JEREMAÏAH 1:16 - Khasi CL Bible (BSI)

¹⁶ Ngan pynshitom ïa ki briew jong nga namar ki la leh pop; ki la phai dien noh na nga, ki la ai jingkñia sha kiwei pat ki blei, bad ki la shna ïa ki bleithaw bad mane ïa ki.

KA BAIBL

¹⁶ Bad ngan kren ïa ki jingbishar jong nga pyrshah ïa ki, shaphang ka jingbymman jong ki baroh, ha kaba ki la lyndet ïa nga, bad ki la thang ïa ka jingiwbih ha kiwei pat ki blei, bad ki la mane ïa ki kam ki kti jong ki hi.

JEREMAÏAH 1:16 ပူးပေါင်းရင်းမြစ်များ

2 SYIEM 22:17

Ki la kyntait ïa nga bad ki la ai ïa ki jingkñia ha kiwei ki blei, bad kumta la pynkhih bitar ïa nga da baroh kaba ki leh. Ka jingbitar jong nga ka khie pyrshah ïa ka Jerusalem, bad kan ym duh noh.

2 KHRONIKL 15:2

U la ong, “Shahshkor ïa nga, ko syiem Asa, bad phi u paidbah baroh jong ka Judah bad Benjamin! U Trai u long lem bad phi katba phi dang ïailong bad u. Lada phi ap khmih ïa u, un shah ba phin shem ïa u, hynrei lada phi phai na u, un iehnoh noh ïa phi.

2 KHRONIKL 28:2

U la thaw ki durblei nar jong u Baal,

2 KHRONIKL 34:25

Ki la kyntait ïa nga bad ki la ai jingkñia ha kiwei ki blei, bad kumta ki la pynkhih ïa ka jingbitar jong nga da baroh kaba ki la leh. Ka jingbitar jong nga ka la khie buk, bad ngan ym pynjah kumto.

2 KHRONIKL 7:19

Hynrei lada ma me bad ki briew jong me kin ym kohnguh ïa ki aiñ bad ki hukum ïa kiba nga la ai ha phi, bad phi mane ïa kiwei pat ki blei,

ISAÏAH 2:8

Ka ri jong ki ka dap da ki bleithaw, bad ki mane ïa kita kiba ki la shna da ki kti jong ki hi.

ISAÏAH 37:19

bad ki la thang lut ïa ki blei jong ki — ki bym long satia ki blei, tang ki dur jong u dieng bad u maw ba la shna da ki kti briew.

ISAÏAH 44:15

U briew u pyndonkam shi bynta jong u dieng ban thang ding bad shi bynta jong u ban pynlong bleithaw. Da shi bynta u pynmeh ding ban pynsyaid ïa lade bad shet kpu; da kawei pat ka shi bynta u shna blei bad mane ïa ka.

ISAÏAH 65:3

Kim lehrain satia ban ïai pynbitar ïa nga. Ki ai jingkñia sha ki blei thala ha ki kper bakyntang bad thang jingiwbih ha ki duwan ba-thala.

JEREMAÏAH 10:15

Ki long ki bymdondor bad dei ban ñiewbeiñ; yn sa pynjot ïa ki haba U Trai u wan ban leh ïa ki.

JEREMAÏAH 10:3

Ka niam jong kine ki briew ka long ka bymdondor ei ei. La khet ïa u dieng ha khlaw; la ohdur da ki tiar u nong-ohdieng,

JEREMAÏAH 11:12

Nangta ki briew jong ka Judah bad ka Jerusalem kin leit sha ki blei ha kiba ki ai ïa ki jingkñia bad kin kyang jam sha ki ban ïoh jingïarap. Hynrei kito ki blei kin ym lah ban pynim ïa ki haba kane ka jingpynjot ka wan.

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 15:6

Ma phi ki briew phi la kyntait ïa nga; phi la pynphai ïa la ki ingdong sha nga. Kumta nga la kner ïa la ka kti bad pynlwet ïa phi namar nga la thait ban teh lakam ïa ka jingbitar jong nga.

JEREMAÏAH 16:11

Nangta ïathuh ïa ki ba U Trai u la ong, ‘Ki kpa tymmen jong phi ki la phai dien noh na nga bad ki la mane bad shakri ïa kiwei pat ki blei. Ki la iehnoh ïa nga bad kim shym kohnguh ïa ki jinghikai jong nga.

JEREMAÏAH 17:13

A Trai, me long ka jingkyrmen jong ka Israel; baroh kiba la lyndet ïa me yn buh ha ka jinglehrain. Kin jah noh kum ki kyrteng ba la thoh ha ka khyndew, namar ki la lyndet ïa me, U Trai, uba long ka umpohliew ki um basngur.

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 19:4

Ngan leh ïa kane namar ki briew ki la iehnoh ïa nga bad ki la pyntngit ïa kane ka jaka da kaba ai jingkñia hangne sha kiwei pat ki blei — ki blei kiba ym ma ki lymne ki kpa tymmen jong ki lymne ki syiem jong ka Judah ki la tip ei ei. Ki la pyndap ïa kane ka jaka da ka snam jong ki briew kiba lui lui,

JEREMAÏAH 2:13

namar ki briew jong nga ki la leh ar tylli ki pop: Ki la phai noh na nga, ka umpohliew ki um basngur; bad ki la tih ki jaka pynlang um, ki jaka pynlang um kiba la pdang ki bym lah ban pynlang ïa ka um.”

JEREMAÏAH 2:17

Ko Israel me la wallam ïa kane halor jong me! Me la iehnoh ïa nga, U Trai U Blei jong me, katba nga dang ïalam ïa me ha ka lynti.

