JEREMAÏAH 11:11 - Khasi CL Bible (BSI)

¹¹ Kumta mynta, ma nga, U Trai, nga maham ïa ki ba ngan wanrah ka jingpynjot halor jong ki, bad kin ym lah ban lait. Bad haba ki kyang sha nga ban ïoh jingïarap, ngan ym shahshkor ïa ki.

KA BAIBL

¹¹ Namar kata, kumne u ong U Trai, “Ha khmih, ngan wallam ïa ka jingsniew halor jong ki, kaba kin ym lah ban lait na ka; te kin lynñiar ha nga, hynrei, ngan ym sngap ïa ki.

JEREMAÏAH 11:11 ပူးပေါင်းရင်းမြစ်များ

2 SYIEM 22:16

“Ngan sa pynshitom ïa ka Jerusalem bad ïa ki briew jong ka baroh, kumba la thoh ha ka Kitab ba u syiem u la pule.

2 KHRONIKL 34:24

“Nga ngan pynshitom ïa ka Jerusalem bad ïa ki briew baroh da ka jingtim ba la thoh ha ka kitab ïa kaba la pule ha khmat u syiem.

Ka Kitab U Job 35:13

Ka long ka bymmyntoi ïa ki ban kyang jam; U Blei Badonbor Baroh um shym ïohi lane ïohsngew ïa ki.

SALM 18:41

Ki kyang ban ïoh jingïarap, hynrei ym don mano mano ba pyllait im ïa ki; ki khot kyrpad ïa U Trai, hynrei um jubab.

SALM 66:18

Lada ngam shym la suidñiew ïa ki pop jong nga, U Trai un ym jin da la shahshkor ïa nga.

PROBERB 1:28

Hangta kin sa khot kyrpad ïa ka jingstad, hynrei ngan ym jubab; phin sa wan wad ïa nga kylleng sawdong, hynrei phin ym shem ïa nga.

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

ISAÏAH 1:15

“Haba pha rah ïa la ki kti ha ka jingduwai, ngan ym khmih ïa pha. Kam pher haduh katno pha duwai, ngan ym shahshkor, namar ïa ki kti jong pha la tap da ka snam.

ISAÏAH 24:17

To shahshkor ïa nga, phi baroh! Ki don ki jingshyrkhei, ki 'liewlep, bad ki jingriam kiba ap ïa phi.

JEREMAÏAH 11:14

Ko Jeremaïah, wat duwai ha nga lane ïasaid bad nga na ka bynta kine ki briew. Haba ki don ha ka jingjynjar bad ki pyrta sha nga ban ïoh jingïarap, ngan ym shahshkor ïa ki.”

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 14:12

Wat lada ki shahjingit, ngan ym shahshkor ïa ki jingkyang jong ki ban ïoh jingïarap; bad wat lada ki ai ïa nga ki jingainguh thang bad ki jingainguh bam, ngan ym sngewbha ïa ki. Pynban ngan pynïap ïa ki ha ka thma bad da ka jingïapthngan bad ka jingpang.”

JEREMAÏAH 14:2

“Ka Judah ka don ha ka jingïambriew; ki nongbah jong ka ki la jan ïap, ki briew jong ka ki thiah ha madan ha ka jingsngewsih, bad ka Jerusalem ka kyang jam ban ïoh jingïarap.

JEREMAÏAH 15:2

Haba ki kylli ïa me shano ki dei ban leit, ïathuh ïa ki ba nga la lah ong: “Ïa ki katto katne ngut la tim ban ïap da ka jingpang — kata ka dei sha kaba kin leit! Ïa kiwei pat la tim ban ïap ha ka thma — kata ka dei sha kaba kin leit! Ïa ki katto katne ngut la tim ban ïap na ka jingïapthngan — kata ka dei sha kaba kin leit! Ïa kiwei pat la tim ban shah ring noh kum ki koidi — kata ka dei sha kaba kin leit!

