JEREMAÏAH 10:10 - Khasi CL Bible (BSI)

¹⁰ Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

KA BAIBL

¹⁰ Hynrei, U Trai u long U Blei uba shisha; u long U Blei u ba-im, bad u syiem u bajunom: ha ka jingbitar jong u ka khyndew ka khynñiuh, bad ki jaid bynriew kim lah shah ïa ka jingbitar baïaibat jong u.

JEREMAÏAH 10:10 ပူးပေါင်းရင်းမြစ်များ

JENESIS 21:33

Te U Abraham u la thung uwei u dieng Tamarisk ha Beersheba bad u la mane ïa U Trai, U Blei Bymjukut.

1 SYIEM 18:39

Haba ki paidbah ki ïohi ïa kane, ki ïadem khrup ha khyndew bad ki ïa-pyrta jam, “U Trai u long U Blei; U Trai tang ma u, u long U Blei!”

1 SYIEM 8:60

Bad kumta ki jaitbynriew baroh jong ka pyrthei kin tip ba tang U Trai hi u long U Blei — ym don uwei pat.

1 KHRONIKL 29:11

Me long uba khraw bad uba donbor, uba donburom, uba itynnat bad uba iphieng. Kiei kiei baroh ha bneng bad ha khyndew ki dei ki jong me; me dei u syiem, u nongsynshar bahakhlieh duh halor baroh.

2 KHRONIKL 15:3

Slem bah ki Israel ki la im khlem U Blei uba shisha, khlem ki lyngdoh ban hikai ïa ki, bad khlem ka hukum.

Ka Kitab U Job 9:6

U Blei u phah ïa ki jumai bad u pynkhynñiuh ïa ka khyndew; u kynjrat ïa ki païa kiba kyrshan ïa ka pyrthei.

SALM 10:16

U Trai u long u syiem junom la junom. Kito kiba mane ïa kiwei pat ki blei kin jah noh na ka ri jong u.

SALM 100:3

To pdiang ba U Trai u long U Blei! Dei ma u, uba la thaw ïa ngi, bad ngi long ki jong u; ngi long ki briew jong u, ngi long ka kynhun langbrot jong u.

SALM 100:5

U Trai u long uba bha; ka jingieit jong u ka neh bymjukut, bad ka jingïaineh jong u ka neh junom.

SALM 104:32

U khmih ha ka pyrthei, bad ka khynñiuh; u ktah ïa ki lumbah, bad ki pynmih ïa ka tdem.

SALM 114:7

To khynñiuh, ko khyndew, ha ka jingwan jong U Trai, ha ka jingdon ryngkat jong U Blei jong u Jakob,

SALM 145:13

Ka jingsynshar jong me ka long bymjukut, bad me long u syiem junom. U Trai u long uba ïaineh ha ki jingkular jong u, bad uba isynei ha ki kam jong u baroh.

SALM 146:6

U Nongthaw jong ka bneng, ka pyrthei bad ka duriaw, bad baroh kiba don ha ki. U bat ïa ki jingkular jong u borabor;

SALM 18:7

Nangta ka khyndew ka la khynñiuh bad ka la khih; ki nongrim jong ki lumbah ki la khynñiuh bad kyiuh, namar ba U Blei u la bitar.

SALM 29:10

U Trai u synshar halor ki um kiba jylliew; u synshar kum u syiem junom.

SALM 31:5

Nga buh ïa lade ha ka jingsumar jong me; men pynim ïa nga, A Trai; me long U Blei uba ïaineh.

SALM 42:2

Nga sliang ïa me, U Blei ba-im; lano nga lah ban leit bad mane ha ka jingdon ryngkat jong me?

SALM 68:11

U Trai u ai ïa ka hukum, bad bun ki kynthei ki rah ïa ka khubor:

SALM 68:8

ka khyndew ka khynñiuh, bad ka suiñbneng ka pynhap slap, namar ka jingwan jong U Blei u Lum Sinai, ka jingwan jong U Blei ki Israel.

SALM 74:12

Hynrei me la long u syiem jong ngi naduh kaba sdang, A Blei; me la pyllait im ïa ngi bunsien.

SALM 76:7

Hynrei ïa me, A Trai, baroh ki sheptieng. Ym don mano mano ba lah ban ïeng ha ka jingdon ryngkat jong me haba me bitar.

SALM 76:8

Me la pynlong ïa ka jingbishar jong me ban tip na bneng; ka pyrthei ka sheptieng bad ka sngap jar,

SALM 77:18

Ka jingtied u pyrthat ka mih shabar, bad ki jingthaba jong ka leilieh ki pynshai ïa ka pyrthei; ka khyndew ka khynñiuh bad ka khih.

