JEREMAÏAH 1:6 - Khasi CL Bible (BSI)

⁶ Nga jubab, “Ko Trai Nongsynshar, ngam tip kumno ban kren; nga dang khynnah eh.”

KA BAIBL

⁶ Nga te nga la ong, “A Trai U Blei! Ha khmih, ngam nang kren: naba nga dang khynnah.”

JEREMAÏAH 1:6 ပူးပေါင်းရင်းမြစ်များ

EKSODOS 4:1

Te U Moses u jubab ïa U Trai, “Hynrei tharai ki Israel kin ym ngeit ïa nga, bad kin ym shahshkor ïa kaei kaba nga ong. Ngan leh kumno lada ki ong ba mem shym la paw ha nga?”

EKSODOS 6:12

Hynrei u Moses u phai ktien, “Wat ki Israel ruh kim shym sngap ïa nga, u Pharaoh lei shano un sngap? Nga dei u briew uba duna ka ktien ka thylliej.”

EKSODOS 6:30

Hynrei u Moses u la jubab, “Me tip ba nga long uba duna ha ka ktien ka thylliej; kumno keiñ u Pharaoh un shahshkor ïa nga?”

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

JEREMAÏAH 14:13

Nangta nga la ong, “Ko Trai Nongsynshar, nga tip ba ki nongïathuhlypa ki ong ïa ki briew ba yn ym don ka thma kane ka jingïapthngan, namar me la kular, ki ong, ba kan don tang ka jingsuk ha ka ri jong ngi.”

JEREMAÏAH 32:17

“A Trai Nongsynshar, me la thaw ïa ka khyndew bad ka suiñbneng da ka bor bad ka borbah bakhraw; ym don kaba eh than ïa me.

JEREMAÏAH 34:6

Te nga la ai ïa kane ka khubor ha u syiem Sedekaïah ha Jerusalem katba ka kynhun shipai jong u syiem ka Babilonia ka dang tur ïaleh ïa ka nongbah.

JEREMAÏAH 4:10

Nangta nga la ong, “Ko Trai Nongsynshar, me la shukor la biang ïa ki briew jong ka Jerusalem! Me la ong ba kan don ka jingsuk, hynrei ka waitlam ka ha ki pdot jong ki.”

ESEKIEL 4:14

Hynrei nga la jubab, “Em, ko Trai Nongsynshar! Ngam pat ju pyntngit ïa lade. Naduh dang khynnah ngam pat ju bam ïa ka doh jong uno uno u mrad uba ïap hi ne uba shah pynïap ha ki mradkhlaw. Ngam pat ju bam ïa kano kano ka jingbam ba la kheiñ ka bymkhuid.”

SEKHARAÏAH 2:4

Uba nyngkong u la kren ha uta uwei pat, “Khie mareh bad ong ha u samla uba don u ksai thew ba yn sa don bun byllien ki briew bad shibun bah ki jingri ha Jerusalem, ba kan long kaba heh katta katta ban don ki kynroh.