JEREMAÏAH 18:11

Mynta te, to ïathuh ïa ki briew jong ka Judah bad ka Jerusalem ba nga thaw ki jingthmu bathymmai pyrshah ïa ki bad nga khreh ban pynshitom ïa ki. Ïathuh ïa ki ban sangeh ban im ka jingim ba-dap da ka pop — ban pynkylla ïa ki rukom im jong ki bad ïa kiei kiei kiba ki leh.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 19:3

U Trai u la bthah ïa nga ban ong, “Ko ki syiem jong ka Judah bad ki briew jong ka Jerusalem, to shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan wallam kaba kum kane ka jingpynjot ha kane ka jaka ba uwei pa uwei baroh uba ïohsngew shaphang jong ka un kyndit.

JEREMAÏAH 23:12

Ki lynti ïaid ba ki bud kin long kiba btuit bad kiba dum; ngan pynlong ïa ki ba kin jynthut bad kin kyllon. Ngan wallam ka jingpynjot ha ki; ka por ka jingpynshitom ïa ki ka la nang wan, ma nga, U Trai, nga la kren.

JEREMAÏAH 25:35

Yn ym don lad ïa phi ban lait im.

JEREMAÏAH 35:17

Kumta mynta, ma nga, U Trai Badonbor Baroh, U Blei ki Israel, ngan wallam halor jong phi ki paid Judah bad Jerusalem ïa baroh ka jingpynjot kaba nga la kular. Ngan leh ïa kane namar phim shym la shahshkor haba nga la kren ha phi, bad phim shym la jubab haba nga la khot ïa phi.”

JEREMAÏAH 36:31

Ngan pynshitom ïa me, ïa ki khun ki ksiew jong me, bad ïa ki rangbah synshar jong me namar ki pop kiba ma phi baroh phi la leh. Ma me lymne ki briew ka Jerusalem bad Judah ki la sngap ïa ki jingmaham jong nga, bad kumta ngan wallam halor baroh ïa ka jingpynjot ïa kaba nga la dep kren pyrshah.”

JEREMAÏAH 6:19

To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

SNGEWSYNEI 2:22

Me la khot sngewbha ïa ki nongshun jong nga ban pynlong ka jinglehsngewbha ha ka jingshyrkhei baroh sawdong jong nga, bad ym don mano mano ba lah ban lait im ha kata ka sngi jong ka jingbitar jong me. Ki la pynïap ïa ki khun jong nga, kiba nga la pynsan bad ieit.

ESEKIEL 14:3

“Ko khun u briew,” u la ong, “kine ki briew ki la ai ïa ki dohnud jong ki ha ki bleithaw bad ki la shah ba ki bleithaw kin ïalam ïa ki sha ka pop. Hato ki pyrkhat ba ngan ai ha ki ka jubab?

ESEKIEL 7:5

Kane ka long kaba U Trai Nongsynshar u ong: “Kawei ka jingjynjar hadien kawei pat kan wan ha pha.

ESEKIEL 8:18

Kin sa sngew ïa ka jingbitar lep jong nga baroh; ngan ym tyngkai ïa ki ne pyn-i ka jinglehisynei ei ei ïa ki. Kin kyang ha nga da ki jingduwai jam katba ki lah, hynrei ngan ym shahshkor ïa ki.”

AMOS 5:19

Kan long kum haba u briew u phet ïap na u sing bad u ïakynduh ïa ka dngiem! lane kum haba u briew u wan sha la ïing bad buh ïa la ka kti ha ka kynroh — tang ban shah puh ha u bseiñ!

MIKAH 3:4

Ka por kan poi haba phin kyang sha U Trai, hynrei un ym jubab ïa phi. Un ym sngap ïa ki jingduwai jong phi, naba phi la leh ïa kaba sniew.

SEKHARAÏAH 7:13

Namar ba kim shym la shahshkor mynba nga la kren, ngam shym la jubab mynba ki la duwai.

1 THESSALONI 5:3

Haba ki briew ki ong, “Kaei kaei baroh ka jar jar bad ka shngain,” te kynsan ka jingpynjot kan lynshop ïa ki! Kan wan kyndit kum ki jingpang kiba wan ha ka briew kaba suh kha, bad ki briew kin ym lait phet.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.