JEREMAÏAH 10:16 - Khasi CL Bible (BSI)

¹⁶ U Blei jong u Jakob um long kum ma ki; u long uta uba thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

KA BAIBL

¹⁶ Uba ka bynta u Jakob um long kum kine; naba u long u banyngkong na kiei kiei baroh; bad u Israel u long ka jaid ka jingïoh kynti jong u: “U Trai ki paid” long ka kyrteng jong u.

JEREMAÏAH 10:16 ပူးပေါင်းရင်းမြစ်များ

SALM 119:57

Me long baroh uba nga kwah, A Trai; nga kular ban kohnguh ïa ki aiñ jong me.

SALM 135:4

U la jied ïa u Jakob na ka bynta ïa lade, ïa ki paid Israel na ka bynta jong u hi.

SALM 142:5

A Trai, nga kyang sha me ban ïoh jingïarap; ma me, A Trai, me long u nongïada jong nga; me long tang ma me uba nga kwah ha kane ka jingim.

SALM 33:6

U Trai u thaw ïa ki bneng da ka hukum jong u, ïa ka sngi, u bnai bad ki khlur da ka sur kren jong u.

SALM 73:26

Ka jingmut jong nga bad ka met jong nga ka lah ban sdang tlot, hynrei U Blei u long ka jingkhlaiñ jong nga; u long baroh kaba nga ju donkam.

SALM 74:2

To kynmaw ïa ki briew jong me, kiba me la jied na ka bynta ïa lade la slem bah, kiba me la wallam na ka jinglongmraw ban long ka jait ka jong me hi. To kynmaw ïa u lum Seïon, ha kaba shisien me la shong.

EKSODOS 19:5

Te mynta, lada phin kohnguh ïa nga bad sumar ïa ka jutang jong nga, phin long ki briew jong nga. Ka pyrthei baroh kawei ka long ka jong nga, bad phi pat phin long ki briew kiba nga la jied,

EKSODOS 34:9

U la ong, “Ko Trai, lada me sngewbha shisha ïa nga, nga kyrpad ïa me ban wan ryngkat bad ngi. Kine ki briew ki long kiba mutlop, hynrei map ïa ka jingbymman bad ka pop jong ngi, bad pdiang ïa ngi kum ki briew ki jong me hi.”

PROBERB 16:4

Baroh kiei kiei kiba U Trai u la thaw ki don la ki jingkut; bad ka jingkut jong u bymman ka long ka jingjot.

ISAÏAH 19:25

U Trai Badonbor Baroh un kyrkhu ïa ki bad un ong, “Ngan kyrkhu ïa pha, ko Ijipt, ki briew jong nga; ïa pha, ko Assyria, kaba nga la thaw; bad ïa pha, ko Israel, ki briew kiba la jied jong nga.”

ISAÏAH 45:7

Nga thaw ïa ka jingshai bad ïa ka jingdum; nga wanrah ka jingkyrkhu bad ka jingjot. Ma nga, U Trai, nga leh ïa kine kiei kiei baroh.

ISAÏAH 47:4

U Blei Bakhuid jong ki Israel u pyllaitluid ïa ngi — ka kyrteng jong u ka long U Trai Badonbor Baroh.

ISAÏAH 47:6

Nga la bitar ïa ki briew jong nga; nga la shim ïa ki kumba kim dei shuh ki jong nga: Nga buh ïa ki ha ka bor jong pha, bad pham pyn-i jinglehisynei ïa ki; wat ïa kiba la tymmen pha leh da kaba tyngeh.

ISAÏAH 51:15

“Nga long U Trai U Blei jong phi; nga pynphaloh ïa ka duriaw bad nga pynlong ïa ki jingat phyllung ban kyrhuh. Ka kyrteng jong nga ka long U Trai Badonbor Baroh!

ISAÏAH 54:5

U Nongthaw jong pha un long kum u tnga ïa pha — U Trai Badonbor Baroh long ka kyrteng jong u. U Blei bakhuid jong ki Israel un pynim ïa pha — u long u nongsynshar jong ka pyrthei baroh.

JEREMAÏAH 10:12

U Trai u la thaw ïa ka khyndew da ka bor jong u; da ka jingstad jong u, u la thaw ïa ka pyrthei bad u la pyiar pynïar ïa ki bneng.

JEREMAÏAH 10:6

A Trai, ym don uno uno uba kum ma me; me long uba khrawbor, bad ka kyrteng jong me ka long kaba khraw bad kaba donbor.

JEREMAÏAH 31:35

U Trai u pynbiang ïa ka sngi ban pynshai mynsngi, ïa u bnai bad ki khlur ban pynshai mynmiet. U pynkhih ïa ka duriaw bad pynlong ïa ka ban kyrhuh; ka kyrteng jong u ka long U Trai Badonbor Baroh.

JEREMAÏAH 32:18

Me la pyn-i ïa ka jingieit baneh sha ki hajar, hynrei me pynshitom ruh ïa ki briew na ka bynta ki pop ki kmie ki kpa jong ki. Me long U Blei bakhraw bad badonbor; me long U Trai Badonbor Baroh.

JEREMAÏAH 33:2

U Trai, uba la thaw ïa ka pyrthei, uba la pynlong ïa ka bad buh ïa ka ha la ka jaka, u la kren ha nga. Uta uba ka kyrteng jong u ka long U Trai, u la ong,

JEREMAÏAH 46:18

Ma nga, U Trai Badonbor Baroh, nga long u syiem. Nga long U Blei Uba im. Kumba u lum Tabor u ïeng kynjang tam ïa ki lum bad u lum Karmel u ïeng hajrong tam ïa ka duriaw, kumta kan long ka jingkhlaiñ jong uta uba tur ïaleh ïa me.

JEREMAÏAH 50:34

Hynrei uwei u ban pyllait ïa ki u long uba khlaiñ — ka kyrteng jong u ka long U Trai Badonbor Baroh. Ma u hi da lade un bahkhlieh na ka bynta jong ki bad un wallam ïa ka jingsuk ha ka pyrthei, hynrei ka jingjynjar ïa ki briew jong ka Babilonia.”

JEREMAÏAH 51:19

U Blei u Jakob um long kum ma ki; dei tang ma u uba la thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

SNGEWSYNEI 3:24

U Trai u long baroh kaba nga don, bad kumta nga buh ïa la ka jingkyrmen ha u.

AMOS 4:13

U Blei u long uta uba la thaw ïa ki lumbah bad uba pynlong ïa ki lyer. U pynpaw ïa la ki jingmut ha u briew; u pynkylla ïa ka sngi sha ka miet. U ïaid ha kiba kynjang jong ka pyrthei. Kane ka long ka kyrteng jong u: U Trai U Blei Badonbor Baroh!

SEKHARAÏAH 2:12

Sa shisien pat ka Judah kan long ka nongkynti bakyrpang jong U Trai ha ka ri bakyntang jong u, bad ka Jerusalem kan long ka nongbah kaba u ieit tam na baroh.

DEUTERONOMI 32:9

hynrei ïa ki khun ki ksiew u Jakob u la jied na ka bynta ïa lade.