JEREMAÏAH 10:22 - Khasi CL Bible (BSI)

²² To shahshkor! Ka khubor ka wan! Ka don ka jingkhihwin bakhraw ha ka jaitbynriew bashatei; ka kynhun shipai jong ka kan pynkylla ïa ki nongbah ka Judah sha ka ri shyiap, ka jaka ha kaba ki shong ki myrsiang.”

KA BAIBL

²² Ki jingsawa ka jingbna wer wer, ha khmih ka wan, bad ka jingkhihwin bakhraw na ka ri shatei, ïa ka ban pynlong ka jingkynjah, bad ka jaka shong ki myrsiang, ïa ki nongbah Judah.

JEREMAÏAH 10:22 ပူးပေါင်းရင်းမြစ်များ

ISAÏAH 34:13

Ki shiah bad shiah buid kin mih ha baroh ki ïingsyiem bad ki shnong ba la ker kynroh, bad ki myrsiang bad ki dkhoh kin shong ha ki.

JEREMAÏAH 1:14

U ong ha nga, “Ka jingpynjot kan thnam na ka phang bashatei halor baroh kiba shong basah ha kane ka ri,

JEREMAÏAH 1:15

namar nga khot ïa baroh ki jaitbynriew ha ka phang bashatei ban ïawan. Ki syiem jong ki kin pynïeng ïa ki khet jong ki ha ki khyrdop jong ka Jerusalem bad sawdong ïa ki kynroh jong ka bad ruh sawdong ïa kiwei pat ki nongbah jong ka Judah.

JEREMAÏAH 2:15

Ki la kyrhuh ha u kum u sing, ki la pynkylla ri shyiap ïa ka ri jong u, bad ki shnong jong u ki don ha ka jingjot jingpra, kiba la shah iehnoh khoit.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 4:15

Ki nonglamktien na ka nongbah Dan bad na ki lum Ephraim ki pynbna ïa ka khubor basniew.

JEREMAÏAH 4:6

To kdew ïa ka lynti sha Seïon! To phet ban lait im! Wat ym pynslem! U Trai u wallam ka jingjot bad ka jingpynjot kaba khraw na shatei.

JEREMAÏAH 49:33

Ïa ka Hasor yn pynkylla ri shyiap junom, ka jaka ha kaba tang ki myrsiang kin im. Yn ym don mano mano shuh ban shong ban sah biang hangta. Ma nga, U Trai, nga la kren.”

JEREMAÏAH 5:15

Ko ki paid Israel, U Trai u wallam ka jaitbynriew na sha jngai ban tur ïaleh ïa phi. Ka long ka jaitbynriew kaba khlaiñ bad kaba la rim, ka jaitbynriew kaba ïa ka ktien jong ka phim tip.

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

JEREMAÏAH 6:22

U Trai u ong, “Ki briew ki wan na ka ri ha ka phang bashatei; ka jaitbynriew kaba khrawbor na sha jngai bah ka pynkhreh ïa ka thma.

JEREMAÏAH 9:11

U Trai u ong, “Ngan pynlong ïa ka Jerusalem ka thup ki jingpra, ka jaka ha kaba ki myrsiang ki shong; ki nongbah ka Judah kin kylla ri shyiap, ka jaka ha kaba ym don mano mano bashong ba sah.”

SNGEWSYNEI 1:4

Ym don mano mano ba wan sha ka Templ mynta ban mane ha ki sngi bakhuid. Ki kynthei samla kiba rwai hangta ki shahshitom, bad ki lyngdoh ki lah tang ban shu ud. Ki khyrdop ka nongbah ki ïeng thylli, bad ka Seïon ka don ha ka jingkordit.

ESEKIEL 12:19

To ïathuh ïa ka jaitbynriew baroh kawei ba kane ka dei ka khubor jong U Trai Nongsynshar ïa ki briew jong ka Jerusalem kiba dang shong dang sah ha ka ri jong ki: Kin kyiuh haba ki bam bad kin khynñiuh da ka jingsheptieng haba ki dih. Ïa ka ri jong ki yn sloit lyngkhuit, namar uwei uwei baroh uba shong hangta u long uba thurmur.

MALAKHI 1:3

bad nga la isih ïa u Iso bad ïa ki khun ki ksiew jong u. Nga la pynjot thiaw ïa ka ri lum jong u Iso bad iehnoh noh ïa ka ri ha ki myrsiang.”