SALM 84:2

A katno nga kwah hir hir ban don hangta! nga thrang dik dik ban don ha ka Templ U Trai. Da ka dohnud jong nga bad ka doh jong nga nga rwai da kaba kmen ha U Blei uba im.

SALM 9:8

U synshar ïa ka pyrthei da ka hok; u bishar da ka jinglehhok ïa ki jaitbynriew.

SALM 90:11

Uei uba sngew ïa ka borbah ka jingbitar jong me? Uei uba tip kaei ka jingsheptieng ba ka jingbitar shla jong me kan wallam?

SALM 90:2

Shuwa ba men pynlong ïa ki lum, lane pynwan ïa ka pyrthei kumba ka long, naduh bymjukut haduh bymjukut me, me long U Blei, bad men ïailong U Blei junom.

SALM 93:2

Ka khet jong me, A Trai, ka la long kaba skhem naduh mynnyngkong, bad me la long shuwa ka jingsdang ka por.

SALM 97:4

Ka leilieh jong u ka pynshai ïa ka pyrthei; ka khyndew ka ïohi ïa ka bad ka khynñiuh.

ISAÏAH 37:17

Mynta, A Trai, to sngap ïa ngi bad to peit ïa kaei kaba la jia ha ngi. To shahshkor ïa baroh kiei kiei kiba u Sennakherib u la ong ban ñiewbeiñ ïa me, U Blei ba-im.

ISAÏAH 37:4

U patsha ka Assyria u la phah ïa u rangbah synshar jong u, uba ha khlieh ban ñiewbeiñ ïa U Blei ba-im. Ai ba U Trai U Blei jong phi un ïohsngew ïa kine ki jingkrenbeiñ bad pynshitom ïa kito kiba kren ïa ki. Kumta to duwai ha U Blei na ka bynta kito ki briew jong ngi kiba lait im.”

ISAÏAH 40:15

Ha U Trai ki jaitbynriew kim long ei ei, ym don wat tang shi jaw ka um; ki dewlynnong ba sha jngai ki sting kum u pui pui.

ISAÏAH 40:28

Hato phim tip? Phim pat ïohsngew? U Trai u long U Blei bymjukut; u thaw ïa ka pyrthei baroh. Um ju sngewthait ne sngewlwait. Ym don uba sngewthuh ïa ki jingpyrkhat jong u

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 65:16

Te uno uno uba ha ka ri uba pan ïa ka jingkyrkhu, un pan ban ïoh jingkyrkhu na U Blei uba ïaineh. Uno uno uba shim smai un smai ha ka kyrteng U Blei uba ïaineh; Ki jingjynjar kiba mynshuwa kin leit noh bad yn klet noh.”

JEREMAÏAH 23:36

Kumta kim dei shuh ban pyndonkam ïa ki ktien, ‘Ka jingkit U Trai,’ namar lada uno uno u leh kumta, ngan pynlong ïa ka khubor jong nga ka jingkit kaba khia shisha ïa u. Ki briew ki la pynkylla khongpong ïa ki ktien U Blei jong ki, U Blei uba im, U Trai Badonbor Baroh.

JEREMAÏAH 4:2

kan long kaba dei ïa phi ban smai da ka kyrteng jong nga. Nangta baroh ki jaitbynriew kin kyrpad ïa nga ban kyrkhu ïa ki, bad kin ïaroh ïa nga.”

JEREMAÏAH 4:24

Nga la khmih ha ki lumbah — ki la khynñiuh, bad ki lumrit ki khih shadien bad sha khmat.

JEREMAÏAH 50:46

Haba ka Babilon ka kyllon, kan don ka jingsawa ka ban pynkhynñiuh ïa ka pyrthei baroh kawei, bad ïa ki jingïam pynkyndit yn ïohsngew da kiwei ki jaitbynriew.”

JEREMAÏAH 51:29

Ka khyndew ka kyiuh bad ka khynñiuh namar ba U Trai u pyndep ïa ka jingthmu jong u ban pynlong ïa ka Babilonia ka ri shyiap, ha kaba yn ym don mano mano ban shong ban sah.

DANIEL 4:3

“Katno kiba khraw ki long ki jingphylla jong U Blei kiba u pyn-i ha ngi! Katno kiba khrawbor ki long ki kambah kiba u leh! U Blei u long u syiem junom; un synshar ha ki por baroh.

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

DANIEL 6:27

U pynim bad u pyllait im; u leh ïa ki jingphylla bad ki kambah ha bneng bad ha pyrthei. U la pynim ïa u Daniel na kaba shah pynïap ha ki sing.”

DANIEL 7:14

La ai ha u ka iktiar, ka jingpyndonburom, bad ka bor ba kynja syiem, khnang ba ki briew jong ki jaitbynriew baroh, ki jait ki kynja, bad ki ktien ki thylliej kin shakri ïa u. Ka iktiar jong u kan neh junom, bad ka hima jong u kan ym kut shuh.

