!

DEUTERONOMI 28:38

“Shibun u symbai phin bet ha lyngkha, hynrei tang khyndiat pat phin ïoh ot, namar ki puit kin bam ïa ki jingthung jong phi.