JENESIS 9:5 - Khasi CL Bible (BSI)

⁵ Lada uno uno u shim ïa ka jingim briew, yn pynshitom ïa u. Ngan pynshitom da ka jingïap ïa uno uno u mrad uba shim ïa ka jingim briew.

KA BAIBL

⁵ Bad shisha ïa ka snam ka jingim jong phi ruh ngan dawa; na ka kti u mrad baroh ngan dawa ïa ka, bad na ka kti u briew ruh, bad na ka kti u parabriew baroh ngan dawa keiñ ïa ka jingim jong u briew.

JENESIS 9:5 ပူးပေါင်းရင်းမြစ်များ

JENESIS 42:22

U Reuben u ong ha ki, “Ngam shym la ong ïa phi ban ym ktah kti ïa u para, hynrei phim shym shahshkor. Kumta ngi hap shahshitom kylla mynta namar kata ka jingïap jong u.”

2 SAMUEL 4:11

Katno kaba kham sniew kan long ïa ki riewbymman kiba pynïap ïa u briew uba lui lui uba dang ïohthiah ha la ka jong ka ïing! Mynta ngan pynhiarkput ïa phi namar ka jingpynïap ïa u bad ngan pyndam ïa phi na sla khyndew!”

1 SYIEM 2:6

Me tip kaei ban leh; mem dei ban shah ïa u ban ïap da kaba suk.

2 SYIEM 11:1

Ka Athalaïah ka kmie jong u syiem Ahasaïah ka tang shu mar ïatip ïa ka jingshah pynïap u khun jong ka, ka ai hukum ba yn pynïap ïa baroh ki dkhot jong ka longïing syiem.

2 KHRONIKL 24:22

U syiem u la klet ïa ka jingshakri bahok ba u Jehoïada, u kpa jong u Sekharaïah u la ai ïa u, bad u la phah pynïap ïa u Sekharaïah. Shuwa ba u Sekharaïah un ïap, u pyrta, “Ai ba U Trai un ïohi ïa kaei kaba phi leh bad un pynshitom ïa phi!”

2 KHRONIKL 33:24

Ki rangbah synshar jong u Amon ki ïasylla pyrshah ïa u bad ki pynïap ïa u ha ka ïingsyiem.

2 KHRONIKL 33:25

Ki paid ka Judah ki pynïap kylla ïa ki nongpynïap ïa u Amon bad ki pynlong syiem ïa u Josaïah u khun jong u.

SALM 9:12

U Blei u kynmaw ïa kito kiba shahshitom; um ju klet ïa ka jingkyang jong ki, bad u pynshitom ïa kito kiba leh bymdei ïa ki.

EKSODOS 20:13

“Wat pynïap briew.

EKSODOS 21:12

“Uta uba shoh ïa la u parabriew kat haduh ba un da ïap u dei ban shah pynïap.

LEBITIKOS 19:16

Wat pynphriang lamler shaphang jongno jongno, bad haba uno uno u dang don ha ka jingbishar namar la ka jingim, kren pynpaw lada ka jingphla jong phi kan long jingïarap ïa u. Nga long U Trai.

LEBITIKOS 24:17

“Uno uno uba pynïap briew un shah pynïap,

LEBITIKOS 24:21

Uta uba pynïap ïa uno uno u jingri u dei ban buria ïa u, hynrei uta uba pynïap ïa la u parabriew u dei ban shah pynïap.

JINGKHEIÑ 35:16

“Lada, kumno re kumno, uwei na phi u pyndonkam da ka atiar nar lane maw lane dieng ban pynïap ïano ïano, uta u long uba rem ha ka jingpynïap bad u dei ban shah pynïap.

JINGKHEIÑ 35:21

lane da kaba kura ïa u da ka kti, phi long uba rem ha ka jingpynïap bad phi dei ban shah pynïap. U kur uba jan jong uta uba ïap u don ka jingkitkhlieh ban pynïap ïa u nongpynïap briew. Haba u ïakynduh ïa phi, u dei ban pynïap ïa phi.

MATHAÏOS 23:35

Kaba mih na kata, ka jingpynshitom na ka bynta ka jingpynïap ïa baroh ki rangbah balui lui kan hap halor jong phi, naduh ka jingpynïap ïa u Abel balui lui haduh ka jingpynïap ïa u Sakharaïah u khun jong u Berakhaïah, ïa uba phi la pynïap hapdeng ka Templ bad ka duwan.

KI KAM 17:26

Na uwei u briew u la thaw ïa ki jaitbynriew baroh ha ka pyrthei bad u la pynlong ïa ki ban shong ban sah ha kylleng ka pyrthei. U hi da lade u la pynskhem lypa ïa ki por kiba biang bad ïa ki pud jong ki jaka ha kaba kin shong kin sah.

DEUTERONOMI 19:11

“Hynrei lada u briew u shun ïa la u paramarjan bad u apthap ïa u, bad u shoh bad pynmynsaw ïa u haduh ba un da ïap, bad nangta u phet sha kawei na kita ki shnong ban ïoh jingïada,

DEUTERONOMI 19:12

ki rangbah shnong jong phi hi kin phah leit ring ïa u nangta, bad kin aiti ïa u ha u nongwad kput khnang ba un pynïap ïa u.

NONGBISHAR 9:56

Bad kumta ka long ba U Blei u siew kylliang ïa u Abimelekh namar ka kam sniew kaba u la leh pyrshah ïa la u kpa ha kaba pynïap ïa ki hynñiewphew ngut ki hynmen ki para shynrang jong u.