JEREMAÏAH 11:20 - Khasi CL Bible (BSI)

²⁰ Nangta nga la duwai, “A Trai Badonbor Baroh, me long u nongbishar ba bishar hok; me tynjuh ïa ki jingpyrkhat bad ki jingsngew jong ki briew. Nga la buh ïa ka kam jong nga ha ki kti jong me; kumta shah ïa nga ban khmih ïa me ba me pynhiarkput halor kine ki briew.”

KA BAIBL

²⁰ Hynrei, A Trai ki paid, uba bishar hok, uba tynjuh ïa ki khyllai bad ïa ka dohnud, to ai ngan ïohi ïa ka jingpynhiar kput halor jong ki: naba ha me nga la pynpaw ïa la ka kam.

JEREMAÏAH 11:20 ပူးပေါင်းရင်းမြစ်များ

JENESIS 18:25

Da shisha men ym pynïap ïa kiba hok ryngkat bad ki bymman. Kata ka bym lah ban long. Mem lah ban leh kumta. Lada me leh kumta, kiba hok kin shah pynshitom ryngkat bad ki bymman. Kata ka bym lah ban long. U nongbishar jong ka pyrthei baroh u dei ban lehhok.”

2 SYIEM 19:14

U syiem Hesekaïah u shim ïa ka shithi na ki nonglamktien bad pule ïa ka. Nangta u leit sha ka Templ, u buh ïa ka shithi hangta ha ka jingdon ryngkat U Trai,

1 KHRONIKL 28:9

Bad ha u Solomon u ong, “Ko khun jong nga, nga kyntu ïa me ban ithuh ïa U Blei u kpa jong me, bad ban shakri ïa u da ka dohnud kaba skhem bad da ka jingmut kaba pyndem. U tip ïa baroh ki jingpyrkhat bad ki jingkwah jong ngi. Lada me leit sha u, un pdiang ïa me, hynrei lada me phai lyndet na u, u ruh un iehnoh ïa me junom.

1 KHRONIKL 29:17

Nga tip ba me tynjuh ïa ka dohnud jong uwei pa uwei bad me sngewbha bad ki briew kiba im hok. Ha ka hok bad ka jinglong sngur nga la ai da ka mon sngewbha ïa kane baroh sha me, bad nga la ïohi katno ki briew jong me kiba la ïalumlang hangne ki kmen ban wanrah ki jingainguh sha me.

Ka Kitab U Job 5:8

Lada nga long ha ka jaka jong me, ngan phai khmat sha U Blei bad pynpaw ïa ka jingjia jong nga ha u.

SALM 139:23

To ïit ïa nga, A Blei, bad to tip ïa ka jingmut jong nga; tynjuh ïa nga, bad to tip ïa ki jingmut jong nga.

SALM 35:2

To shim ïa la ka stieh bad ka 'tiehbah jong me, bad to wan ban pyllait im ïa nga.

SALM 43:1

A Blei, to pynbna ba nga long uba lui lui, bad ïasaid da ïa nga na ki bymriewblei; pyllait ïa nga na ki briew kiba shukor bad kiba sniew!

SALM 57:1

To leh-isynei ïa nga, A Blei, to leh-isynei, namar nga wan sha me ban ïoh jingshngain. Ha ka syrngiew jong ki thapniang jong me nga shem ka jingïada haduh ba ki 'erïong bajur ki kut noh.

SALM 58:10

Kiba hok kin shadkmen haba ki ïohi ba pynshitom ïa ki nongpop; kin ïaid lyngba ka snam jong ki bymman.

SALM 7:10

U Blei u long u nongïada jong nga; u pynim ïa kito kiba kohnguh ïa u.

SALM 7:8

Me long u nongbishar jong ka longbriew manbriew baroh kawei; to bishar da kaba lehsbun ïa nga, A Trai; me tip ba nga long uba lui lui.

SALM 7:9

Me long U Blei uba hok, bad me bishar ïa ki jingpyrkhat bad ïa ki jingkwah jong ngi. Pynsangeh ïa ka jingbymman jong ki nongkamsniew bad ainong ïa kito kiba bha.

