JEREMAÏAH 10:8 - Khasi CL Bible (BSI)

⁸ Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

KA BAIBL

⁸ Hynrei, ki ïalong lang ki barunar bad ki babieit: ka jinghikai ki durblei, ka long tang ka met dieng.

JEREMAÏAH 10:8 ပူးပေါင်းရင်းမြစ်များ

SALM 115:8

Ai ba kito baroh kiba thaw ïa ki bad kiba shaniah ha ki kin long kum ki bleithaw kiba ki la thaw.

SALM 135:18

To ai ba baroh kiba la thaw ïa ki bad kiba shaniah ha ki kin kylla long kum ki bleithaw ba ki la shna!

ISAÏAH 41:29

Baroh kine ki blei ki long ki bymlarkam; Kim lah ban leh ei ei ruh em — Kine ki bleithaw ki long kiba tlot bad ki bymdonbor.”

ISAÏAH 44:18

Kum kita ki briew ki long kiba bieit eh ban tip ïa kaei kaba ki leh. Ki khapbrip ïa la ki khmat bad ïa la ki jingmut na ka jingshisha.

ISAÏAH 44:19

U nongshna ïa ki bleithaw um don ka jingpuson ne ka jingshemphang ban ong, “Khyndiat na ka dieng nga thang duh. Nga shet khyndiat u kpu halor ki rnga bad nga syang doh bad nga la bam ïa ka. Bad kaba sah na ka dieng nga shna bleithaw. Hangne nga don ban nguh dem ïa u dieng tylli!”

JEREMAÏAH 10:14

Ha ka jingïohi ïa kane, ki rangbah ki sngew mutlop bad kim sngewthuh ei ei; kito kiba shna bleithaw ki shah pynthame, namar ki blei kiba ki shna ki long kiba bakla bad kim don jingim.

JEREMAÏAH 2:27

Ïa phi baroh yn pynjahburom — ma phi kiba ong ba u dieng u dei u kpa jong phi bad ba u mawsiang u dei ka kmie jong phi. Kane kan jia namar ba phi la phai noh na nga ha ka jaka ba phin phai sha nga. Hynrei haba phi don ha ka jingjynjar, phi kyrpad ïa nga ban wan bad pynim ïa phi.

JEREMAÏAH 3:9

bad kam shym lehrain satia. Ka la pyntngit ïa ka ri, bad ka la leh awria da kaba mane ïa ki maw bad ki dieng.

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

JEREMAÏAH 5:4

Nangta nga la pyrkhat, “Kine ki long tang kiba duk bad ki bym sngewthuh. Ki la leh bieit; kim tip ïa kaei kaba U Blei jong ki u dawa, ïa kaei U Trai u kwah ïa ki ban leh.

HOSIA 4:12

Ki pan ïa ki jingpynpaw na u lyngkhot dieng! u diengduh u batai ïa ki kaei ba ki kwah ban tip! Ki la iehnoh ïa nga. Kum ka briew kaba la kylla nuti, ki la aiti ïa lade ha kiwei pat ki blei.

JONAH 2:8

Kito kiba mane ïa ki bleithaw bym don jingmyntoi ki la iehnoh na kaba ïaineh ha me.

HABAKKUK 2:18

Kaei ka jingdonkam jong ka bleithaw? Ka long tang kaei kaei kaba la thaw da u briew, bad kam kren ei ei hynrei ka shukor. Kaei kaba bha ba ka leh ïa u nongthaw ba un shaniah ha ka — U Blei u bym lah wat ban kren!

SEKHARAÏAH 10:2

Ki briew ki kylli ïa ki bleithaw bad ïa ki nongbatai kupar, hynrei ki jubab kiba ki ïoh ki long ki jinglamler bad ki bym don jingmut. Katto katne ki pyrshang ban batai ïa ki jingphohsniew, hynrei tang ban shu ïalam bakla ïa phi; ka jingpyntngen ba ki ai ka long ka bymmyntoi. Kumta ki briew ki sakma kylleng kum ka langbrot ba la jah. Ki don ha ka jingjynjar namar ba kim don u nongïalam.