JEREMAÏAH 11:23 - Khasi CL Bible (BSI)

²³ Nga la buh ka por ïa ka ban wallam ka jingpynjot ha ki briew jong ka Anathoth, bad haba kata ka por ka wan, yn ym don mano mano ruh na ki u ban lait im.”

KA BAIBL

²³ bad yn ym don kiba sah ha ki: naba ngan wallam ïa ka basniew halor ki rangbah Anathoth, ka snem ka jingwan-i ïa ki keiñ.”

JEREMAÏAH 11:23 ပူးပေါင်းရင်းမြစ်များ

JEREMAÏAH 11:19

Nga la long kum i khunlangbrot balui lui iba la shah ïalam sha ka jingpynïap, bad ngam shym tip ba ka la long pyrshah ïa nga ba ki la ïapynkhreh ïa kiei kiei kiba sniew. Ki la ïa-ong, “To ngin khet ïa u dieng katba u dang khlaiñ; to ngin pynïap ïa u khnang ba yn ym don mano mano ba kynmaw shuh ïa u.”

JEREMAÏAH 23:12

Ki lynti ïaid ba ki bud kin long kiba btuit bad kiba dum; ngan pynlong ïa ki ba kin jynthut bad kin kyllon. Ngan wallam ka jingpynjot ha ki; ka por ka jingpynshitom ïa ki ka la nang wan, ma nga, U Trai, nga la kren.

JEREMAÏAH 44:27

Ngan khmih ïa kane ba phin ym manbha, hynrei phin shah pynjot. Baroh na phi phin ïap, ha ka thma ne na ka jingpang, haduh ba yn ym don uwei ruh na phi u ban sah.

JEREMAÏAH 46:21

Wat ki shipai ba shu wai jong ka ki long khlem bor kum ki khun masi. Kim shym ïeng ban ïaleh; baroh na ki, ki phai bad phet noh. Ka sngi jong ka jingshahjop ka la poi, ka por jong ka jingpynjot ïa ki.

JEREMAÏAH 48:44

Uno uno uba pyrshang ban lait na ka jingshyrkhei un hap hapoh ki liewlep, bad uno uno uba kiew na ki liewlep un ngat ha ki jingriam, namar U Trai u la buh por na ka bynta ka jingpynjot ïa ka Moab.

JEREMAÏAH 5:29

“Hynrei ma nga, U Trai, ngan pynshitom ïa ki na ka bynta kine kiei kiei, ngan pynhiarkput halor kane ka jaitbynriew.

JEREMAÏAH 5:9

Hato ngan ym pynshitom ïa ki na ka bynta kine kiei kiei? bad pynhiarkput ïa ka jaitbynriew kaba kum kane?

JEREMAÏAH 50:27

Pynïap ïa ki shipai jong ki baroh! Mait ïa ki! Ki briew ka Babilonia ki la kordit! Ka por ka la poi ïa ki ban shah pynshitom!”

JEREMAÏAH 6:9

U Trai Badonbor Baroh u ong ha nga, “Ïa ka Israel yn sloit pynkhuid kum ka bri sohwaiñ na kaba la kheit ïa uwei pa uwei u sohwaiñ. Kumta pha dei ban pyllait im ïano ïano katba pha lah katba dang don ka por.”

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

OBADAÏAH 1:18

“Ki briew jong u Jakob bad jong u Joseph kin long kum ka ding; kin pynjot ïa ki briew u Iso kumba ka ding ka thang ïa u phlangïap. Yn ym don uba hiarpateng na u Iso u ban lait im. Ma nga, U Trai, nga la kren.

MIKAH 7:4

Wat kiba bha tam bad bahok tam na ki, ki long ki bymdondor kum ki ñiut. Ka sngi ka la poi haba U Blei un pynshitom ïa ki briew, kumba u la maham ïa ki lyngba ki nongap phira, ki nongïathuhlypa. Mynta ki don ha ka jingkulmar jingmut.

LOUKAS 19:44

Kin pynjot thiaw ïa pha bad ïa ki briew kiba hapoh ki kynroh jong pha; yn ym pynsah wat uwei ruh u maw ha ka jaka ba u don, namar ba pham shym ithuh ïa ka por mynba U Blei u la wan ban pynim ïa pha!”