JEREMAÏAH 11:19 - Khasi CL Bible (BSI)

¹⁹ Nga la long kum i khunlangbrot balui lui iba la shah ïalam sha ka jingpynïap, bad ngam shym tip ba ka la long pyrshah ïa nga ba ki la ïapynkhreh ïa kiei kiei kiba sniew. Ki la ïa-ong, “To ngin khet ïa u dieng katba u dang khlaiñ; to ngin pynïap ïa u khnang ba yn ym don mano mano ba kynmaw shuh ïa u.”

KA BAIBL

¹⁹ Hynrei, nga la long kum u khun langbrot ba jemnud ba la ïalam sha ka jingpynïap; bad ngam shym tip ba ki la thaw ki buit ïa nga, da kaba ong, “To ngin ïa-pynduh bad dieng bad soh, bad ngin ot noh ïa u na ka ri ki ba-im, ba yn ym kynmaw shuh ïa ka kyrteng jong u.”

JEREMAÏAH 11:19 ပူးပေါင်းရင်းမြစ်များ

Ka Kitab U Job 28:13

Ïa ka jingstad ym lah ban shem hapdeng ki briew; ym don batip ïa ka dor bashisha jong ka.

SALM 109:13

Ai ba baroh ki khun ki ksiew jong u kin ïap noh, bad ai ba ïa ka kyrteng jong u yn klet noh ha ka pateng kaba bud.

SALM 112:6

U briew uba bha un ym bakla da lei lei; yn ïai kynmaw borabor ïa u.

SALM 116:9

Bad kumta nga la ïaid ha ka jingdon ryngkat jong U Trai ha ka pyrthei jong kiba im.

SALM 142:5

A Trai, nga kyang sha me ban ïoh jingïarap; ma me, A Trai, me long u nongïada jong nga; me long tang ma me uba nga kwah ha kane ka jingim.

SALM 27:13

Nga tip ba ngan im ban ïohi ïa ka jingbha U Trai ha kane ka jingim kaba mynta.

SALM 31:13

Nga ïohsngew shibun ki nongshun ki ïa-pasiaw; ka jingma ka long ha baroh sawdong ïa nga. Ki ïathaw ki lad pyrshah ïa nga, ki ïasuhbuit ban pynïap ïa nga.

SALM 35:15

Hynrei haba nga don ha ka jingjynjar, ki baroh ki lehkmen, bad ki ïalumlang sawdong ban rkhiebeiñ ïa nga; ki nongwei ki ïashoh ïa nga bad ki ïai tied ïa nga.

SALM 52:5

Kumta U Blei un pynjot ïa me junom; un bat ïa me ha lade bad knieh kynthet ïa me na ka ïing jong me; un weng noh ïa me na ka pyrthei kiba im.

SALM 83:4

“Ale,” ki ong, “ïa ngin pynduh noh khoit ïa ka hima jong ki; khnang ba yn klet noh junom ïa ki Israel.”

PROBERB 10:7

Ïa ki briew kiba bha yn ïai kynmaw kum ka jingkyrkhu; hynrei ïa ki riewbymman yn klet noh.

PROBERB 24:15

Wat long kum ki riewsniew kiba thmu ban lute ïa u briew uba hok ne ban knieh noh ïa ka ïing jong u.

PROBERB 7:22

Mar kumta hi u bud ïa ka kum u masi dab sha ka jaka shohdoh, lane kum u 'keirang uba ngat sbak ha ka jingriam

ISAÏAH 32:7

U briew uba mutlop u long uba sniew bad u leh ïa ki kam kiba sniew; u ïasylla ban pynsniew ïa kiba duk da ki jingshukor bad ban khanglad ïa ki ban ïoh ïa ki hok jong ki.

ISAÏAH 38:11

Nga pyrkhat ba ha kane ka pyrthei jong kiba im, ba ngan ym ïohi shuh ïa U Trai lane ïa uno uno u briew uba im.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

JEREMAÏAH 26:8

bad hamar ba nga la pyndep ïa baroh kaba U Trai u la hukum ïa nga ban kren, ki la kem ïa nga bad pyrta, “Me dei ban shah pynïap namar kane!

SNGEWSYNEI 3:60

Me tip kumno ki nongshun jong nga ki la isih ïa nga bad kumno ki ïasylla pyrshah ïa nga.

ESEKIEL 32:24

Ka Elam ka don hangta, lem bad ki jingtep ki shipai jong ka ha baroh sawdong. Ki long baroh kiba la shah pynïap ha ka thma, bad ki la leit hiar, khlem otsher sha ka pyrthei kiba ïap. Ha ka jingim ki pynphriang ïa ka jingpyntriem, hynrei mynta ki thiah ïap bad jahburom.

DANIEL 9:26

Bad ha kaba kut jong kata ka por ïa u nongïalam ba la jied jong U Blei yn pynïap khlem bishar hok. Ïa ka nongbah bad ïa ka Templ yn pynjot da ka kynhun shipai kaba hiarthma jong u nongsynshar badonbor. Kaba kut kan wan kum ka jingshlei um, ka da wallam ïa ka thma bad ïa ka jingpynjot kaba U Blei u la lah pynkhreh.

HOSIA 9:8

U Blei u la phah ïa nga kum u nongïathuhlypa ban maham ïa ki briew jong u ki Israel. La katta ruh shano shano ba nga leit, phi pyrshang ban riam ïa nga kum ïa ka sim. Wat ha ka Templ U Blei, ki briew ki dei ki nongshun jong u nongïathuhlypa.