JENESIS 8:21 - Khasi CL Bible (BSI)

²¹ Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

KA BAIBL

²¹ Te U Trai u la iw ïa ka jingiw baiwbih; bad U Trai u la ong ha la ka dohnud, “Ngan ym tim shuh ïa ka khyndew pat na ka bynta u briew; la ka jingpyrkhat ka dohnud u briew ka basniew naduh myndanglong samla jong u; bad ngan ym shoh ïap pat shuh ïa ki kynja ba-im baroh, kumba nga la leh.

JENESIS 8:21 ပူးပေါင်းရင်းမြစ်များ

JENESIS 3:17

Bad ha u briew u ong, “Me la shahshkor ïa ka tnga jong me bad ba me la bam ïa u soh uba nga la ong ïa me ban ym bam. Namar kaei kaba me la leh, ka khyndew kan don hapoh ka jingtim. Men hap trei shitom baroh shi rta jingim ban pynlong ïa ka ban pynmih ka jingbam babiang na ka bynta jong me.

JENESIS 4:12

Lada me pyrshang ban thung jingthung, ka khyndew kan ym pynmih ei ei; men long u nongphetwir ha ka pyrthei.”

JENESIS 5:29

bad u ong, “Na ka khyndew ha kaba U Trai u la buh ka jingtim, une u khunlung un wallam ha ngi ka jingpyntngen na baroh ka jingtrei shitom jong ngi;” kumta u la kyrteng ïa u, u Noah.

JENESIS 6:13

U Blei u ong ha u Noah, “Nga la kut jingmut ban pynduh noh ïa ki briew baroh. Ngan pynjot thiaw ïa ki namar ka pyrthei ka la jyllei da ki kam leh jubor jong ki.

JENESIS 6:17

Ngan sa pynshlei ïa ka pyrthei da ka um ban pynduh noh khoit ïa ki kynja ba-im baroh. Baroh kat kiba don ha ka pyrthei kin ïap.

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

JENESIS 6:7

La pyndap ïa u da ka jingbabe, kat haduh ba u la ong, “Ngan pynduh khoit ïa kine ki briew kiba nga la thaw, bad ruh ïa ki mrad bad ki sim, naba nga la sngewsih ba nga la thaw ïa ki.”

Ka Kitab U Job 14:4

Ym don kaba khuid kaba lah ban wan na kano kano ka bymkhuid kat ki khunbynriew.

SALM 51:5

Nga la long u bymhok naduh ka sngi ba la kha ïa nga; naduh ka por ba la pun ïa nga, nga la long uba pop.

SALM 58:3

Ki nongkamsniew ki ïaid bakla baroh shi jingim; ki kren lamler naduh ka sngi ba la kha ïa ki.

SALM 58:4

Ki dap da ka bih kum ki bseiñ; ki set ïa la ki shkor kum u 'seiñïong bakyllut,

EKSODOS 29:18

Thang ïa uta u langbrot baroh uwei ha kata ka duwan kum ka jingainguh bam. Ka jingiwbih jong kane ka jingainguh ka pynsngewbha ïa nga.

EKSODOS 29:25

Nangta, shim ïa ki na ki kti jong ki bad thang ïa ki ha kata ka duwan, halor kata ka jingainguh thang, kum ka jingainguh bam sha nga. Ka jingiwbih kaba suhsieng na kane ka jingainguh ka pynsngewbha ïa nga.

PROBERB 20:9

Hato don uba lah ban ong da shisha ba ka jingïatiplem jong u ka khuid, ba u la lah ban iehnoh ïa ka pop jong u?

EKLESIASTIS 7:20

Ym don uno uno ha ka pyrthei uba leh ïa kaba bha ha ki por baroh bad u bym ju leh bakla.

ISAÏAH 47:12

Buh ïa ki jingleh myntor bad jingkhan jong pha baroh; pha la pyndonkam ïa ki naduh ba pha dang samla. Lehse ki lah ban long jingïarap katto katne ïa pha; lehse pha lah ban pyntieng ïa ki nongshun jong pha.

ISAÏAH 47:15

Kata ka long baroh kaba kin leh ïa pha — kito ki nongbatai kupar kiba pha la twad jingmut baroh shi jingim jong pha. Baroh na ki kin ieh ïa pha bad kin leit ha la ki lynti, bad yn ym don uba sah u ban pyllait im ïa pha.”

ISAÏAH 48:8

Nga la tip ba ïa phi ym lah ban shaniah, la ju tip ïa phi kum u nongïaleh pyrshah. Na kata ka daw phim pat ju ïohsngew satia ïa kane, balei ba wat shikyntien ruh kam shym la wan ha ki shkor jong phi?

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

ISAÏAH 65:6

“Nga la kut jingmut lypa ban pynshitom ïa ki, bad ïa ka jingpynshitom ïa ki la dep buh jingthoh. Ngan ym leh bym ïohi ïa kaei kaba ki la leh, hynrei ngan siew kylliang ïa ki

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 18:12

Kin jubab, ‘Em, balei ngin leh kumta? Ngi baroh ngin ïailong kiba mutlop bad kiba sniew kumba ngi kwah ban long.’ ”

JEREMAÏAH 8:6

Nga la shahshkor biang biang, hynrei phim shym kren ïa ka jingshisha. Ym don mano mano na phi uba la sngewsih ïa la ka jinglong basniew; ym don mano mano na phi uba la kylli, ‘Nga la leh bakla aïu?’ Uwei uwei baroh u ïai ïaid ha la ka lynti, kum u kulai uba pynstet sha ka thma.

