JEREMAÏAH 12:1 - Khasi CL Bible (BSI)

¹ “A Trai, lada nga ïasaid ïa ka kam jong nga bad me, men pynshisha ba me long ha kaba dei. Pynban nga dei ban kylli ïa me shaphang ki bynta ka jingbishar hok. Balei ba ki rangbah basniew ki manbha katta katta? Balei ba ki rangbah bymhok ki jop?

KA BAIBL

¹ Me long u bahok, A Trai, haba nga ïasaid bad me: la kumta ruh nga kwah ban ïasaid ïa kane ka kam ha me: namar balei ba ka lynti ki bymman ka man bha? Namar balei ba kita kiba ïashetkylla eh ki ïalong baroh kiba shongsuk?

JEREMAÏAH 12:1 ပူးပေါင်းရင်းမြစ်များ

JENESIS 18:25

Da shisha men ym pynïap ïa kiba hok ryngkat bad ki bymman. Kata ka bym lah ban long. Mem lah ban leh kumta. Lada me leh kumta, kiba hok kin shah pynshitom ryngkat bad ki bymman. Kata ka bym lah ban long. U nongbishar jong ka pyrthei baroh u dei ban lehhok.”

ESRA 9:15

A Trai U Blei ki Israel, me long uba hok, hynrei me la shah ïa ngi ban im. Ngi phla ïa ki pop jong ngi ha me; ngim don hok shuh ban wan ha ka jingdon ryngkat jong me.”

NEHEMAÏAH 9:33

Me leh ïa kaba dei ban pynshitom ïa ngi; Me long uba ïaineh, wat la ngi la leh pop.

Ka Kitab U Job 12:6

Hynrei ki nongtuh bad ki briew bym don Blei ki im ha ka jingsuk, wat la u blei jong u long tang ka jingkhlaiñ jong ki hi.

Ka Kitab U Job 13:3

Hynrei ka jingïasaid jong nga ka long bad U Blei, ym bad me; Nga kwah ban pyn-i nia ïa ka kam jong nga bad u.

Ka Kitab U Job 24:12

Ha ki nongbah, kiba mynsaw bad kiba la jan ïap ki lynñiar, hynrei U Blei um patiaw ïa ki jingduwai jong ki.

Ka Kitab U Job 24:23

U Blei u lah ban shah ïa u ban im khlem jingpynthut, hynrei u peit-thuh pat ïa u man la ka por.

Ka Kitab U Job 8:17

Ki thied jong ki, ki kyllaiñ sawdong ïa ki maw, bad ki batskhem ha man la u mawsiang.

SALM 116:5

U Trai u long uba dap da ka jingisynei bad uba bha; U Blei jong ngi u long uba sngewlem.

SALM 119:137

Me long uba hok, A Trai, bad ki aiñ jong me ki long kiba hok.

SALM 119:75

Nga tip ba ki jingbishar jong me ki long kiba hok, A Trai, bad ba me la pynshitom ïa nga namar me long uba ïaineh.

SALM 145:17

U Trai u long uba hok ha baroh kaba u leh, uba isynei ha baroh ki jingleh jong u.

SALM 37:1

Wat pynkhuslai namar ki bymman, wat bishni ïa ki nongleh bymhok.

SALM 37:35

Shisien nga la tip ïa u briew bymman ba u leh donbor, ba u ïeng pynwit ïa baroh kum u dieng Kedar ka Lebanon.

SALM 51:4

Nga la leh pop pyrshah ïa me — pyrshah tang ïa me hi — bad leh ïa kaei kaba me ñiew kaba bymman. Te me la leh kaba dei ha ka jingbishar jong me; me lehhok haba me pynrem ïa nga.

SALM 51:6

Ka jinglonghok bad ka jingshisha ki long kiba me dawa; to pyndap ïa ka jingmut jong nga da ka jingstad jong me.

SALM 92:7

ki bymman ki lah ban mih kum ki ñiut, kito kiba leh bakla ki lah ban manbha, pynban kin sa shah pynjot thiaw,

PROBERB 1:32

Ki briew ki bym don jingtip ki ïap namar ba ki kyntait ïa ka jingstad. Ki briew kiba mutlop ki shah pynjot namar ba ki leh bymsuidñiew.

EKLESIASTIS 8:14

Hynrei kane ka long ka bym don jingmut. Khmih kaei kaba jia ha ka pyrthei: Teng teng uba hok u ïoh ïa ka jingshah pynshitom jong u bymman, bad ki riewbymman ki ïoh ïa ka bainong jong kiba hok. Nga ong ba ka long ka bymmyntoi.

ISAÏAH 41:21

U Trai, u Syiem ki Israel, u don ïa kane ban ong: “Phi ki blei jong ki jaitbynriew, to buh ïa ka kam jong phi. Wallam ïa ki jingïasaid nia babha tam ba phi don!

