JEREMAÏAH 1:18 - Khasi CL Bible (BSI)

^18-19 To shahshkor, ko Jeremaïah! Uwei pa uwei ha kane ka ri — ki syiem ka Judah, ki rangbah synshar, ki lyngdoh, bad ki briew — kin long pyrshah ïa me. Hynrei ha kane ka sngi nga ai ha me ka jingkhlaiñ ban ïeng pyrshah ïa ki; men long kum ka nongbah ba la ker kynroh, u rishot nar, bad ka kynroh rnong. Kin ym lah ban jop ïa me, naba ngan don lem bad me ban ïada ïa me. Ma nga, U Trai nga la kren.”

KA BAIBL

¹⁸ Namar ha khmih, ha kane ka sngi nga la pynlong ïa me ka shnong ba la ker kut, bad u païa nar, bad ki kynroh rnong, pyrshah ïa ka ri baroh, pyrshah ïa ki syiem ka Judah, pyrshah ïa ki rangbah jong ka, pyrshah ïa ki lyngdoh jong ka, bad pyrshah ïa ki briew jong ka ri.

JEREMAÏAH 1:18 ပူးပေါင်းရင်းမြစ်များ

ISAÏAH 50:7

Hynrei ki jingkrenbeiñ jong ki kim lah ban pynmong ïa nga namar ba U Trai Nongsynshar u ai jingïarap ïa nga. Nga pyneh ïa lade ban ïaishah ïa ki. Nga tip ba ngan ym shah pynjahburom,

JEREMAÏAH 1:17

Pynkhreh, ko Jeremaïah; khie leit bad ïathuh ïa ki ïa kaei kaei baroh kaba nga hukum ïa me ban ong. Wat leit sheptieng ïa ki mynta, ïoh ba ngan pynlong ïa me uba kham sheptieng haba me don bad ki.

JEREMAÏAH 15:10

A nga long u briew u bym don jingkmen! Balei ba i mei jong nga i wallam ïa nga sha ka pyrthei? Nga la dei ban ïakajia bad ïania bad uwei pa uwei ha ka ri. Ngam shym la ai kylliang ïa kano kano ka pisa lane shim kylliang ïa kano kano; pynban uwei pa uwei u tim ïa nga.

JEREMAÏAH 15:20

Ngan pynlong ïa me kum ka kynroh da ka rnong tylli ha ka jingïadei bad ki. Kin ïakhun pyrshah ïa me, hynrei kin ym jop ïa me. Ngan long bad me ban ïada ïa me bad sumar pynim ïa me.

JEREMAÏAH 20:11

Hynrei ma me, A Trai, me long ha ka liang jong nga, uba khlaiñ bad bakhrawbor, bad kito kiba pynshitom beiñ ïa nga kin ym jop, kin shah pynlehrain junom, namar kim lah ban jop. Ïa ka jingjahburom jong ki yn ym klet noh da lei lei.

JEREMAÏAH 21:4

“Ko Sedekaïah, ngan jop ïa ka kynhun shipai jong me kaba ïaleh pyrshah ïa u syiem ka Babilonia bad ki shipai jong u. Ngan kynton ïa ki tiar ïapom jong ki shipai jong me hamar pdeng jong ka nongbah.

JEREMAÏAH 26:24

Hynrei namar ba nga la ïoh ïa ka jingkyrshan jong u Ahikam u khun jong u Shaphan, ym shym la aiti ïa nga ha ki briew bad shah pynïap.

JEREMAÏAH 34:3

Phin ym lait im; yn kem ïa phi bad yn ai noh ïa phi sha u. Phin ïohi ïa u markhmat bad kren ïa u da lade hi; te nangta phin leit sha Babilonia.

JEREMAÏAH 37:7

“Ka kynhun shipai Ijipt ka don ha ka lynti ban ïarap ïa me, hynrei kan leit phai noh sha la ka ri.

JEREMAÏAH 38:18

Hynrei lada phim pyndem, te ïa kane ka nongbah yn aiti noh sha ki nong Babilonia, ki ban sa thang duh ïa ka, bad phin ym lait im na ki.”

JEREMAÏAH 38:2

U Trai u la ong, “Uno uno uba shong ha ka nongbah un ïap ha ka thma lane ka jingïapthngan lane ka jingpang. Hynrei uno uno uba mihnoh bad uba pyndem ha ki nong Babilonia, yn ym pynïap; la kumno kumno un pyllait ïa la ka jingim.”

JEREMAÏAH 42:22

Te nangta, to kynmaw ïa kane: phin ïap ha ka thma ne na ka jingïapthngan ne ka jingpang ha ka ri sha kaba phi kwah ban leit bad ban shong.”

JEREMAÏAH 6:27

Ko Jeremaïah, tynjuh ïa ki briew jong nga, kumba men tynjuh ïa ka nar, bad to ïit ki long kiba kumno.

ÏOANNIS 1:42

Te u la ïalam ïa u Simon sha U Jisu. U Jisu u la peit ïa u bad u la ong, “Ka kyrteng jong me ka long u Simon u khun jong u Jona, hynrei yn khot ïa me u Kephas.” (Kane ka long kumjuh kum ka kyntien “Petros” kaba mut “u mawsiang”.)

JINGPYNPAW 3:12

Ngan pynlong ïa uta uba jop, u rijied ha ka Templ jong U Blei jong nga, bad un ïailong hangta. Ngan thoh halor jong u ïa ka kyrteng U Blei jong nga bad ka kyrteng jong ka nongbah jong U Blei jong nga, ka Jerusalem bathymmai, ka ban wan hiar na bneng na U Blei jong nga. Ngan thoh ruh halor jong u ïa ka kyrteng bathymmai jong nga.