JENESIS 9:6 - Khasi CL Bible (BSI)

⁶ Ïa ki briew la thaw ha ka dur jong U Blei hi, kumta uno uno uba pynïap ïa uwei na ki, u ruh un shah pynïap ha uwei pat.

KA BAIBL

⁶ “Jar uba pynmih ïa ka snam u briew, da u briew keiñ yn sa pynmih ïa ka snam jong u ruh: naba ha ka dur U Blei la thaw ïa u briew.

JENESIS 9:6 ပူးပေါင်းရင်းမြစ်များ

JENESIS 4:14

Me la beh noh ïa nga na ka khyndew bad na ka jingdon ryngkat ka jong me. Ngan long u nongphetwir ha ka pyrthei, bad uno uno uba lap ïa nga un pynïap ïa nga.”

JENESIS 42:22

U Reuben u ong ha ki, “Ngam shym la ong ïa phi ban ym ktah kti ïa u para, hynrei phim shym shahshkor. Kumta ngi hap shahshitom kylla mynta namar kata ka jingïap jong u.”

JENESIS 5:1

Kane ka dei ka thup kyrteng jong ki khun ki ksiew u Adam. (Mynba U Blei U la thaw ïa ki briew, u la thaw ïa ki ha ka dur jong U hi.

2 SAMUEL 4:11

Katno kaba kham sniew kan long ïa ki riewbymman kiba pynïap ïa u briew uba lui lui uba dang ïohthiah ha la ka jong ka ïing! Mynta ngan pynhiarkput ïa phi namar ka jingpynïap ïa u bad ngan pyndam ïa phi na sla khyndew!”

1 SYIEM 2:9

Hynrei mem dei ban shah ïa u ban lait khlem ka jingpynshitom. Me tip kaei ba men leh, bad me dei ban khmih ba u dei ban shah pynïap.”

2 SYIEM 11:1

Ka Athalaïah ka kmie jong u syiem Ahasaïah ka tang shu mar ïatip ïa ka jingshah pynïap u khun jong ka, ka ai hukum ba yn pynïap ïa baroh ki dkhot jong ka longïing syiem.

2 SYIEM 11:16

Ki kem ïa ka, ki rah ïa ka sha ïingsyiem, bad hangta ha ka Khyrdop Kulai ki pynïap ïa ka.

2 SYIEM 11:20

Baroh ki briew ki la dap da ka jingkmen, bad ka nongbah ka kynjah, naba mynta la pynïap ïa ka Athalaïah ha ka ïingsyiem.

2 KHRONIKL 33:24

Ki rangbah synshar jong u Amon ki ïasylla pyrshah ïa u bad ki pynïap ïa u ha ka ïingsyiem.

SALM 51:4

Nga la leh pop pyrshah ïa me — pyrshah tang ïa me hi — bad leh ïa kaei kaba me ñiew kaba bymman. Te me la leh kaba dei ha ka jingbishar jong me; me lehhok haba me pynrem ïa nga.

EKSODOS 20:13

“Wat pynïap briew.

PROBERB 28:17

U briew uba shah pynrem ba u pynïap briew u tih ïa la ka jong ka jingtep kloi katba lah. Wat pyrshang ban pynsangeh ïa u.

EKLESIASTIS 3:3

ka por ban pynïap bad ka por ban pynkhiah, ka por ban pynkhyllem bad ka por ban tei.

LEBITIKOS 24:17

“Uno uno uba pynïap briew un shah pynïap,

JINGKHEIÑ 35:16

“Lada, kumno re kumno, uwei na phi u pyndonkam da ka atiar nar lane maw lane dieng ban pynïap ïano ïano, uta u long uba rem ha ka jingpynïap bad u dei ban shah pynïap.

JINGKHEIÑ 35:25

Phi kit pop tang na ka bynta ka jingpynïap bad u paidbah u dei ban pyllait im ïa phi na u kur jong uba ïap, bad ki dei ban pynphai ïa phi sha ka shnong jakarieh sha kaba phi la phet rieh. Phi dei ban shong ban sah hangta haduh ba un da ïap uta u briew uba long Rangbah Lyngdoh ha kata ka por.

JINGKHEIÑ 35:33

Lada phi leh kumta, phi pynjakhlia ïa ka ri ha kaba phi shong phi sah. Ka jingpynïap briew ka pynjakhlia ïa ka ri, bad ym lah ban pyndep ïa ka jinglehniam ka jingpynkhuid ïa kata ka ri ha kaba u briew u shah pynïap, lait tang da ka jingpynïap ïa u nongpynïap briew.

MATHAÏOS 26:52

“Thep noh ïa la ka waitlam ha ka jaka jong ka,” U Jisu u la ong ha u. “Baroh kiba shim ïa ka waitlam kin ïap da ka waitlam.

Ka Shithi U Paul Sha Ki Nong Rom 13:4

namar u long u shakri jong U Blei uba trei na ka bynta ka jingbha jong phi hi. Hynrei lada phi leh ïa kaba sniew, te to sheptieng ïa u, namar ka bor jong u ban pynshitom ka long kaba dei. U long u shakri jong U Blei bad u pyntreikam ïa ka jingpynshitom U Blei halor kito kiba leh ïa kaba sniew.

1 KORINTH 11:7

U briew um donkam ban tap ïa la ka khlieh, namar u pynphalang ïa ka dur bad ka burom U Blei. Hynrei ka briew ka pynphalang ïa ka burom jong u briew; naba ïa u briew ym shym la thaw ïa na ka briew, hynrei ïa ka briew na u briew.

DEUTERONOMI 19:11

“Hynrei lada u briew u shun ïa la u paramarjan bad u apthap ïa u, bad u shoh bad pynmynsaw ïa u haduh ba un da ïap, bad nangta u phet sha kawei na kita ki shnong ban ïoh jingïada,

DEUTERONOMI 5:17

“ ‘Wat pynïap briew.

JAKOB 3:9

Ngi pyndonkam ïa u ban ainguh ïa U Trai bad U Kpa jong ngi bad ban tim ruh ïa la u parabriew, ïa uba la thaw ha ka dur U Blei.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

NONGBISHAR 9:56

Bad kumta ka long ba U Blei u siew kylliang ïa u Abimelekh namar ka kam sniew kaba u la leh pyrshah ïa la u kpa ha kaba pynïap ïa ki hynñiewphew ngut ki hynmen ki para shynrang jong u.

1 SAMUEL 15:33

U Samuel u ong, “Kumba ka waitlam jong me ka la pynlong ïa kiba bun ki kmie ban duh khun, kumta mynta ka kmie jong me kan long khlem khun.” Bad u pom lyngkhot lyngkhai ïa u Agag ha khmat ka duwan ha Gilgal.