SALM 98:9

namar u wan ban synshar ïa ka pyrthei. Un synshar ïa ki jaitbynriew ka pyrthei da ka hok bad ka jinglehhok.

JEREMAÏAH 12:1

“A Trai, lada nga ïasaid ïa ka kam jong nga bad me, men pynshisha ba me long ha kaba dei. Pynban nga dei ban kylli ïa me shaphang ki bynta ka jingbishar hok. Balei ba ki rangbah basniew ki manbha katta katta? Balei ba ki rangbah bymhok ki jop?

JEREMAÏAH 12:3

Hynrei, A Trai, me ithuh ïa nga; me ïohi kaei ba nga leh, bad kumno nga la ieit ïa me. To paring sharud ïa kine ki rangbah basniew kum ïa ki langbrot ki ban shah ot doh; to sumar ïa ki tad haduh ba ka dei ka por ïa ki ban shah pynïap.

JEREMAÏAH 15:15

Nangta nga la ong, “A Trai, me sngewthuh. To kynmaw ïa nga bad ïarap ïa nga. Shah ngan ïoh pynhiarkput halor kito kiba pynshitom beiñ ïa nga. Wat ym da ïaishah katta katta ïa ki kat ba kin jop ha kaba pynïap ïa nga. To kynmaw ba ka dei na ka bynta jong me ba la ibeiñ ïa nga.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 17:18

To wallam ka jingjahburom halor kito kiba pynshitom beiñ ïa nga, hynrei pyllait im ïa nga, A Trai. Pyndap ïa ki da ka jingshyrkhei, hynrei wat pynshyrkhei ïa nga. To wallam ka jingjot ha ki bad pynkdiah lyngkhot ïa ki.

JEREMAÏAH 20:12

Hynrei, ko Trai Badonbor Baroh, me tynjuh hok ïa ki briew; me tip kaei kaba don hapoh ki dohnud bad ka jingmut jong ki. Kumta shah ngan ïohi ba me pynhiarkput halor ki nongshun jong nga, namar nga la buh ïa ka kam jong nga ha ki kti jong me.

SNGEWSYNEI 3:58

“Me la wan ban pyllait ïa nga, A Trai, bad me la pyllait im ïa ka jingim jong nga.

SNGEWSYNEI 3:59

To bishar ha ka liang jong nga; me tip ïa ki jingbakla kiba la leh pyrshah ïa nga.

SNGEWSYNEI 3:64

“To pynshitom ïa ki na ka bynta kaei kaba ki la leh, A Trai;

ESEKIEL 11:5

U Mynsiem jong U Trai u la bat synshar ïa nga, bad U Trai u la bthah ïa nga ban ai ha ki briew ïa kane ka khubor: “Ko ki paid Israel, nga tip ïa kaei kaba phi ong bad ïa kaei kaba phi thmu.

KI KAM 17:31

Naba u la buh ka sngi ha kaba un bishar ïa ka pyrthei baroh kawei da ka jinglehhok, da uta u briew ïa uba u la jied. U la ai ka jingpynshisha ïa kane ha uwei pa uwei da kaba pynmihpat ïa uta u briew na ka jingïap!”

PHILIPPI 4:6

Wat khuslai shaphang kaei kaei, hynrei ha ki jingduwai jong phi baroh, to pan na U Blei ïa kaei kaba phi donkam, da pan borabor na u da ka dohnud kaba sngewnguh.

2 TIMOTHI 4:14

U Aleksandar, u kamar-tama u la pyndik eh ïa nga; U Trai un sa ainong ïa u kat kum ki kam jong u.

1 PETROS 2:23

Haba la krenbeiñ ïa u, um shym pynphai ktien kylliang da kaba krenbeiñ; haba u shahshitom, um shym la byrngem, hynrei u la buh ïa la ki jingkyrmen ha U Blei, u Nongbishar bahok.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”

1 SAMUEL 24:15

U Trai un bishar bad un rai mano ba bakla napdeng jong ngi. To un khmih ïa kane ka kam, un ïada ïa nga, bad un pyllait im ïa nga na phi.”