JEREMAÏAH 10:20 - Khasi CL Bible (BSI)

²⁰ La pynjot ïa ki ïingjaiñ jong ngi; ïa ki tyllai ba pynskhem ïa ki la pyndkut. Ki khun jong ngi ki la leit noh baroh; ym don shuh mano mano ba dang sah ban pynïeng pat ïa ki ïingjaiñ jong ngi; ym don shuh mano mano ban wah ïa ki pyrda jong ki.”

KA BAIBL

²⁰ La lute ïa ka ïingjaiñ jong nga, bad la pyndkut ïa ki tyllai jong nga: ki khun jong nga ki la mih noh na nga, te kim don shuh: ym don shuh u ban pynpyiar ïa ka ïingjaiñ jong nga, bad u ban pynïeng ïa ki pyrda jong nga.

JEREMAÏAH 10:20 ပူးပေါင်းရင်းမြစ်များ

Ka Kitab U Job 7:8

Me ïohi ïa nga mynta, hynrei mem ïohi shuh lada me peit ïa nga, nga la jah noh!

PROBERB 12:7

Ki bymman ki ïakynduh ïa la ka jingkyllon noh bad ym don ba mih pateng na ki, hynrei ki longïing jong kiba hok ki ïai im pateng.

ISAÏAH 51:16

Nga la pynpyiar ïa ki bneng bad pynïeng ïa ki nongrim ka pyrthei; nga ong ïa ka Jerusalem, ‘Phi long ki briew jong nga! Nga la ai ha phi ïa ka jinghikai jong nga, bad nga ïada ïa phi da ka ksang'ti jong nga.’”

ISAÏAH 51:18

Ym don mano mano ban ïalam ïa pha, ym don uno uno napdeng ki briew jong pha ban btin ïa pha da ka kti.

ISAÏAH 54:2

Kham pynheh ïa ka ïingjaiñ ha kaba pha shong; pynjrong ïa ki tyllai bad pynskhem ïa ki snar!

JEREMAÏAH 30:17

Ngan pynkoit pat ïa phi; ngan pynkhiah ïa ki jingmong jong phi, la ki nongshun jong phi ki ong, ‘Ka Seïon ka dei kaba shah kyntait; ym don mano mano ba salia ïa ka.’ Ma nga, U Trai, nga la kren.”

JEREMAÏAH 31:15

U Trai u ong, “La ïohsngew ïa ka jingsawa ha Ramah, ka jingsawa jong ka jingïam kthang. Ka Rakhel ka ïam namar ki khun jong ka; ki la ïap noh, bad kam treh ba yn pyntngen ïa ka.

JEREMAÏAH 4:20

Kawei ka jingjot ka bud hadien kawei pat, ïa ka ri baroh kawei la iehnoh ha ka jingjot. Kynsan kynsan la pynjot ïa ki ïingjaiñ jong ngi, ïa ki pyrda jong ki la tar lyngkhot.

SNGEWSYNEI 1:5

Ki nongshun jong ka ki la jop; ki la bat ïa ka ha ka bor jong ki. U Trai u la pynlong ïa ka ban shahshitom na ka bynta ki pop kiba bun jong ka baroh. Ïa ki khun jong ka la kem bad la shah rah noh.

MIKAH 2:9

Phi beh noh ïa ki kynthei jong ki briew jong nga na ki ïing ba ki ieit, bad phi lute khlem kut ïa ki jingkyrkhu jong nga na ki khun jong ki.