JEREMAÏAH 1:10 - Khasi CL Bible (BSI)

¹⁰ Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

KA BAIBL

¹⁰ ha khmih, ha kane ka sngi nga la thung ïa me halor ki jaid bynriew bad halor ki hima, ïa ka ban rat noh bad ban pyntwa, ïa ka ban pynduh ruh bad ban pynkyllon; ïa ka ban tei, bad ïa ka ban thung.”

JEREMAÏAH 1:10 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

1 SYIEM 19:17

Uno uno uba dang lait im na ka jingshah pynïap ha u Hasael, un shah pynïap ha u Jehu, bad uno uno uba lait im na ka jingshah pynïap ha u Jehu un shah pynïap ha u Elisha.

EKLESIASTIS 3:3

ka por ban pynïap bad ka por ban pynkhiah, ka por ban pynkhyllem bad ka por ban tei.

JEREMAÏAH 1:5

“Nga la jied ïa me ha shuwa ba nga ai jingim ïa me, bad ha shuwa ba yn kha ïa me, nga la jied ïa me ban long u nongïathuhlypa sha ki jaitbynriew.”

JEREMAÏAH 24:6

Ngan khmih halor jong ki bad ngan wallam biang ïa ki sha kane ka ri. Ngan tei bha ïa ki bad ngan ym tar lyngkhot ïa ki; ngan thung ïa ki bad ngan ym rat ïa ki.

JEREMAÏAH 25:13

Ngan sa pynshitom ïa ka Babilonia da baroh ki jingjynjar kiba nga la byrngem ban wanrah ha ki ri kiba nga la kren da u Jeremaïah — baroh ki jingjynjar ba la thoh ha kane ka kitab.

JEREMAÏAH 31:28

Bad kumba nga la ïaleh shitom ban rat noh, ban pyntwa, ban jop, ban pynjot bad ban pynpra ïa ki, kumta ruh ngan ïaleh shitom ban thung ïa ki bad ban tei pat ïa ki.

JEREMAÏAH 31:40

Ka them baroh kawei, ha kaba la tep ïa kiba ïap bad ha kaba la bret ïa ki jakhlia, bad baroh ki pyntha shaneng ka wah Kidron haduh ka Khyrdop Kulai shaphang mihngi, kin long kiba kyntang ha nga. Ka nongbah kan ym shah pynpra shuh lane shah pynjot.”

JEREMAÏAH 36:2

“Shim ïa ka kot kli bad thoh ha ka ïa baroh kaba nga la ong ha me shaphang ka Israel bad ka Judah bad baroh ki jaitbynriew. Thoh lut ïa baroh kaba nga la ong ha me naduh ka por ba nga la kren nyngkong ha me, mynba u Josaïah u long syiem, haduh mynta.

JEREMAÏAH 44:27

Ngan khmih ïa kane ba phin ym manbha, hynrei phin shah pynjot. Baroh na phi phin ïap, ha ka thma ne na ka jingpang, haduh ba yn ym don uwei ruh na phi u ban sah.

JEREMAÏAH 45:4

“Hynrei ma nga, U Trai, nga la pyntwa noh ïa kaei kaba nga la tei bad rat noh ïa kaei kaba nga la thung. Ngan leh ïa kane ha ka pyrthei baroh kawei.

ESEKIEL 21:19

“Ko khun u briew,” u ong, “pruid dak ar tylli ki lynti na kiba u syiem ka Babilonia u lah ban wan lem bad la ka waitlam. Baroh ar tylli ki dei ban sdang na kajuh ka ri. Buh ïa ka dak jingkdew shano ba ki lynti ki ïakhlad.

ESEKIEL 23:36

U Trai u la ong ha nga, “Ko khun u briew, hato me la kloi ban bishar ïa ka Oholah bad ka Oholibah? Pynrem ïa ki namar kiei kiei kiba ijli kiba ki la leh.

ESEKIEL 32:18

“Ko khun u briew,” u ong, “to ïamkthang namar baroh u paidbah babun ka Ijipt. Phah ïa ki ban hiar lem bad ki jaitbynriew badonbor sha ka pyrthei kiba ïap.

ESEKIEL 36:36

Te ki jaitbynriew ba-marjan kiba la lait im kin ïoh tip ba ma nga, U Trai, nga la tei pat ïa ki nongbah ba la jot, bad nga la thung ïa kata kaba la long shrah. Ma nga, U Trai, nga la kular ba ngan leh ïa kane — bad ngan sa leh.”

ESEKIEL 43:3

Kane ka jingïohipaw ka la long kum kaba nga la ïohi mynba U Blei u la wan ban pynjot ïa ka Jerusalem, bad kum kaba nga la ïohi harud ka wah Khebar. Nangta nga la dem pyllup ïa lade ha ka khyndew.

HOSIA 6:5

Namarkata, nga la phah ïa ki nongïathuhlypa jong nga sha phi ryngkat ka khubor jong ka jingbishar bad ka jingpynjot. Kaei kaba nga kwah na phi ka long kaba shisha bad kaba shai.

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

AMOS 9:11

U Trai u ong, “Ka sngi ka la poi haba ngan pynïeng pat ïa ka hima u Dabid kaba long kum ka ïing kaba la khyllem ha ki jingjot. Ngan shna pynbha ïa ki kynroh jong ka bad ngan pynïeng pat ïa ka. Ngan tei pat ïa ka bad ngan pynlong ïa ka kumba ka la ju long mynshuwa.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”