JEREMAÏAH 10:7 - Khasi CL Bible (BSI)

⁷ Uei u ban ym pyndonburom ïa me, u syiem jong ki jaitbynriew baroh? Me dei hok ban ïoh ka pyndonburom. Ym don mano mano uba kum ma me hapdeng ki riewstad baroh jong ki jaitbynriew lane napdeng uno uno u syiem jong ki.

KA BAIBL

⁷ Uei u ban ym sheptieng ïa me, ko Syiem ki jaid bynriew? Naba ka ïadei ïa me: namar hapdeng ki riewstad baroh jong ki jaid bynriew bad ha ki jinglong syiem jong ki baroh, kat ma me ym ju don.

JEREMAÏAH 10:7 ပူးပေါင်းရင်းမြစ်များ

2 SYIEM 17:39

Phi dei ban kohnguh ïa nga, U Trai U Blei jong phi, bad ngan pyllait im ïa phi na ki nongshun jong phi.”

1 KHRONIKL 16:25

U Trai u long uba khraw bad uba eh dei ban ïaroh; ïa u dei ban ai ka burom palat ban ïa kiwei ki blei baroh.

ESTHER 1:13

Ka ju long ka rukom u syiem ban pan jingmut na ki riewshemphang halor kiei kiei kiba ïadei bad ka shongsuk shongsaiñ ka hima, kumta u khot ïa ki nongai jingmut jong u, kiba lah ban tip kaei kaba dei ban leh.

SALM 147:5

Uba khraw bad uba donbor long U Trai jong ngi; ïa ka jingstad jong u ym lah ban thew.

SALM 22:28

U Trai u long u Syiem, bad u synshar ïa ki hima.

SALM 47:3

U ai ïa ngi ka jingjop halor ki jaitbynriew; u pynlong ïa ngi ban synshar halor ki hima.

SALM 72:11

Ki syiem baroh kin dem ngon ha khmat jong u, ki jaitbynriew baroh kin shakri ïa u.

SALM 76:7

Hynrei ïa me, A Trai, baroh ki sheptieng. Ym don mano mano ba lah ban ïeng ha ka jingdon ryngkat jong me haba me bitar.

SALM 86:8

Ym don u blei kum ma me, A Trai, ym don uba leh kum kaei kaba me la leh.

SALM 86:9

Baroh ki jaitbynriew ba me la thaw kin wan bad dem ngon ha khmat jong me, kin ïaroh ïa ka jingkhraw jong me.

SALM 89:6

Ym don ha bneng u ba kum ma me, A Trai; ym don ki jingthaw ha bneng uba long mar ryngkat bad me.

EKSODOS 8:10

U Pharaoh u jubab, “Duwai na ka bynta jong nga la shai.” U Moses u ong, “Ngan leh kumba phi ong, ba phin ïoh tip ba ym don mano mano ruh uba kum U Trai U Blei jong ngi.

EKSODOS 9:14

Naba ha kane ka kynti ngan pynshitom ym tang ïa ki rangbah synshar bad ïa ki briew jong me, hynrei ïa me hi ruh, khnang ba men ïoh tip ba ym don uba kum ma nga ha ka pyrthei baroh.

ISAÏAH 2:4

Un bishar ïa ki jingkajia hapdeng ki jaitbynriew. Kin tied tyrnem ïa ki waitlam jong ki sha ki jinglur lyngkha bad ïa ki sum jong ki sha ki waitbnoh khyllad tnat. Ki jaitbynriew kin ym ïaleh thma shuh, kin ym pynkhreh thma shuh.

JEREMAÏAH 10:6

A Trai, ym don uno uno uba kum ma me; me long uba khrawbor, bad ka kyrteng jong me ka long kaba khraw bad kaba donbor.

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

DANIEL 2:27

U Daniel u la jubab, “Ko Syiem Kynrad, ym don uno uno u nongleh byrtong, u nongleh myntor, u nongbatai kupar, lane u nongkhmih khlur uba lah ban ïathuh ha phi ïa kata.

DANIEL 2:28

Hynrei don U Blei ha bneng, uba pynpaw ïa ki jingmaïan. U la pyntip ïa u Syiem Kynrad kaei ka ban jia ha ka lawei. Mynta ngan ïathuh ha phi ïa ka jingphohsniew, ka jingïohipaw kaba phi lah ïoh mynba phi dang ïohthiah.

HABAKKUK 3:2

A Trai, nga la ïohsngew ïa kaei ba me la leh, bad nga la dap da ka jingtiengburom. Mynta to leh biang ha ki por jong ngi ïa ki kam bakhraw kiba me la ju leh. To leh-isynei, wat haba me bitar.

SEKHARAÏAH 2:11

Ha kata ka por shibun ki jaitbynriew kin wan sha U Trai bad long ki briew jong u. Un shong un sah hapdeng jong phi, bad phin tip ba u la lah phah ïa nga sha phi.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

LOUKAS 12:5

Ngan pyn-i ha phi ïano ban sheptieng: To sheptieng ïa U Blei, uba, hadien ka jingpynïap, u don ka bor ban bret sha ka dujok. To ngeit ïa nga, u long ma u uta uba phi dei ban sheptieng!

1 KORINTH 8:6

pynban ha ngi don tang uwei U Blei, U Kpa, uba long u Nongthaw ïa kiei kiei baroh bad uba na ka bynta jong u ngi im; bad don tang uwei U Trai, U Jisu Khrist, da u ba kiei kiei baroh la pynlong bad ha u ba ngi im.

JOSHUA 4:24

Namar kane, uwei pa uwei ha ka pyrthei un tip haduh katno ka bor jong U Trai ka long kaba khraw, bad ba phin burom ïa U Trai U Blei jong phi junom.”

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”