JENESIS 9:16 - Khasi CL Bible (BSI)

¹⁶ Haba u simpyllieng u paw ha ki lyoh, ngan khmih ïa u, bad ngan kynmaw ïa ka jutang baïaineh junom hapdeng jong nga bad ki jingthaw ba-im baroh ha ka pyrthei.

KA BAIBL

¹⁶ Bad kata ka ryntieh kan long ha uta u lyoh; nga te ngan khmih ïa ka, ïa ka ban kynmaw ïa ka jutang ka bymjukut hapdeng U Blei bad kiei kiei ki kynja ba-im baroh na ka doh baroh katba don ha ka pyrthei.”

JENESIS 9:16 ပူးပေါင်းရင်းမြစ်များ

JENESIS 17:13

Ïa uwei pa uwei dei ban otsher, bad kane kan long ka dak kaba paw shabar ban pyn-i ba ka jutang jong nga bad me ka long kaba ïaineh junom.

JENESIS 17:19

U Blei u ong, “Em. Ka Sarah, ka tnga jong me kan sa kha khun shynrang ïa me, bad men khot kyrteng ïa u, u Isaak. Ngan bat ïa ka jutang jong nga bad ha ki khun ki ksiew jong u. Ka dei ka jutang baïaineh junom.

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

JENESIS 9:17

Kata ka long ka dak jong ka jingkular kaba nga la pynlong ha ki jingthaw ba-im baroh.”

2 SAMUEL 23:5

Bad kata ka long kumno ba U Blei un kyrkhu ïa ki khun ki ksiew jong nga namar u la pynlong bad nga ka jutang ka ban neh junom, ka jingïateh kular ka ban ym lah pynkheiñ ka jingkular ka ban ym kylla. Kata baroh ka dei kaba nga angnud; kata kan long ka jingjop jong nga, bad U Blei da kaba thikna un pynurlong ïa ka.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

JEREMAÏAH 32:40

Ngan pynlong ïa ka jutang bymjukut bad ki. Ngan ym sangeh lano lano ruh ban leh ïa kiei kiei kiba bha na ka bynta jong ki, bad ngan pynlong ïa ki ban tiengburom ïa nga da ka dohnud jong ki baroh, khnang ba kin ym phai dien shuh na nga.

ESEKIEL 34:26

“Ngan kyrkhu ïa ki bad ngan shah ïa ki ban shong ban sah ha sawdong u lum bakyntang jong nga. Hangta ngan kyrkhu ïa ki da kaba pynhap ïa u 'lap praw haba ki donkam ïa u.

ESEKIEL 37:26

Ngan pynlong ka jutang bad ki ka ban pynneh ïa ka jingsngewskhem jong ki junom. Ngan tei skhem ïa ki bad ngan pynroi ïa ka jingbun briew jong ki, bad ngan buh ïa ka Templ jong nga ha ka ri jong ki, ha kaba kan neh junom.

HEBRU 13:20

U Blei uba la pynmihpat na ka jingïap ïa U Jisu uba U Trai jong ngi, uba long u Nongaplangbrot uba khraw jong ki langbrot da kata ka jingïap ha kaba la kñia ïa u, da kaba la pynskhem ïa ka jutang bymjukut. To ai ba U Blei ka jingsuk un pyndap ïa phi da kaei kaei kaba bha baroh kaba phi donkam khnang ban leh ïa ka mon jong u, bad ai ba ma u, da U Jisu Khrist, un leh ha ngi ïa kaei kaei kaba pynsngewbha ïa u. Bad ha U Khrist to long ka burom junom la junom, Amen.