JENESIS 9:4 - Khasi CL Bible (BSI)

⁴ Kawei kaba phim dei ban bam ka long ka doh kaba dang don snam hapoh jong ka; nga khang pyrshah ïa kane namar ba ka jingim ka don ha ka snam.

KA BAIBL

⁴ Hynrei, tang ïa ka doh kaba dang sah ka snam ka jingim ha ka, phin ym bam.

JENESIS 9:4 ပူးပေါင်းရင်းမြစ်များ

ESEKIEL 33:25

“To ïathuh ha ki ïa kaei kaba ma nga, U Trai Nongsynshar nga ong: Phi bam ïa ka doh kaba dang bit snam ha ka. Phi mane ïa ki bleithaw. Phi pynïap briew. Kaei kaba pynlong ïa phi ban pyrkhat ba ka ri ka dei ka jong phi?

LEBITIKOS 19:26

“Wat bam ïa kano kano ka doh ba dang don snam ha ka. Wat leh ïa kano kano ka kam byrtong.

LEBITIKOS 3:17

Ki Israel kim bit ban bam ïa ka khleiñ ne ïa ka snam; kane ka dei ka aiñ ba baroh ki Israel kin bat shi junom kat shaba ki shong ki sah.

LEBITIKOS 7:26

Kam pher la hangno hangno ki Israel ki shong ki sah, kim dei da lei lei ban pyndonkam ïa ka snam jong ki sim ne ki mrad kum ka jingbam.

KI KAM 15:20

Pynban, ngi dei ban thoh ka shithi da kaba ong ïa ki ban ym bam ïa kano kano ka jingbam ka bymkhuid kat kum ka jinglehniam namar ba la kñia ïa ka ha ki bleithaw; ban kyndiah na ka jingawria; bad ban ym bam ïa kano kano ka mrad kaba la khyrwait, lane bam ïa kano kano ka snam.

KI KAM 15:25

Bad kumta ngi la ïakynduh lang bad baroh ngi la ïamynjur ban jied katto katne ngut ki nonglamktien bad phah ïa ki sha phi. Kin ïaleit bad ki paralok ba-ieit jong ngi: U Barnabas bad u Paul,

KI KAM 15:29

Wat bam kano kano ka jingbam kaba la kñia ha ki bleithaw; wat bam kano kano ka snam; wat bam kano kano ka mrad kaba la khyrwait; bad sumar ïa lade na ka jingawria. Phin manbha lada phi sumar ban ym leh ïa kine kiei kiei. Da ka jingkhublei babha tam jong ngi.”

DEUTERONOMI 12:16

Hynrei phim bit ban bam ïa ka snam jong ki; phi dei ban theh ïa ka ha ka khyndew kumba theh ïa ka um.

DEUTERONOMI 12:23

Tangba wat bam ïa ka doh kaba dang don snam hapoh jong ka, namar ka jingim ka don ha ka snam, bad phim dei ban bam ïa kata ka jingim lem bad ka doh.

DEUTERONOMI 14:21

“Wat bam ïa kano kano ka jait mrad kaba shu ïap hi. Phi lah ban shah ïa ki nongwei kiba shong hapdeng jong phi ban bam ïa ka, lane phi lah ban die ïa ka ha kiwei pat ki nongwei. Hynrei phi, phi long ki jong U Trai U Blei jong phi; phi dei ki briew jong u. “Wat shet ïa u khunlangbrot lane ïa u khunblang ha ka dud ka kmie jong u.

DEUTERONOMI 15:23

Hynrei wat pyndonkam ïa ka snam jong ki kum ka jingbam; pynban, theh noh ïa ka ha khyndew kumba theh um.

1 TIMOTHI 4:4

Baroh kaba U Blei u la thaw ka long kaba bha; ym dei ban kyntait ei ei, hynrei ïa kiei kiei baroh dei ban pdiang lem bad ka jingduwai sngewnguh, namar ïa ka la pynkyntang da ka ktien U Blei bad ka jingduwai, kiba pynlong ïa ki ba la pdiang da U Blei.

1 SAMUEL 14:32

Ha kane ka por ki Israel ki la tlot palat na ka jingthngan, bad kumta ki la kynrup ïa kata kaba ki la ïohknieh na ki nongshun, ki la shim ïa ki langbrot bad ki jingri, ki la pynïap ïa ki hangta, bad ki la bam ïa ka doh kaba dang don snam hapoh jong ka.