JEREMAÏAH 11:17 - Khasi CL Bible (BSI)

¹⁷ “Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

KA BAIBL

¹⁷ Naba U Trai ki paid, uba la thung ïa pha, u la pynbna ïa ka basniew ïa pha, namar kata ka jingsniew jong ka ïing Israel bad ka jong ka ïing Judah kaba ki la leh pyrshah ïa lade ha kaba ki la pankwah ïa nga ban bitar, da kaba ainguh da ka jingiwbih ha u Baal.”

JEREMAÏAH 11:17 ပူးပေါင်းရင်းမြစ်များ

2 SAMUEL 7:10

Nga la jied ka jaka ïa ki briew jong nga ki Israel bad nga la pynsah ïa ki hangta, ha kaba kin im khlem da shah banbeiñ shuh. Naduh ba ki rung sha kane ka ri, ki la shah tur ïaleh ha ki riewrunar, hynrei kane kan ym jia shuh. Nga kular ban sumar ïa me na ki nongshun jong me baroh bad ban ai ha me ki khun ki ksiew.

2 KHRONIKL 28:25

Ha kawei pa kawei ka nongbah bad ka shnong ha Judah, u tei ïa ki jaka mane blei thala, ha kaba yn thang ïa ki jingiwbih ha ki blei nongwei. Ha kane ka rukom, u la pynngat ha lade ïa ka jingbitar U Trai U Blei ki kpa tymmen jong u.

SALM 44:2

Kumno ba ma me hi me la beh noh ïa kiba mane blei thala bad pynshong neh ïa ki briew jong me ha ka ri jong ki; kumno me la pynshitom ïa kiwei pat ki jaitbynriew bad pynlong ïa la ki jong ban roi kyrhai.

SALM 80:15

To wan bad pynim ïa une u dieng sohwaiñ uba me la thung, une u dieng sohwaiñ ba dang lung uba me la pynkhlaiñ ïa u katba u nang san!

SALM 80:8

Me la wallam ïa u dieng sohwaiñ na Ijipt; me la beh noh ïa kiwei pat ki jaitbynriew bad me la thung ïa u ha ka ri jong ki.

ISAÏAH 5:2

U la tih ïa ka khyndew bad u la weng ïa ki maw na ka; u la thung ïa ki dieng sohwaiñ kiba kynsai. U la tei ka jaka ap phira ban khmih sumar ïa ki, u la tih ka thliew na ka bynta ban ïuh ïa ki sohwaiñ. U la ap ïa ki sohwaiñ ban ih, hynrei uwei pa uwei u sohwaiñ u long uba jew.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

JEREMAÏAH 1:14

U ong ha nga, “Ka jingpynjot kan thnam na ka phang bashatei halor baroh kiba shong basah ha kane ka ri,

JEREMAÏAH 11:11

Kumta mynta, ma nga, U Trai, nga maham ïa ki ba ngan wanrah ka jingpynjot halor jong ki, bad kin ym lah ban lait. Bad haba ki kyang sha nga ban ïoh jingïarap, ngan ym shahshkor ïa ki.

JEREMAÏAH 11:13

Ki briew jong ka Judah ki la don shibun bah ki blei kumba ki la don ki nongbah, bad ki nongshong shnong jong ka Jerusalem ki la pynïeng katta tylli ki duwan na ka bynta ki jingkñia sha uta u blei Baal ba-ijli kat ka jingdon ki lynti hapoh ka nongbah.

JEREMAÏAH 12:2

Me la thung ïa ki, bad ki la suhthied; ki san bad ki pynmih soh. Ki ju kren bha shaphang jong me, pynban kim da salia eh shisha shaphang jong me.

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 18:8

hynrei hadien, kata ka jaitbynriew ka phai noh na ka jingsniew jong ka, ngan ym leh ïa kaei kaba nga la ong ba ngan leh.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 2:21

Nga la thung ïa me kum ïa u dieng sohwaiñ ba la jied na u symbai uba bha tam. Hynrei ha khmih me la kylla long uei! Me la long kum u dieng sohwaiñ uba pyut bad u bymdondor ei ei.

JEREMAÏAH 24:6

Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

JEREMAÏAH 26:13

Phi dei ban pynkylla ïa ka rukom kaba phi im bad ïa kiei kiei baroh kiba phi leh, bad phi dei ban kohnguh ïa U Trai U Blei jong phi. Lada phi leh kumta, un kylla ïa la ka jingmut na ka jingpynjot kaba u la ong ba un wallam halor jong phi.

