JEREMAÏAH 12:12 - Khasi CL Bible (BSI)

¹² Sha shiliang ki jaka kynjang baroh jong ka ri shyiap ki rangbah ki la wan ban lute. Nga la phah ïa ka thma ban pynjot ïa ka ri baroh kawei; yn ym don mano mano ba lah ban im ha ka jingsuk.

KA BAIBL

¹² Ki nonglute ki la wan poi ha ki lum balyngki baroh ka ri khlaw: naba ka waitlam U Trai ka bam duh na kawei ka dong ka ri haduh kawei pat ka dong ka ri: kawei ka doh ruh kam ïoh suk.

JEREMAÏAH 12:12 ပူးပေါင်းရင်းမြစ်များ

ISAÏAH 34:6

Ïa ka waitlam jong u yn tap da ka snam bad ka khleiñ jong ki, kum ka snam bad ka khleiñ jong ki langbrot bad ki blang ïa kiba la kñia. U Trai un pynlong ïa kane ka jingkñia ha ka nongbah Bosrah; un pynlong ïa kane ka jingpynïap bakhraw ha ka ri ki Edom.

ISAÏAH 57:21

Ym don jingshngain ïa ki nongpop,” ong U Trai.

JEREMAÏAH 15:2

Haba ki kylli ïa me shano ki dei ban leit, ïathuh ïa ki ba nga la lah ong: “Ïa ki katto katne ngut la tim ban ïap da ka jingpang — kata ka dei sha kaba kin leit! Ïa kiwei pat la tim ban ïap ha ka thma — kata ka dei sha kaba kin leit! Ïa ki katto katne ngut la tim ban ïap na ka jingïapthngan — kata ka dei sha kaba kin leit! Ïa kiwei pat la tim ban shah ring noh kum ki koidi — kata ka dei sha kaba kin leit!

JEREMAÏAH 16:5

“Mem dei ban rung shapoh ka ïing ha kaba don ka jingïambriew. Wat ym ïam sngewsih na ka bynta jongno jongno. Ngan ym kyrkhu shuh ïa ki briew jong nga da ka jingsuk lane pyn-i ha ki ïa ka jingieit bad ka jingisynei.

JEREMAÏAH 25:11

Ka ri baroh kawei kan sa shah iehnoh ha ka jingjot bad ka jinglong ba sngewkyndit, bad ki jaitbynriew ba-marjan kin shakri ïa u syiem ka Babilonia hynñiewphew snem.

JEREMAÏAH 3:2

Khmih shatei halor ki kliar lum. Hato don kano kano ka jaka ha kaba pham shym la leh kum ka nuti? Pha la ap ïa ki nongleh-ieit shi lynter ka rud surok, kumba u Arab u apthap ha ka ri shyiap. Pha la pyntngit ïa ka ri da ka jingleh nuti jong pha.

JEREMAÏAH 3:21

La ïohsngew ïa ka jingsawa halor ki kliar lum: ki dei ki paid Israel kiba ïam bad ïasaid, namar ba ki la im ka jingim ba-dap da ka pop bad ba ki la klet ïa U Trai U Blei jong ki.

JEREMAÏAH 30:5

“Nga la ïohsngew ka jinglynñiar ka jingsngewtriem, ka jinglynñiar ka jingtieng bad ym ka jingsuk.

JEREMAÏAH 34:17

Te mynta, ma nga, U Trai, nga ong ba phim shym la kohnguh ïa nga: phim shym la ai ka jinglaitluid ïa la ki para Israel. Kumta te, ngan ai ha phi ïa ka jinglaitluid: ka jinglaitluid ban ïap da ka thma, ka jingpang, bad ka jingïapthngan. Ngan pynlong ïa kawei pa kawei ka jaitbynriew ha ka pyrthei ban sngewshyrkhei ïa kaei kaba nga leh ïa phi.

JEREMAÏAH 4:27

(U Trai u la ong ba ka pyrthei baroh kawei kan kylla long ka ri khlaw, hynrei ba un ym pynjot khoit ïa ka.)