ISAÏAH 48:8

Nga la tip ba ïa phi ym lah ban shaniah, la ju tip ïa phi kum u nongïaleh pyrshah. Na kata ka daw phim pat ju ïohsngew satia ïa kane, balei ba wat shikyntien ruh kam shym la wan ha ki shkor jong phi?

JEREMAÏAH 11:20

Nangta nga la duwai, “A Trai Badonbor Baroh, me long u nongbishar ba bishar hok; me tynjuh ïa ki jingpyrkhat bad ki jingsngew jong ki briew. Nga la buh ïa ka kam jong nga ha ki kti jong me; kumta shah ïa nga ban khmih ïa me ba me pynhiarkput halor kine ki briew.”

JEREMAÏAH 12:6

Wat ki hynmen ki para shynrang jong me, ki dkhot jong ka longïing jong me hi, ki la shetkylla ïa me; ki la ïasoh ha ki jingtur ïaleh pyrshah ïa me. Wat shaniah ïa ki, wat la ki kren ki ktien sngewieit.”

JEREMAÏAH 3:20

Hynrei kum ka tnga ka bymïaineh, pham shym la ïaineh ha nga. Ma nga, U Trai, nga la kren.”

JEREMAÏAH 3:7

Nga la pyrkhat ba hadien ba ka la leh ïa kane baroh, da kaba thikna kan sa wan phai pat sha nga. Hynrei kam shym wan phai, bad ka Judah ka para bymïaineh jong ka, ka la ïohi ïa kata baroh.

JEREMAÏAH 32:16

Hadien ba nga la ai ïa ka dulir thied jaka ha u Barukh, nga la duwai,

JEREMAÏAH 5:11

Ki briew jong ka Israel bad Judah ki la shetkylla la biang ïa nga, ma nga, U Trai, nga la kren.”

JEREMAÏAH 9:2

Nga thrang ban don ka jaka ban sah ha ka ri shyiap ha kaba nga lah ban lait na ki briew jong nga. Ma ki baroh ki long ki bymïaineh, ki paidbhur ki nongshetkylla.

SNGEWSYNEI 1:18

“Hynrei U Trai u long uba hok, namar ngam shym la kohnguh ïa u. To shahshkor ïa nga, ko ki briew hangno hangno; to khmih ïa nga ha ka jingpang jong nga. Ki samla shynrang bad kynthei jong nga ki la shah ringmraw noh.

ESEKIEL 18:25

“Hynrei phi ong, ‘Kaei kaba U Trai u leh kam long kaba dei.’ To shahshkor ïa nga, phi ki Israel. Hato phi pyrkhat ba ki lynti jong nga kiba nga leh ïa kiei kiei kim long kiba dei? Ka dei ka lynti jong phi ka bym long kaba dei.

DANIEL 9:14

Ma me, A Trai U Blei jong ngi, me la pynkhreh ban pynshitom ïa ngi, bad me la leh kumta, namar borabor me ju ïai leh ïa kaei kaba dei, bad ngim shym la pynshahshkor ïa me.

DANIEL 9:7

Ma me ko Trai, me leh borabor ïa kaba dei, hynrei borabor ngi la wallam ka jingjahburom ha lade hi. Kane ka long kaba shisha ïa baroh na ngi kiba shong basah ha Judia bad ha Jerusalem bad jong baroh ki khun Israel ïa kiba me la pynsakma ha ki ri kiba jan bad kiba jngai namar ki la long ki bymïaineh ha me.

HOSIA 6:7

“Hynrei ki tang mar ïarung ïa ka ri ha Adam, ki la pynkheiñ ïa ka jutang kaba nga la ïateh bad ki.

HABAKKUK 1:4

Ka aiñ ka tlot bad kam myntoi ei ei, bad ym ju don ka jingbishar hok. Ki briew kiba sniew ki ïoh ïa kaba kham bha ban ïa kiba hok, bad kumta ïa ka jingbishar hok la pynjngut.

SEPHANAÏAH 3:5

Hynrei U Trai u dang don ha ka nongbah; u leh ïa kaei kaba dei bad da lei lei ruh em ïa kaei ka bymdei. Man ka step khlem bakla, u wallam ka jinglehhok ha ki briew jong u. Bad pynban hangta ki briew bymhok ki ïai leh bymdei bad kim sngewlehrain.

MALAKHI 2:17

Phi la pynlwait ïa U Trai da ki jingkren jong phi. Hynrei phi kylli, “Da kumno ngi la pynlwait ïa u?” Da kaba ong, “U Trai Badonbor Baroh u pyrkhat ba baroh ki nongkamsniew ki long kiba bha; ha ka jingshisha u sngewtynnat ïa ki.” Lane da kaba kylli, “Hangno don U Blei uba dei ban long uba lehhok?”

MALAKHI 3:15

Kumba ngi ïohi ïa ka, ki briew kiba sarong ki long kita kiba kmen. Ki briew kiba sniew ym tang ba ki roi kyrhai, hynrei ki tynjuh ïa ka jingïaishah U Blei da ki kam basniew jong ki bad ki lait na kata.’”

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.