JEREMAÏAH 26:19

U syiem Hesekaïah bad ki briew jong ka Judah kim shym la pynïap ïa u Mikah. Pynban, u Hesekaïah u la pyndonburom ïa U Trai bad u la pyrshang ban pynïoh ïa ka jingsngewbha jong u. Bad U Trai u la kylla ïa la ka jingmut na ka jingpynjot kaba u la ong ba un wallam ha ki. Mynta ngi la jan wallam ka jingpynjot bashyrkhei halor jong ngi hi.”

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

JEREMAÏAH 32:30

Naduh kaba sdang eh jong ka histori jong ki, ki paid Israel bad ki paid Judah ki la pynsngewsih ïa nga bad ki la pynbitar ïa nga da kaei kaba ki la leh.

JEREMAÏAH 35:17

Kumta mynta, ma nga, U Trai Badonbor Baroh, U Blei ki Israel, ngan wallam halor jong phi ki paid Judah bad Jerusalem ïa baroh ka jingpynjot kaba nga la kular. Ngan leh ïa kane namar phim shym la shahshkor haba nga la kren ha phi, bad phim shym la jubab haba nga la khot ïa phi.”

JEREMAÏAH 36:7

Lehse kin duwai ha U Trai bad phai pat na ki lynti bymman jong ki, namar U Trai u la byrngem ïa kane ka jaitbynriew da ka jingbitar bad ka jingbitar shla bashyrkhei.”

JEREMAÏAH 40:2

U rangbah shipai u la khot ïa nga sharud bad u la ong,

JEREMAÏAH 40:3

“U Trai U Blei jong phi u la byrngem ïa kane ka ri da ka jingjot, bad mynta u la leh ïa kaei kaba u la ong ba un leh. Baroh kane ka la jia namar ki briew jong phi ki la leh pop pyrshah ïa U Trai bad kim shym la kohnguh ïa u.

JEREMAÏAH 42:10

‘Lada phi mon ban ïaisah ha kane ka ri, te ngan kyntiew ïa phi bad ym ban pynjot ïa phi; ngan pynskhem ïa phi bad ym ban rat ïa phi. Ka jingpynjot kaba nga la wanrah ha phi ka la pynlong ka jingsngewsih bakhraw ïa nga.

JEREMAÏAH 44:5

Hynrei phim shahshkor satia lane pynleit jingmut. Phim iehnoh noh ïa ki jingmlien basniew ban kñia ha kiwei ki blei.

JEREMAÏAH 44:8

Balei ba phi pynbitar ïa nga da kaba mane ïa ki bleithaw bad da kaba kñia ha kiwei ki blei hangne ha Ijipt, ha kaba phi la wan ban shong ban sah? Hato phi leh ïa kane ban pynjot ïa lade, khnang ba ki jaitbynriew baroh ha ka pyrthei kin ñiewbeiñ ïa phi bad pyndonkam ïa ka kyrteng jong phi kum ka jingtim?

JEREMAÏAH 45:4

“Hynrei ma nga, U Trai, nga la pyntwa noh ïa kaei kaba nga la tei bad rat noh ïa kaei kaba nga la thung. Ngan leh ïa kane ha ka pyrthei baroh kawei.

JEREMAÏAH 7:18

Ki khynnah ki lum diengthang, ki rangbah ki sliew ding, bad ki kynthei ki khleh kpu ban shet kpu ïa ka blei kaba ki khot ka Syiem jong ka Bneng. Ki la theh ruh ïa ki jingainguh waiñ ha kiwei pat ki blei, khnang ban pynmong ïa nga.

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

ESEKIEL 17:5

Nangta u la shim ïa u jingthung ba dang lung na ka ri Israel bad u la thung ïa u ha ka lyngkha kaba seisoh, ha kaba ka ju ïai don ka um ban pynlong ïa u ban san.

HOSIA 10:1

Ki paid Israel ki la long kum u dieng sohwaiñ uba dap da ki sohwaiñ. Katba ki nang manbha, katta ki nang tei kham bun ki duwan. Katba ka ri jong ki ka nang pahuh, katta ruh ki nang pynitynnat ïa ki rishot maw bakyntang ba ki mane.