JEREMAÏAH 2:19

Ka jingsniew jong me hi kan pynshitom ïa me, bad ka jingphai noh jong me na nga kan pynrem ïa me. Men ïoh tip haduh katno kaba kthang bad kaba bakla ka long ban iehnoh ïa nga, U Trai U Blei jong me, bad mem shym long shuh uba ïaineh ha nga. Ma nga, U Trai Nongsynshar Badonbor Baroh, nga la kren.”

JEREMAÏAH 2:28

“Hangno ki blei kiba phi la thaw na ka bynta ïa lade? Haba phi don ha ka jingjynjar, ai ba ma ki kin pynim ïa phi — lada ki lah! Ko Judah pha la don shibun ki blei kumba pha don ki nongbah.

JEREMAÏAH 4:12

ka lyer kaba wan ha ka hukum jong U Trai kan long kaba kham khlaiñ ban ïa kata! U dei U Trai hi uba pynbna ïa ka jingbishar halor ki briew jong u.

JEREMAÏAH 4:28

Ka pyrthei kan ïam sngewsih; ka sahit bneng kan sdang dum. U Trai u la kren bad un ym kylla ïa ka jingmut jong u. U la pynlong ïa ka jingrai jong u bad un ym kylla dien.

JEREMAÏAH 44:17

Ngin leh ïa kiei kiei baroh ïa kiba ngi la ong ban leh. Ngin ai ïa ki jingkñia sha ka blei jong ngi, ka Syiem jong ka Bneng, bad ngin theh ïa ki jingainguh waiñ sha ka, kumba ma ngi bad ki kpa tymmen jong ngi, u syiem jong ngi bad ki nongïalam jong ngi, ki la ju leh ha ki shnong ka Judah bad ha ki surok bah ka Jerusalem. Nangta ngi don ka bam kyrhai, ngi manbha, bad ngim ju don jingjynjar.

JEREMAÏAH 5:29

“Hynrei ma nga, U Trai, ngan pynshitom ïa ki na ka bynta kine kiei kiei, ngan pynhiarkput halor kane ka jaitbynriew.

JEREMAÏAH 5:9

Hato ngan ym pynshitom ïa ki na ka bynta kine kiei kiei? bad pynhiarkput ïa ka jaitbynriew kaba kum kane?

JEREMAÏAH 51:17

Ha ka jingïohi ïa kane, ki briew ki long mutlop bad kumba ïap; kito kiba shna ïa ki bleithaw ki lyngngoh ngaiñ namar ki blei ba ki shna ki long kiba shu thok bad khlem jingim.

JEREMAÏAH 7:17

Hato mem ïohi aïu ki leh hapoh ki nongbah jong ka Judah bad ha ki lynti jong ka Jerusalem?

JEREMAÏAH 7:18

Ki khynnah ki lum diengthang, ki rangbah ki sliew ding, bad ki kynthei ki khleh kpu ban shet kpu ïa ka blei kaba ki khot ka Syiem jong ka Bneng. Ki la theh ruh ïa ki jingainguh waiñ ha kiwei pat ki blei, khnang ban pynmong ïa nga.

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

ESEKIEL 16:18

Pha la shim ïa ki jaiñ ba la suh syntiew kiba nga lah ai ha pha bad pha buh ïa ki halor ki durblei, bad pha ainguh ïa ki durblei da ka umphniang Olib bad ka jingiwbih kaba nga la lah ai ha pha.

ESEKIEL 24:14

Ma nga, U Trai Nongsynshar, nga la kren. Ka por ka la poi ïa nga ban leh ei ei. Ngan ym ieh kumto ïa ki pop jong pha lane pyn-i jingsngewlem ne jingisynei. Phan shah pynshitom namar kaei kaba pha la leh.” U Trai Nongsynshar u la kren.

HOSIA 11:2

Hynrei katba nga nang khot ïa u, katta u nang phet jngai na nga. Ki briew jong nga ki kñia ainguh sha u Baal, ki thang jingiwbih ha ki bleithaw.

HOSIA 8:6

U nongsaiñdur na Israel uba la thaw ïa u bleithaw, bad um dei satia u blei! Ïa u khun masi ksiar ba mane ha Samaria yn sa pynpait lyngkhot lyngkhai.

JOEL 2:11

U Trai u kyrhuh ïa ki hukum sha ka kynhun shipai jong u. Ki shipai kiba kohnguh ïa u ki long shibun bad kiba khlaiñbor. Haduh katno ka long kaba shyrkhei ka sngi jong U Trai! Uei u ban lait im na ka?

KI KAM 7:41

Ka la long hangta ba ki la thaw ïa ka bleithaw ha ka dur jong u masi, ki la ai jingkñia ha ka, bad ki la ïakhawai ha kaba ai burom ïa kaei kaba ma ki hi ki la lah thaw.

DEUTERONOMI 28:20

“Lada phi leh ïa kaba sniew bad kyntait ïa U Trai, un wallam ha phi ka jingpynjot, ka jingkulmar, bad ka jingjynjar ha kaei kaei baroh kaba phi leh, haduh ba phin da jot thiaw bad ïap syndon.

DEUTERONOMI 31:16

U Trai u ong ha u Moses, “Shen men sa ïap noh, bad ynda me ïap u paidbah un sa phai noh na nga bad pynkheiñ ïa ka jutang kaba nga la pynlong bad ki. Kin kyntait ïa nga bad mane ïa ki blei thala jong kata ka ri sha kaba kin sa leit rung.

JOSHUA 24:20

Um lah ban shah ïa kiwei pat kiba ïaleh pyrshah bad u, bad lada phi iehnoh ïa u ban shakri ïa ki blei nongwei, un phai pyrshah ïa phi bad un pynshitom ïa phi. Un pynjot thiaw ïa phi, wat la u long uba bha ïa phi mynshuwa.”

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.