JEREMAÏAH 1:5 - Khasi CL Bible (BSI)

⁵ “Nga la jied ïa me ha shuwa ba nga ai jingim ïa me, bad ha shuwa ba yn kha ïa me, nga la jied ïa me ban long u nongïathuhlypa sha ki jaitbynriew.”

KA BAIBL

⁵ “Haba ngam pat pynlong ïa me ha ka kpoh nga la ithuh ïa me, bad haba mem pat mih na ka kpoh nga la pynkyntang ïa me; nga la thung ïa me ban long u nongïathuhlypa ïa ki jaid bynriew.”

JEREMAÏAH 1:5 ပူးပေါင်းရင်းမြစ်များ

SALM 139:15

Mynba la pynwandur ïa ki shyieng jong nga, ba la buh lang biang biang ha ka kpoh ka kmie jong nga, mynba nga la nang san hangta ha kaba rieh, me la tip ba nga la don hangta — me la ïohi ïa nga ha shuwa ban kha ïa nga.

SALM 139:16

Ïa ki sngi ba la mang ïa nga la buh jingthoh ha ka kitab jong me, ha shuwa ba kano kano na ki yn sdang.

EKSODOS 33:12

U Moses u la ong ha U Trai, “Ka long kaba shisha ba me la ong ïa nga ban ïalam ïa kine ki briew sha kata ka ri; hynrei mem pat shym ïathuh ha nga ïano men phah ryngkat bad nga. Me la ong ba me tip bha shaphang jong nga, bad me sngewbha eh ruh ïa nga.

EKSODOS 33:17

Te U Trai u la ong ha u Moses, “Ngan leh thik kumta kumba me la kyrpad, namar nga tip bha ïa me, bad nga sngewbha ïa me.”

ISAÏAH 44:2

Nga long U Trai uba la thaw ïa phi; naduh ka por ba la kha ïa phi, nga la ïarap ïa phi. Wat sheptieng; phi long u shakri jong nga, ki briew ba la jied jong nga kiba nga ieit.

ISAÏAH 49:1

To shahshkor ïa nga, ko ki hima ba don sha jngai, phi ki briew bashong sha jngai bah! Ha shuwa ban kha ïa nga, U Trai u la jied ïa nga bad thung ïa nga ban long u shakri jong u.

ISAÏAH 49:5

Ha shuwa ban kha ïa nga, U Trai u la thung ïa nga; u la pynlong ïa nga u shakri jong u ban wallam pat ïa ki briew jong u, ban wallam pat ïa ka jaitbynriew Israel kaba la saphriang kylleng. U Trai u ai ha nga ka burom; u long u tyllong jong ka jingkhlaiñ jong nga.

JEREMAÏAH 1:10

Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

JEREMAÏAH 1:4

U Trai u ong ha nga,

JEREMAÏAH 20:15

Long ba la tim uta u briew uba la pynkmen ïa i pa jong nga mynba u la wallam ha i ka khubor, “I dei u shynrang! Phi la don khun shynrang!”

JEREMAÏAH 25:13

Ngan sa pynshitom ïa ka Babilonia da baroh ki jingjynjar kiba nga la byrngem ban wanrah ha ki ri kiba nga la kren da u Jeremaïah — baroh ki jingjynjar ba la thoh ha kane ka kitab.

JEREMAÏAH 36:2

“Shim ïa ka kot kli bad thoh ha ka ïa baroh kaba nga la ong ha me shaphang ka Israel bad ka Judah bad baroh ki jaitbynriew. Thoh lut ïa baroh kaba nga la ong ha me naduh ka por ba nga la kren nyngkong ha me, mynba u Josaïah u long syiem, haduh mynta.

JEREMAÏAH 50:34

Hynrei uwei u ban pyllait ïa ki u long uba khlaiñ — ka kyrteng jong u ka long U Trai Badonbor Baroh. Ma u hi da lade un bahkhlieh na ka bynta jong ki bad un wallam ïa ka jingsuk ha ka pyrthei, hynrei ka jingjynjar ïa ki briew jong ka Babilonia.”

LOUKAS 1:15

Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

LOUKAS 1:41

Haba ka Elisabeth ka la ïohsngew ïa ka jingkhublei jong ka Mari, i khunlung i la khih hapoh jong ka. La pyndap ïa ka Elisabeth da U Mynsiem Bakhuid

LOUKAS 1:76

“Ïa me, ko khun jong nga, yn khot u nongïathuhlypa jong U Blei Bahakhlieh Tam Eh. Men leit ha shuwa jong U Trai ban pynkhreh ka lynti na ka bynta jong u,

ÏOANNIS 10:36

Na ka bynta jong nga, U Kpa u la jied ïa nga bad u la phah ïa nga sha ka pyrthei. Kumno, te, phi lah ban ong ba nga krenbeiñ blei namar ba nga la ong ba nga long U Khun U Blei?

Ka Shithi U Paul Sha Ki Nong Rom 1:1

Na u Paul, u shakri jong U Khrist Jisu bad u apostol ba la jied bad ba la khot da U Blei ban ïalap ïa ka Khubor Babha jong u.

Ka Shithi U Paul Sha Ki Nong Rom 8:29

Kito ïa kiba U Blei u la lah jied lypa u la pynkyrpang ruh ban long kum U Khun jong u, khnang ba U Khun un long uba nyngkong hapdeng ki para.

1 KORINTH 8:3

Hynrei ïa u briew uba ieit ïa U Blei la ithuh da u.

EPHESOS 1:22

U Blei u la buh ïa kiei kiei baroh hapoh ki kjat U Khrist bad u la ai ïa u ha ka Balang kum U Trai uba ha khlieh duh halor kiei kiei baroh.