JEREMAÏAH 1:13 - Khasi CL Bible (BSI)

¹³ Nangta U Trai u la kren biang ha nga, “Sa kaei pat me ïohi?” u la kylli. Nga jubab, “Nga ïohi ïa u khiew uba thnam ha ka phang bashatei, bad u la jan hap sha kane ka liang.”

KA BAIBL

¹³ Te ka ktien U Trai ka la wan ha nga sa shi sien pat, kaba ong, “Me ïohi aïu?” Nga te nga la ong, “Nga ïohi u khiew uba dang thnam; bad ka khmat jong u ka long na shatei.”

JEREMAÏAH 1:13 ပူးပေါင်းရင်းမြစ်များ

JENESIS 41:32

Ka jingïaiban ïa ka jingphohsniew jong phi ka mut ba ïa kane la pynskhem da U Blei bad ba un pynurlong shen ïa ka.

ISAÏAH 55:11

Kumta ruh kan long ka ktien kaba nga kren — kan ym pep ban pyndep ïa kaei kaba nga thmu na ka bynta jong ka; kan pynlong ïa kiei kiei baroh kiba nga phah ïa ka ban leh.

JEREMAÏAH 24:3

Te U Trai u la ong ha nga, “Ko Jeremaïah, me ïohi aïu?” Nga jubab, “Ki soh Dumbur. Kiwei kiba bha ki da bha shisha, bad kiwei kiba sniew ki da sniew shisha, haduh ba ym long bam shuh.”

ESEKIEL 11:3

Ki ong, ‘Shen ngin tei pat ïa ki ïing. Ka nongbah ka long kum u khiew shet, bad ngi long kum ka doh hapoh jong u, hynrei la kumno kumno u la ïada ïa ngi na ka ding.’

ESEKIEL 11:7

“Kumta kane ka dei kaei kaba ma nga, U Trai Nongsynshar, nga ong ha phi. Kane ka nongbah ka dei da shisha u khiew shet, hynrei kaei ka doh? Ki metïap jong kito kiba phi la pynïap! Phin ym don shuh hangne — Ngan bret ïa phi shabar kane ka nongbah.

ESEKIEL 12:28

Kumta ïathuh ïa ki ba ma nga, U Trai, nga ong: Yn ym don shuh ka jingpyntud. Ïa kaei kaba nga la ong yn pyndep. Ma nga, U Trai Nongsynshar, nga la kren!”

AMOS 8:2

U Trai u kylli, “Ko Amos, me ïohi aïu?” “Shi shang ki soh,” nga la jubab. Nangta U Trai u la ong ha nga, “Kaba kut ka la wan ha ki briew jong nga ki Israel. Ngan ym kylla shuh la ka jingmut shaphang kaba pynshitom ïa ki.

SEKHARAÏAH 4:2

“Kaei me ïohi?” U la kylli. “U diengpynïeng sharak ba la shna da ka ksiar,” nga la jubab. Ha ka kliar ka don ka pliang na ka bynta ka umphniang. “Halor u diengpynïeng sharak don hynñiew tylli ki sharak, kawei kawei bad ki jaka na ka bynta ki hynñiew tylli ki ksai sharak.