JEREMAÏAH 46:10

Kane ka long ka sngi jong U Trai Nongsynshar Badonbor Baroh: ha kane ka sngi un pynhiarkput; ha kane ka sngi un pynshitom ïa ki nongshun jong u. Ka waitlam jong u kan bam ïa ki haduh ban da kdang, bad dih ïa ka snam jong ki haduh ban da sngewhun. Ha kane ka sngi u Badonbor Baroh u kñia ïa kiba la shah pynmong ha ka phang bashatei, hajan ka Ïuphratis.

JEREMAÏAH 47:6

Phi kyang jam, ‘Ka waitlam jong U Trai! Katno slem phin ïai talain ïa ka? Khie leit phai noh sha ka jingsop, sah hangta bad shongthait!’

JEREMAÏAH 48:2

Ki nongshun ki la knieh ïa ka Heshbon bad ki ïasylla ban pynjot ïa ka hima ki Moab. Ïa ka shnong Madmen yn pynsngap jar; ki shipai kin tur pyrshah ïa ka.

JEREMAÏAH 8:15

Ngi la kyrmen ïa ka jingsuk bad ka por ka jingpynkhiah, hynrei kam shym la myntoi ei ei; ka jingtriem ka wan pynban.

SNGEWSYNEI 3:17

Nga la klet noh kaba kumno ka jingkhiah bad ka jingsuk bad ka jingkmen ki long.

ESEKIEL 14:17

“Lane nga lah ban wallam ka thma ha ka ri bad phah ki tiar pynjot ban pynduh lut ïa ki briew bad ki mrad kumjuh,

ESEKIEL 21:28

“Ko khun u briew, to ïathuhlypa. Pynbna ïa kaei kaba ma nga, U Trai Nongsynshar, nga ong ïa ki nong Ammon, kiba krenbeiñ ïa ki Israel. Ong ha ki: “ ‘Ka waitlam ka la kloi ban pynjot; ïa ka la pynphyrnai ban pynïap, ban thaba kum ka leilieh.

ESEKIEL 21:4

Ngan pyndonkam ïa ka waitlam jong nga pyrshah ïa baroh na shatei haduh shathie.

ESEKIEL 21:8

U Trai u la ong ha nga,

ESEKIEL 21:9

“Ko khun u briew, to ïathuhlypa. Ong ïa ki briew ïa kaei ba ma nga, U Trai, nga ong: “Ïa ka waitlam, ïa ka waitlam la pynnep bad pynphyrnai.

ESEKIEL 5:2

Ïa ka shi bynta na ka lai bynta jong uta u shñiuh men thang hapoh ka nongbah, ynda la dep ka jingkerkut. Shim ïa ka bynta kaba ar bad shaiñ ïa ka da ka waitlam jong me haba me ïaid baroh sawdong ka nongbah. Ïa ka bynta kaba dang sah men pynher ha ka lyer, bad ngan sa pynbud da ka waitlam jong nga nadien jong ki.

LEBITIKOS 26:33

Ngan pynkhie da ka thma ban pynsakma ïa phi kylleng kylleng ki ri nongwei. Ka ri jong phi kan sah kynjah, bad ki shnong jong phi kin sah ha ka jingjot.

AMOS 9:4

Lada ki shah ringmraw ha ki nongshun jong ki, ngan hukum ïa ki ba kin pynïap. Nga la kut jingmut ban pynjot ïa ki, ym ban ïarap ïa ki.”

SEPHANAÏAH 2:12

U Trai un pynïap ruh ïa ki briew jong ka Sudan.

DEUTERONOMI 32:42

Ki khnam jong nga kin jreiñ da ka snam jong ki, bad ka waitlam jong nga kan pynïap lut ïa kiba pyrshah ïa nga. Ïa uno uno uba ïaleh pyrshah ïa nga ngan ym map; wat ki koidi bad kito kiba mynsaw ruh kin ïap.’

JINGPYNPAW 6:4

Sa uwei pat u kulai u la wan mih, uba saw ka rong. Ha u nongshong kulai la ai ïa ka bor ban wanrah ïa ka thma ha ka pyrthei, ba ki briew kin ïa-pynïap para ma ki hi. La ai ha u ïa ka waitlam kaba heh.