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

MIKAH 1:4

Te ki lum kin um hapoh jong u kum ka bthing ha ka ding, kin noh sha ki jaka them kum ka um batuid arsut ïa u lumrit.

NAHUM 1:5

Ki lumbah ki khynñiuh ha ka jingdon ryngkat U Trai; ki lumrit ki um noh ha khmat jong u. Ka pyrthei ka khih haba U Trai u mihpaw; ka pyrthei bad ki briew jong ka baroh ki kyiuh.

NAHUM 1:6

Haba u bitar, uei uba lah ban lait im? Uei uba lah ban lait na ka jingbitar shla bashyrkhei jong u? U theh noh ïa ka jingbitar bameh ding jong u; ki mawsiang ki lko pum ha khmat jong u.

HABAKKUK 3:10

Haba ki lumbah ki la ïohi ïa me, ki kyiuh; ka um ka hap na ki sahit bneng. Ki um hapoh ka khyndew ki kyrhuh, bad ki jingat phyllung jong ki, ki kiew shalor.

HABAKKUK 3:6

Haba u sangeh, ka pyrthei ka khih; u tang shu peit, ki jaitbynriew ki kyiuh. Ki lumbah ba bymjukut ki khih; ki lumrit baneh junom ki ngam shapoh, ki lumrit ha kiba u ju ïaid ha ki por mynbarim.

MALAKHI 3:2

Hynrei uei uba lah ban ïai ap ïa ka sngi haba un wan? Uei uba lah ban lait im haba un paw? Un long kum ka sabon basboh bha, kum ka ding kaba phrang ïa ka nar.

MATHAÏOS 16:16

U Simon Petros u la jubab, “Me long U Messaïah, U Khun jong U Blei uba im.”

MATHAÏOS 26:63

Hynrei U Jisu u shu sngap. Sa shisien pat u Rangbah Lyngdoh u la kren ha u, “Ha ka kyrteng jong U Blei uba im, mynta nga buh ïa me ha ka jingsmai: Ïathuh ïa ngi lada me dei u Messaïah, U Khun U Blei.”

ÏOANNIS 17:3

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

KI KAM 14:15

“Balei phi leh ïa kane? Ngi hi ngi long tang ki briew kiba kum ma phi! Ngi don hangne ban pynbna ïa ka Khubor Babha, ban pynphai noh ïa phi na kine kiei kiei ki bymmyntoi sha U Blei uba im, uba la thaw ïa ka bneng, ïa ka khyndew, ïa ka duriaw, bad ïa baroh kat kaba don ha ki.

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

DEUTERONOMI 5:26

Ju don mo u briew uba dang im hadien ba u la ïohsngew ïa U Blei uba im ba u kren napdeng ka ding?

1 THESSALONI 1:9

Kito ki briew baroh, ki kren shaphang kumno ba phi la pdiang ïa ngi myn haba ngi la wan jngoh ïa phi, bad kumno ba phi la phai noh na ki bleithaw sha U Blei, ban shakri ïa U Blei uba shisha bad uba im

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

1 TIMOTHI 6:17

To hukum ïa kita kiba riewspah ha kiei kiei jong kane ka jingim ba kin ym sngewsarong, hynrei ban buh ïa ka jingkyrmen jong ki, ym ha kata kaei kaei ka bym thikna kum ka spah, hynrei ha U Blei, uba ai kyrhai ïa kiei kiei baroh na ka bynta ka jingsngewbha jong ngi.

HEBRU 10:31

Ka long kaei kaei kaba shyrkhei ban hap ha ki kti jong U Blei uba im!

JOSHUA 3:10

Katba phi nang tur sha khmat, un beh noh da shisha ïa ki Kanaan, ki Hit, ki Hib, ki Peris, ki Girgash, ki Amor, bad ki Jebus.

1 ÏOANNIS 5:20

Ngi tip ba U Khun U Blei u la wan bad u la ai ha ngi ïa ka jingshemphang, khnang ba ngin ithuh ïa U Blei uba shisha. Ngi im ha U Blei uba shisha — ha U Jisu Khrist U Khun jong u. Une u long U Blei uba shisha, bad kane ka long ka jingim bymjukut.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.

NONGBISHAR 5:4

Ko Trai, mynba me mihnoh na ki lum jong ka Seir, Haba me la mihnoh na ka thain Edom, Ka khyndew ka khynñiuh bad u slap u hap na sahit bneng. Ho-oid, la theh ïa ka um na ki lyoh.

1 SAMUEL 17:26

U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”

1 SAMUEL 17:36

Nga la pynïap ïa ki sing bad ki dngiem, bad ngan leh kumjuh ïa une u Philistia ba mane blei thala, uba ñiewbeiñ ïa ka kynhun ïapom jong U Blei uba im.