JEREMAÏAH 10:12 - Khasi CL Bible (BSI)

¹² U Trai u la thaw ïa ka khyndew da ka bor jong u; da ka jingstad jong u, u la thaw ïa ka pyrthei bad u la pyiar pynïar ïa ki bneng.

KA BAIBL

¹² U la thaw ma u ïa ka khyndew da la ka bor, u la pynskhem ïa ka pyrthei da la ka jingstad, bad da la ka jingshemphang u la siang ïa ki bneng:

JEREMAÏAH 10:12 ပူးပေါင်းရင်းမြစ်များ

JENESIS 1:1

Ha kaba mynnyngkong, haba U Blei u la thaw ïa ka pyrthei, ka pyrthei ka long kaba khlem dur bad kaba suda.

JENESIS 2:5

ym shym don kino kino ki jingthung ha ka khyndew, bad ym shym don symbai ba la shylluit, namar um pat shym la pynhap slap, bad ym pat shym la don mano mano ban rep ha ka khyndew;

1 KHRONIKL 16:26

Ki blei jong kiwei ki jaitbynriew baroh ki long tang ki bleithaw, hynrei U Trai u thaw ïa ki bneng.

Ka Kitab U Job 26:7

U Blei u pyiar ha ka sahit bneng bashatei bad u sdien ïa ka pyrthei ha ka haw haw ba-thylli.

Ka Kitab U Job 37:18

Hato me lah ban ïarap ïa U Blei ban pynpyiar ïa ka sahit bneng bad pynlong ïa ka kaba eh kum ka nar ba la pynphyrnai?

Ka Kitab U Job 9:8

Ym don ba ïarap ïa U Blei ban pynïar ïa ki bneng lane ïuh halor ka met ki mrad kynsha ka duriaw.

SALM 104:2

me tap ïa lade da ka jingshai. Me pyiar ïa ki bneng kum ka ïingjaiñ

SALM 104:24

A Trai, me la pynlong shibun kiei kiei! Haduh katno me la pynlong ha ka jingstad jong me ïa ki baroh! Ka pyrthei ka dap tang da ki jingthaw jong me.

SALM 119:90

Ka jingïaineh jong me ka ïaisah sha ki pateng bynriew baroh; me la buh pynskhem ïa ka pyrthei, bad ka neh.

SALM 24:2

U thaw ïa ka halor ki um kiba jylliew hapoh ram-ew bad pynshong ïa ki nongrim jong ka ha ki jingjylliew ka duriaw-bah.

SALM 33:6

U Trai u thaw ïa ki bneng da ka hukum jong u, ïa ka sngi, u bnai bad ki khlur da ka sur kren jong u.

SALM 65:7

Me pynjai jai ïa ka jingkyrhuh jong ki duriaw bad ïa ka jingsawa jong ki jingat phyllung; me pynjai jai ïa ka jingkhihwin jong ki jaitbynriew.

SALM 78:69

Hangta u la tei ïa ka Templ jong u kum ka ïing jong u ha bneng; u la pynlong ïa ka, kaba skhem kum ka khyndew hi, kaba neh ha ki por baroh.

SALM 93:1

U Trai u long u syiem. U kup da ka main longsyiem bad ka bor. Ïa ka pyrthei la pynskhem ha la ka jaka bad ym lah ban pynkhih ïa ka.

PROBERB 3:19

U Trai u la thaw ïa ka pyrthei da ka jingstad jong u; da ka jingshemphang jong u, u la buh beit ïa ka sahit bneng ha la ka jaka.

PROBERB 30:4

Uei uba la ju long kynrad ïa ka jingtip ba kynja bneng? Uei uba la ju kham ïa ka lyer ha la ka kti? Lane uba la tehsong ïa ka um ha ka jaiñ lyngkhot? Lane uba la pynskhem ïa ki pud jong ka pyrthei? U dei uei lada phi tip? Uei u khun jong u?

ISAÏAH 37:16

“A Trai Badonbor Baroh, U Blei jong ki Israel, uba shong ha ka khet shajrong ki kherub, me marwei me long U Blei, uba synshar ïa baroh ki hima jong ka pyrthei. Me thaw ïa ka pyrthei bad ka sahit bneng.

ISAÏAH 40:22

La thaw ïa ka da uta uba shong halor ka khet jong u shajrong ka khyndew bad sha lyndet ka sahit bneng; ki briew shapoh ki i rit tang kum ki dkhiew. U pynpyiar ïa ka suiñbneng kum ka pyrda, kum ka ïingjaiñ ha kaba yn shong.

