JEREMAÏAH 11:4 - Khasi CL Bible (BSI)

⁴ Ka dei ka jutang kaba nga la pynlong bad ki kpa tymmen jong ki mynba nga la wallam noh ïa ki na Ijipt, ka ri kaba long kum ka lawar ding baklang ïa ki. Nga la ong ïa ki ban kohnguh ïa nga bad ban leh ïa kiei kiei baroh kiba nga la lah hukum. Nga la ong ïa ki ba lada ki kohnguh, kin ïoh long ki briew jong nga bad ngan ïoh long U Blei jong ki.

KA BAIBL

⁴ kaba nga la hukum ïa ki kpa jong phi ha ka sngi kaba nga la wallam noh ïa ki na ka ri Ijipt, na ka lawar ding kaba da u nar,” nga da ong, “To kohnguh ïa ka ktien jong nga, bad to leh ïa ki, kat kum ïa baroh kaba nga hukum ïa phi: kumta phin long ki briew jong nga, bad nga ruh ngan long U Blei jong phi:

JEREMAÏAH 11:4 ပူးပေါင်းရင်းမြစ်များ

JENESIS 17:8

Ngan ai ha me, bad ha ki khun ki ksiew jong me, ïa kane ka ri ha kaba mynta me long u nongwei. Ka ri Kanaan baroh kawei kan long ka jingïohkynti junom jong ki khun ki ksiew jong me; bad nga ngan long U Blei jong ki.”

1 SYIEM 8:51

Naba ki dei ki briew jong me, kiba me la wan ïalam na Ijipt, napdeng ka lawar ding baklang.

2 SYIEM 18:6

U long uba ïaineh ha U Trai bad um ju leh bymkohnguh ïa u, hynrei u husiar ban bat ïa ki hukum kiba U Trai u ai ha u Moses.

EKSODOS 20:6

Hynrei nga pyn-i ïa ka jingieit jong nga ha ki hajar ki pateng bynriew jong kito kiba ieit ïa nga bad kiba kohnguh ïa ki hukum jong nga.

ISAÏAH 30:6

Kane ka dei ka khubor jong U Blei shaphang ki mrad jong ka ri shyiap bashathie: “Ki nongkit 'tiensyiem ki ïaid lyngba ka ri bashyrkhei, ha kaba ki sing ki don bad ha kaba ki bseiñ kiba don bih bad ki Ïakjakor kiba her. Ki pynkit halor ki kada bad ki ut jong ki da ki jingai sngewbha baremdor na ka bynta ka hima ka bym lah ban ai ïa ki kano kano ka jingïarap.

ISAÏAH 48:10

Nga la tynjuh ïa phi ha ka ding jong ka jingshah shitom, kum ka rupa ba saiñ ha ka lawar ding. Hynrei nga la shem ïa phi ba phi long ki bymdondor.

JEREMAÏAH 11:7

Haba nga wallam ïa ki kpa tymmen jong ki na Ijipt, nga la maham kyntang ïa ki ban kohnguh ïa nga, bad nga la ïai maham ïa ki briew tad haduh kane ka sngi.

JEREMAÏAH 24:7

Ngan ai ha ki ïa ka jingangnud ban tip ba nga long U Trai. Te ki kin long ki briew jong nga, bad nga ngan long U Blei jong ki, namar kin phai pat sha nga da ka dohnud jong ki baroh.

JEREMAÏAH 26:13

Phi dei ban pynkylla ïa ka rukom kaba phi im bad ïa kiei kiei baroh kiba phi leh, bad phi dei ban kohnguh ïa U Trai U Blei jong phi. Lada phi leh kumta, un kylla ïa la ka jingmut na ka jingpynjot kaba u la ong ba un wallam halor jong phi.

JEREMAÏAH 32:28

Ngan sa ai ïa kane ka nongbah ha u Nebukhadnessar u syiem ka Babilonia bad ka kynhun shipai jong u; kin kurup ïa ka bad thang ïa ka da ka ding.

JEREMAÏAH 38:20

Nga la ong, “Yn ym aiti noh ïa phi sha ki. Nga kyrpad ïa phi ban kohnguh ïa ka khubor U Trai; te baroh kan bha ïa phi, bad ïa ka jingim jong phi yn pynsah.

ESEKIEL 11:20

Te kin sumar ïa ki aiñ jong nga bad kin kohnguh hok ïa ki hukum jong nga. Kin long ki briew jong nga bad ngan long U Blei jong ki.

ESEKIEL 14:11

Ngan leh ïa kane ban da ïa ki Israel na kaba klet noh ïa nga bad pynjakhlia ïa lade da ki pop jong ki. Ki dei ban long ki briew jong nga, bad ngan long U Blei jong ki.” U Trai Nongsynshar u la kren.

ESEKIEL 36:28

Te phin shong ha ka ri ba nga la ai ha ki kpa tymmen jong phi. Phin long ki briew jong nga bad ngan long U Blei jong phi.

ESEKIEL 37:23

Kin ym pyntngit shuh ïa lade da ki bleithaw kiba ijli lane pynjot ïa lade da ka pop. Ngan pyllait ïa ki na ki lynti jong ka jingleh pop bad ka jingshetkylla ïa nga. Ngan pynkhuid ïa ki, kin long ki briew jong nga, bad ngan long U Blei jong ki.

ESEKIEL 37:27

Ngan shong hangta bad ki; ngan long U Blei jong ki, bad ki kin long ki briew jong nga.

DANIEL 3:26

Kumta u Nebukhadnessar u la leit kiew sha ka jingkhang jong ka lawar ding baklang bad u la pyrta, “Ko Shadrakh! Ko Meshakh! Ko Abednego! Ko shakri jong U Blei Bahakhlieh Tam Eh! To mihnoh shabar!” Bad kumta hi ki la wan mih shabar.

LEBITIKOS 26:12

Ngan long ryngkat bad phi; ngan long U Blei jong phi, bad phin long ki briew jong nga.

LEBITIKOS 26:3

“Lada phi im kat kum ki aiñ jong nga, bad kohnguh ïa ki hukum jong nga,

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

SEKHARAÏAH 6:15

Ki rangbah kiba sah sha jngai bah kin wan bad ïarap ban tei pat ïa ka Templ jong U Trai. Bad haba la tei pat ïa ka, phin tip ba U Trai Badonbor Baroh u la phah ïa nga sha phi. Kane baroh kan jia lada phi kohnguh lut ïa ki hukum jong U Trai U Blei jong phi.

SEKHARAÏAH 8:8

bad ngan wallam pat ïa ki na mihngi bad na sepngi ban shong ban sah ha Jerusalem. Kin long ki briew jong nga, bad ngan long U Blei jong ki, da kaba synshar ha ka jingïaineh bad ha ka jinglehhok.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

DEUTERONOMI 11:27

ïa ka jingkyrkhu, lada phi kohnguh ïa ki hukum U Trai U Blei jong phi ïa kiba nga ai ha phi mynta ka sngi;

DEUTERONOMI 4:20

Hynrei phi, phi dei ki briew kiba u la pyllait im na Ijipt, ka pajwa kaba klang da ka ding. U la wan ïalam ïa phi ban pynlong ïa phi ki briew jong u hi, kumne kumba phi long mynta.

DEUTERONOMI 5:6

‘Nga long U Trai U Blei jong phi, uba la pyllait im ïa phi na ka ri Ijipt, ha kaba phi la long ki mraw.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.