JEREMAÏAH 1:9 - Khasi CL Bible (BSI)

⁹ Nangta U Trai u la kner ïa la ka kti bad u la ktah ïa ki rmiang shyntur jong nga, bad u la ong ha nga, “To shahshkor, nga ai ha me ki kyntien kiba me dei ban kren.

KA BAIBL

⁹ Ynda kumta, U Trai u la sei ïa la ka kti, bad u la ktah ïa ka shyntur jong nga; bad U Trai u la ong ha nga, “Ha khmih, nga la buh ïa ki ktien jong nga ha ka shyntur jong me:

JEREMAÏAH 1:9 ပူးပေါင်းရင်းမြစ်များ

ISAÏAH 49:2

U la pynlong ïa ki ktien jong nga kiba nep kum ka waitlam. Da la ka kti u ïada ïa nga. U la pynlong ïa nga kum u khnam, uba nep bad ba la biang ban pyndonkam.

ISAÏAH 50:4

U Trai Nongsynshar u la hikai ïa nga kaei ban ong, khnang ba ngan lah ban pynkhlaiñ ïa kiba tlot bor. Man la ka step u pynlong ïa nga ban thrang eh ban ïohsngew ïa kaei kaba un hikai ïa nga.

ISAÏAH 51:16

Nga la pynpyiar ïa ki bneng bad pynïeng ïa ki nongrim ka pyrthei; nga ong ïa ka Jerusalem, ‘Phi long ki briew jong nga! Nga la ai ha phi ïa ka jinghikai jong nga, bad nga ïada ïa phi da ka ksang'ti jong nga.’”

ISAÏAH 59:21

Bad ngan pynlong ka Jutang bad phi: Nga la ai ha phi ïa ka bor jong nga bad ki jinghikai jong nga kin long bad phi junom, bad naduh mynta phi dei ban kohnguh ïa nga bad hikai ïa ki khun jong phi bad ïa ki pateng jong phi ban kohnguh ïa nga ha ki por baroh ki ban wan.”

JEREMAÏAH 15:19

Ïa kane U Trai u la jubab, “Lada me wan phai, ngan shim pat ïa me, bad men long biang u shakri jong nga. Lada ha ka jaka ban kren khlem jingmut me pynbna ïa ka khubor ba don jingmut, men long biang u nongïathuhlypa jong nga. Ki briew kin wan phai pat sha me, bad mem donkam ban leit sha ki.

JEREMAÏAH 34:6

Te nga la ai ïa kane ka khubor ha u syiem Sedekaïah ha Jerusalem katba ka kynhun shipai jong u syiem ka Babilonia ka dang tur ïaleh ïa ka nongbah.

JEREMAÏAH 36:2

“Shim ïa ka kot kli bad thoh ha ka ïa baroh kaba nga la ong ha me shaphang ka Israel bad ka Judah bad baroh ki jaitbynriew. Thoh lut ïa baroh kaba nga la ong ha me naduh ka por ba nga la kren nyngkong ha me, mynba u Josaïah u long syiem, haduh mynta.

ESEKIEL 3:10

U Blei u la ong shuh shuh, “Ko khun u briew, sngap bha bad kynmaw ïa kiei kiei baroh kiba nga ong ha me.

DANIEL 10:10

Nangta ka kti ka la shim ïa nga bad ka la pynkhie joit ïa nga; nga dang khynñiuh hi.

DANIEL 10:16

Nangta u angel, uba syriem ïa u briew, u la kner ïa la ka kti bad u la ktah ïa ki rmiang shyntur jong nga. Nga la ong ha u, “Ko rangbah, kane ka jingïohipaw ka pyntlot ïa nga haduh katta katta ba ngam lah ban sangeh ban khynñiuh.

JINGKHEIÑ 23:5

U Trai u ïathuh ha u Balaam kumno ban kren bad u la phah pat ïa u sha u Balak, ban ai ha u ïa ka khubor.

MATHAÏOS 10:19

Haba ki tian bishar ïa phi, wat khuslai shaphang kaei kaba phin ong lane kumno phin ong; haba ka por ka poi, yn sa ai ha phi ïa kaei kaba phin ong.

MARKOS 7:33

Kumta U Jisu u la shim ïa u tang marwei na u paidbah, U la buh ïa la ki shympriah kti ha ki shkor jong uta u briew, U la biah, bad U la ktah ïa u thylliej jong uta u briew.

LOUKAS 12:12

Naba U Mynsiem Bakhuid un hikai ïa phi ha kata ka por ïa kaei ba phin ong.”

LOUKAS 21:15

namar ngan ai ha phi ki kyntien bad ka jingstad kiba ym don na ki nongshun jong phi kiba lah ban kyntait lane ïa-pyrshah ïa kaei kaba phi ong.

DEUTERONOMI 18:16

“Ha kato ka sngi mynba phi ïalumlang ha u Lum Sinai, phi la kyrpad ba phim kwah ban ïohsngew shuh ïa ka sur U Trai, lymne ïohi shuh ïa ka ding ha kaba u don, namar ba phi sheptieng ïoh phi ïap.

DEUTERONOMI 18:17

Kumta U Trai u ong ha nga, ‘Ki la kyrpad ïa kaba dei eh.

DEUTERONOMI 18:18

Ngan phah ha ki ïa u nongïathuhlypa uba kum ma me napdeng ki para jait jong ki hi; ngan sa ïathuh ha u aïu un ong, bad un kren ha ki briew kat ïa kaba nga hukum.