ISAÏAH 42:5

U Blei u thaw ïa ki bneng bad u pynpyiar ïa ki; u pynwandur ïa ka pyrthei bad ïa baroh kiba shong ha ka; u ai jingim bad u pyrsad mynsiem ïa la ki briew baroh. Bad mynta U Trai U Blei u ong ha la u shakri,

ISAÏAH 44:24

“Nga long U Trai, u Nongpynim jong phi; nga long uta uba la thaw ïa phi. Nga long U Trai, u Nongthaw ïa baroh kiei kiei. Nga marwei hi nga pynpyiar ïa ki bneng; haba nga thaw ïa ka pyrthei, ym don u ban ïarap ïa nga.

ISAÏAH 45:12

Nga long uta uba thaw ïa ka pyrthei bad pynlong ïa ki briew ban shong hangta. Da ka bor jong nga, nga pynpyiar ïa ki bneng; nga pynïaid ïa ka sngi, u bnai, bad ïa ki khlur.

ISAÏAH 45:18

U Trai u la thaw ïa ki bneng — U long tang ma u hi U Blei! U pynlong bad thaw ïa ka pyrthei — U thaw ïa ka kaba skhem bad kaba neh. Um shym la thaw ïa ka ban iehnoh suda, hynrei ka jaka ba ki briew kin shong kin sah. U long ma u, uba ong, “Nga long U Trai, ym don uwei pat U Blei.

ISAÏAH 48:13

Ki ksang'ti jong nga ki la buh ïa ki nongrim jong ka pyrthei bad kiba pyiar sha ki bneng. Haba nga phah khot ïa ka pyrthei bad ïa ka suiñbneng, ki wan kumne kumne bad aiti ïa lade.

ISAÏAH 49:8

U Trai u ong ha la ki briew, “Haba ka por ban pyllait im ïa phi ka la poi, ngan pynpaw ïa ka jingsngewbha jong nga ïa phi bad ban sngap ïa ki jingkhot kyrpad jingïarap. Ngan ri bad ïada ïa phi bad lyngba jong phi ngan pynlong ka jutang bad ki briew baroh. Ngan shah ba phi shongduh sa shisien ha la ka ri kaba mynta ka la shu sah shrah.

JEREMAÏAH 10:13

Ha ka hukum jong u ki um shalor jong ka suiñbneng ki kyrhuh; u wallam ïa ki lyoh na kiba kut jong ka pyrthei. U pynlong ïa ka leilieh ban thaba ha u slap bad u phah ïa ka lyer na ka kamra buh tiar jong u.

JEREMAÏAH 10:16

U Blei jong u Jakob um long kum ma ki; u long uta uba thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

JEREMAÏAH 14:22

Ym don kino kino ki bleithaw jong ki jaitbynriew kiba lah ban phah ïa u slap; ka suiñbneng da lade hi kam lah ban pynhap slap. Ngi la buh ïa ka jingkyrmen jong ngi ha me, A Trai U Blei jong ngi, namar me long uta uba leh ïa kine kiei kiei.

JEREMAÏAH 27:5

“Da ka bor bakhraw bad ka jingkhlaiñ jong nga, nga la thaw ïa ka pyrthei, ïa u khunbynriew, bad ïa baroh ki mrad kiba im ha ka khyndew; bad nga ai ïa ka ha uno uno uba nga jied.

JEREMAÏAH 32:17

“A Trai Nongsynshar, me la thaw ïa ka khyndew bad ka suiñbneng da ka bor bad ka borbah bakhraw; ym don kaba eh than ïa me.

SEKHARAÏAH 12:1

Kane ka dei ka khubor shaphang ka Israel na U Trai, U Trai uba la pyiar ïa ka suiñbneng, uba la thaw ïa ka pyrthei, bad uba la ai jingim ïa u briew. U ong,

ÏOANNIS 1:3

Da u, la thaw ïa kiei kiei baroh; ym don kawei ruh na ka jingpynlong baroh kaba la thaw khlem ma u.

KOLOSSAI 1:16

Namar da u, U Blei u la thaw ïa kiei kiei baroh ha bneng bad ha khyndew, kiei kiei kiba lah ban ïohi bad kiei kiei ki bym lah ban ïohi, kynthup ïa ki bor ba kynja mynsiem, ki kynrad, ki nongsynshar, bad ki bor synshar. U Blei u la thaw ïa ka jingpynlong baroh kawei da u na ka bynta jong u.