JEREMAÏAH 1:14 - Khasi CL Bible (BSI)

¹⁴ U ong ha nga, “Ka jingpynjot kan thnam na ka phang bashatei halor baroh kiba shong basah ha kane ka ri,

KA BAIBL

¹⁴ Ynda kumta, U Trai u la ong ha nga, “Ka jingsniew na shatei kan wan shlei halor baroh kiba shong ha ka ri.

JEREMAÏAH 1:14 ပူးပေါင်းရင်းမြစ်များ

ISAÏAH 14:31

To ud bad to kyang ban ïoh jingïarap, phi baroh ki nongbah ka Philistia! To sngewshyrkhei, phi baroh! U lyoh pui pui u wan na ka phang bashatei — u long ka kynhun shipai bym don ki khawpud hapoh ka kyrdan jong ka.

ISAÏAH 41:25

“Nga la jied ïa u briew uba shong basah shaphang mihngi; ngan wallam ïa u ban tur ïaleh na shaphang shatei. Un ïuh halor ki nongsynshar la kumba dei ka ktieh, kum u nongthaw khiew uba ïuh ïa ka dewbyrtha.

JEREMAÏAH 10:22

To shahshkor! Ka khubor ka wan! Ka don ka jingkhihwin bakhraw ha ka jaitbynriew bashatei; ka kynhun shipai jong ka kan pynkylla ïa ki nongbah ka Judah sha ka ri shyiap, ka jaka ha kaba ki shong ki myrsiang.”

JEREMAÏAH 11:17

“Ma nga, U Trai Badonbor Baroh, nga la thung ïa ka Israel bad ka Judah; hynrei mynta nga byrngem ïa ki da ka jingpynjot. Ki la wallam ïa kane halor jong ki hi namar ba ki la leh bakla; ki la pynbitar ïa nga da kaba ai ki jingkñia ha u Baal.”

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 31:8

Ngan wallam ïa ki na shaphang shatei bad ngan lumlang ïa ki na kiba kut ka pyrthei. Kiba matlah bad kiba dkoh kin wan lang bad ki, ki kynthei ba la armet bad kito ki ban sa kha. Kin sa long pat ka jaitbynriew kaba khraw.

JEREMAÏAH 4:6

To kdew ïa ka lynti sha Seïon! To phet ban lait im! Wat ym pynslem! U Trai u wallam ka jingjot bad ka jingpynjot kaba khraw na shatei.

JEREMAÏAH 46:20

Ka Ijipt ka long kum ka masi baphylla, ba la tur ïaleh da u skain ba kynthah na shatei.

JEREMAÏAH 47:2

U ong: “Ha khmih! Ki um ki la nang shlei na shatei bad kin tuid stet kum ka wah ba la shlei um. Kin tap ïa ka ri bad ïa kiei kiei baroh kiba don ha ka, ki nongbah bad ki briew kiba im hangta. Ki briew kin pyrta jingïarap; baroh kiba ha ka pyrthei kin ïamkthang.

JEREMAÏAH 50:41

“Ki briew ki wan na ka ri bashatei, ka jaitbynriew bakhrawbor na jngai bah; shibun ki syiem ki pynkhreh ïa ka thma.

JEREMAÏAH 50:9

Ngan pynkhih ïa ka kynhun ki hima kiba khlaiñ shaphang shatei bad pynlong ïa ki ban tur ïaleh ïa ka Babilonia. Kin ïeng ryntih ban ïaleh thma pyrshah ïa ka ri bad ban jop ïa ka. Ki long ki nongbeh mrad batbit, kiba siat khnam bym ju lait na ka sohpdung.

JEREMAÏAH 6:1

Ko ki briew ka Benjamin, to phet ban lait im! Phet noh na Jerusalem! Pynsawa ïa ka turoi ha Tekoa bad to thaw ka ding-ai-dak ha Beth Hakkherem. Ka jingjot bad ka jingpynjot ki la wan artat na shatei.

JEREMAÏAH 6:22

U Trai u ong, “Ki briew ki wan na ka ri ha ka phang bashatei; ka jaitbynriew kaba khrawbor na sha jngai bah ka pynkhreh ïa ka thma.

ESEKIEL 1:4

Nga la khmied, bad nga la ïohi ïa ka 'erïong ba ka wan na shaphang shatei. Ka leilieh ka thaba na u lyoh uba rben, bad ka sahit bneng sawdong jong u, ka phyrnai. Ha ka jaka ba ka leilieh ka thaba, don kaei kaei kaba phyrnai kum ka rnong.

ESEKIEL 24:3

To ïathuh ïa ki briew ba-ïaleh pyrshah ïa nga ïa kane ka pharshi kaba ma nga, U Trai Nongsynshar, nga don na ka bynta jong ki: “Buh ïa u khiew halor ka ding bad pyndap pura ïa u da ka um.

JOEL 2:20

Ngan weng ïa ka kynhun ki puit kaba la wan na shaphang shatei bad ngan pynphai katto katne na ki sha ka ri shyiap. Kito kiba don ha ki bynta ba ha khmat kin shah beh sha ka Duriaw Baïap, kito kiba don ha ka bynta ba hadien sha ka Duriaw Mediterranian. Ki metïap jong ki kin iwtung. Ngan pynjot ïa ki namar baroh kaba ki la leh ïa phi.

SEKHARAÏAH 6:6

Ka kali ïapom ba la tan da ki kulai rong ïong ka la leit shaphang shatei sha Babilonia, ki kulai rong lieh ki leit shaphang sepngi, bad ki kulai thohbroin ki leit sha ka ri bashathie.