ESEKIEL 20:41

Hadien ba nga la wallam ïa phi na ki ri sha kiba la pynsakma ïa phi bad nga lumlang ïa phi, ngan pdiang ïa ki jingkñia kiba phi thang, bad ki jaitbynriew kin ïohi ba nga long uba khuid.

LEBITIKOS 1:13

Uta u briew u dei ban sait ïa ki snier bad ïa ki kjat-dien, bad u lyngdoh un ai ïa kata ka jingkñia sha U Trai, bad thang ïa ka baroh halor ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 1:17

Un bat na ki thapniang jong ka bad un kad ïa ka met jong ka khlem da pyndkut ïa kita ki thapniang, bad nangta un thang tylli ïa ka ha ka duwan. Ka jingiw jong kane ka jingainguh bam ka long kaba pynsngewbha ïa U Trai.

LEBITIKOS 1:9

Uta u briew un sait ïa ki snier bad ki kjat-dien, bad u lyngdoh uba ïarap un thang ïa ka jingkñia baroh halor ka duwan. Ka jingiw jong ka jingainguh bam ka long kaba pynsngewbha ïa U Trai.

LEBITIKOS 26:31

Ha ka jingijli bakhraw, ngan pynjot thiaw ïa ki shnong jong phi, ngan pynpra ïa ki jaka mane blei jong phi, bad ngan kyntait ïa ki jingkñia ainguh jong phi.

LEBITIKOS 4:31

Nangta un weng ïa ka khleiñ jong ka baroh, kumba ju weng ïa ka khleiñ na ki mrad ba la pynïap na ka bynta ki jingainguh ïasyllok, bad un thang ïa ka ha ka duwan, khnang ba ka jingiw na ka kan pynsngewbha ïa U Trai. Ha kane ka rukom u lyngdoh un ai ïa ka jingkñia namar ka pop jong uta u briew, bad yn map ïa u.

LEBITIKOS 8:28

Nangta u Moses u shim ïa ka jingbam na ki bad u thang ïa ka ha ka duwan, halor ka jingkñia ainguh thang, kum ka jingainguh jingpynkyntang. Kane ka long ka jingkñia ainguh bam, bad ka jingiw na ka, ka pynsngewbha ïa U Trai.

JINGKHEIÑ 15:3

Ïa u masi, u langbrot, ka langbrot lane ka blang lah ban wanrah ha U Trai kum ka jingainguh thang lane kum ka jingkñia ha kaba pyndep ïa ka jingsmai lane kum ka jingainguh mon sngewbha lane kum ka jingainguh ha ki Jingkhawai Niam kiba man ka por; ka jingiw jong kine ki jingainguh bam ka pynsngewbha ïa U Trai.

MATHAÏOS 15:19

Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

ÏOANNIS 3:6

Ïa u briew la kha ha ka doh na ki kmie ki kpa kiba long ki briew, hynrei la kha ha kaba kynja mynsiem na U Mynsiem.

Ka Shithi U Paul Sha Ki Nong Rom 1:21

Ki tip ïa U Blei, hynrei kim ai ïa u ka burom kaba dei ka jong u, lymne kim shym sngewnguh ïa u. Pynban, ki jingpyrkhat jong ki, ki la long ki bym don jingmut ei ei, bad ïa ki jingmut ba-thylli jong ki la pyndap da ka jingdum.

Ka Shithi U Paul Sha Ki Nong Rom 3:23

baroh ki la leh pop bad ki la jngai noh na ka jingpynim U Blei.

2 KORINTH 2:15

Naba ngi long kum ka jingiwbih ba la ai da U Khrist sha U Blei, kaba saphriang hapdeng kito kiba la pynim bad kito kiba la jah noh.

EPHESOS 5:2

Ïa ka jingim jong phi dei ban synshar da ka jingieit, kumba U Khrist u la ieit ïa ngi bad u la aiti ïa la ka jingim na ka bynta jong ngi kum ka jingainguh ba-iwbih bad ka jingkñia ba pynsngewbha ïa U Blei.

PHILIPPI 4:18

Hangne, te, ka long ka jingïohpdiang jong nga ïa kiei kiei baroh ba phi la ai ha nga — bad ka la long palat ban ïa kaba nga donkam! Nga don ïa baroh kaba nga donkam mynta ha kaba u Epaphroditos u la wanrah sha nga ïa ki jingai sngewbha baroh jong phi. Ki long kum ka jingainguh ba-iwbih sha U Blei, ka jingkñia kaba pdiang hun bad kaba pynsngewbha ïa u.

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.

1 SAMUEL 26:19

Ko syiem kynrad, sngap ïa kaei ba ngan ong. Lada dei U Trai uba la pynkhih ïa phi pyrshah ïa nga, ka jingainguh ïa u, to kan pynkylla ïa ka jingmut jong u; hynrei lada ki briew ki la leh ïa ka, to ka jingtim U Trai kan hap ha ki. Naba ki la beh noh ïa nga na ka ri U Trai sha ka ri ha kaba nga lah ban mane tang ïa ki blei nongwei.