JEREMAÏAH 10:9 - Khasi CL Bible (BSI)

⁹ Ïa ki bleithaw jong ki la sop da ka rupa na Spain bad da ka ksiar na Uphas baroh ki jingtrei jong ki nongtrei; la pynphong jaiñ ïa ki ha ki jaiñ ïongjngum bad sawbthuh ba la thain da ki nongthain jaiñ batbit.

KA BAIBL

⁹ Don ka rupa ba la shoh stang ba la wallam na Tarshish, bad ka ksiar na Uphas, ka kam jong u nongtrei bad ka jong ki kti u bania; ka babyrïong bad ka basaw bthuh ban long ki jaiñ jong ki; baroh ki long ka kam ki nongtrei kiba nang.

JEREMAÏAH 10:9 ပူးပေါင်းရင်းမြစ်များ

1 SYIEM 10:22

U don shi kynhun ki liengbah kiba ïaid ha duriaw ryngkat bad ka kynhun lieng u Hiram. Shisien lai snem ki kynhun lieng jong u ki ju wan phai, ki da wan kit ïa ka ksiar, ka rupa, ki bniat hati, ki tngaw, bad ki shrieh.

2 KHRONIKL 9:21

U don ka kynhun ki liengbah kiba ïaid sha duriaw ryngkat bad ki liengbah jong u syiem Hiram. Shisien lai snem ki lieng jong u ki wan phai, ki da kit ïa ka ksiar, ka rupa, ki bniat hati, ki tngaw, bad ki shrieh.

SALM 115:4

Ïa ki blei jong ki la thaw da ka rupa bad ka ksiar, ba la pynwandur da ki kti jong ki briew.

SALM 72:10

Ki syiem jong ka Spain bad jong ki dewlynnong kin tyrwa ha u ki jingai sngewbha; ki syiem jong ka Sheba bad Seba kin wanrah ha u ki jingainguh.

ISAÏAH 23:6

To lynñiar da ka jingsngewsih, phi ki briew ka Phoenisia! Pyrshang ban phet ïap sha Spain!

ISAÏAH 40:19

Um long kum i bleithaw ba u nongtrei u shna ba ki kamar ki sop da ka ksiar bad pynshong ha u khiew rupa.

ESEKIEL 27:12

“Pha ïakhaïi pateng ha Spain bad pha la shim ïa ka rupa, ka nar, ka tin, bad ka sisa da kaba siewdor na ka bynta ki tiar ba-dap kyrhai jong pha.

ESEKIEL 27:7

Ïa ki jaiñ pynshah lyer jong pha la shna da ka jaiñ linen, ka linen ba la suh syntiew na Ijipt, ba lah ban ithuh naduh na jngai. Ïa ki jingpynpur la shna na ka jaiñ bakynsai tam, da ka rong jngum na ka dewlynnong Sypros.

DANIEL 10:5

Nga la khmih shajrong bad nga la ïohi ïa uwei uba kup ki jaiñ linen bad u panpoh ksiar nylla.

HOSIA 8:6

U nongsaiñdur na Israel uba la thaw ïa u bleithaw, bad um dei satia u blei! Ïa u khun masi ksiar ba mane ha Samaria yn sa pynpait lyngkhot lyngkhai.

JONAH 1:3

U Jonah pynban, u la leit sha ka jaka kaba marpyrshah khnang ban phet noh na U Trai. U la leit sha Joppa, ha kaba u la shem ïa ka liengbah ka ban sa leit sha Spain. U la siew ïa ka bai lynti bad u la rung shapoh ryngkat bad ki nongtrei liengbah kiba leit sha Spain, ha kaba un long jngai na U Trai.

HABAKKUK 2:19

Phi long ba la tim! Phi ong ha ka lyngkhot dieng, “Khie noh!” ne ïa u maw, “Ïeng joit!” Hato ka bleithaw ka lah ban pynpaw ei ei ïa phi? Lah ban suit ïa ka da ka rupa bad ka ksiar, hynrei ym don jingim ha ka.