JEREMAÏAH 10:15 - Khasi CL Bible (BSI)

¹⁵ Ki long ki bymdondor bad dei ban ñiewbeiñ; yn sa pynjot ïa ki haba U Trai u wan ban leh ïa ki.

KA BAIBL

¹⁵ Ki long ka jingthala, ka kam ka jingshukor; ha ka por ka jingwan-i jong ki kin duh noh.

JEREMAÏAH 10:15 ပူးပေါင်းရင်းမြစ်များ

SALM 115:9

To shaniah ha U Trai, phi ki paid Israel. U ïarap ïa phi bad u ïada ïa phi.

ISAÏAH 41:24

Phi bad baroh kaba phi leh kim long ei ei; kito kiba mane ïa phi ki long kiba isaitmet!

ISAÏAH 41:29

Baroh kine ki blei ki long ki bymlarkam; Kim lah ban leh ei ei ruh em — Kine ki bleithaw ki long kiba tlot bad ki bymdonbor.”

ISAÏAH 57:12

Phi pyrkhat ba kaei kaba phi leh ka long kaba dei, hynrei ngan pynpaw ïa ki jingleh jong phi, bad ki bleithaw jong phi kin ym lah ban ïarap ei ei ïa phi.

JEREMAÏAH 10:11

(Ma phi ki paidbah phi dei ban ïathuh ïa ki ba ki blei ki bym shym la thaw ïa ka pyrthei bad ïa ka sahit bneng yn sa pynjot. Kin ym don shuh hangno hangno ha ka pyrthei.)

JEREMAÏAH 10:8

Ma ki baroh ki long kiba mutlop bad kiba bieit. Aïu ki lah ban nang na ki bleithaw dieng?

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 43:12

Ngan tbeh ïa ka ding ha ki templ jong ki blei ki Ijipt, bad u syiem ka Babilonia un thang ïa ki bleithaw jong ki ne ïalam noh ïa ki. Katba ki nongap langbrot ki dang jied ïa ki jaiñ jong ki kiba lait na ki jynreiñ, te u syiem ka Babilonia un jied pynkhuid ïa ka ri Ijipt bad nangta ki mih da ka jingjop.

JEREMAÏAH 50:2

“Ïathuh ïa ka khubor sha ki jaitbynriew! Pynbna ïa ka! Ai ka dak bad pynbna ïa ka khubor! Wat buhrieh ïa ka! Ka Babilon ka la kyllon! U Marduk u blei jong ka u la khynñiuh! Ïa ki bleithaw jong Babilon la buh ha ka jinglehrain, ïa ki dur ba-ijli jong ka la pynlwet!

JEREMAÏAH 51:18

Kim dondor bad dei ban ñiewbeiñ ïa ki; ïa ki yn sa pynjot haba U Trai u wan ban leh ïa ki.

JEREMAÏAH 8:12

Ko ki briew jong nga, hato phim lehrain namar ba phi leh ïa kine kiei kiei kiba ijli? Em, phim shym lehrain satia; phim shym tip hi ruh kumno ban sawkyr-ang! Bad kumta phin kyllon kumba kiwei pat ki la kyllon; haba nga pynshitom ïa phi, kata kan long ka jingkut jong phi. Ma nga, U Trai, nga la kren.

JEREMAÏAH 8:19

Shahshkor! Ha kylleng ka ri nga ïohsngew ba ki briew jong nga ki kyang jam, “Hato U Trai um don shuh ha Seïon? Hato u syiem ka Seïon um don shuh hangta?” U Trai, u syiem jong ki, u jubab, “Balei phi la pynbitar ïa nga da kaba mane ïa ki bleithaw jong phi bad da kaba nguh dem ïa ki blei nongwei bymmyntoi?”

HOSIA 9:7

Ka por jong ka jingpynshitom ka la poi, ka por ha kaba ki briew kin ïoh ïa kaei kaba ki dei hok. Haba kata ka jia, ki Israel kin tip ïa ka! “Une u nongïathuhlypa,” phi ong, “u dei uba bieit. Une u briew uba ïoh mynsiem u dei uba lamwir.” Phi ki briew phi isih jur ïa nga namar ba la jyllei eh ki pop jong phi.

JONAH 2:8

Kito kiba mane ïa ki bleithaw bym don jingmyntoi ki la iehnoh na kaba ïaineh ha me.

SEKHARAÏAH 13:2

Ha kata ka por ngan weng noh ïa ki kyrteng jong ki bleithaw na ka ri, bad ym don mano mano ban kynmaw shuh ïa ki. Ngan weng noh ïa uno uno uba kam ba u long u nongïathuhlypa bad ngan shim noh ïa ka jingkwah ban mane ïa ki bleithaw.

KI KAM 14:15

“Balei phi leh ïa kane? Ngi hi ngi long tang ki briew kiba kum ma phi! Ngi don hangne ban pynbna ïa ka Khubor Babha, ban pynphai noh ïa phi na kine kiei kiei ki bymmyntoi sha U Blei uba im, uba la thaw ïa ka bneng, ïa ka khyndew, ïa ka duriaw, bad ïa baroh kat kaba don ha ki.

DEUTERONOMI 32:21

Da la ki bleithaw ïa nga ki pynbitar, ïa ki blei jong ki, ki bym dei shisha ki blei, ngam lah shah. Kumta ngan pyndonkam da kito ki bym dei ka jaitbynriew ban pynbitar ïa ki, ngan kynshoit ruh ïa ki da ka jaitbynriew kaba bieit katba kin ym lah shah.

1 SAMUEL 12:21

Wat ïabeh ïa ki blei thala; kim lah ïarap ïa phi ne pynim ïa phi namar kim dei kiba shisha.

1 SAMUEL 5:4

Kum la shai dang step phyrngab ki ïohi ba u mot u la kyllon biang ha khmat ka Synduk ka Jutang. Ha kane ka sien ka khlieh bad ki kti jong u baroh ar tylli ki la dkut bad ki don hamar ka jingkhang; sah sa tang ka met.