JENESIS 8:20 - Khasi CL Bible (BSI)

²⁰ Te u Noah u tei ïa ka duwan ha U Trai; u shim na kawei kawei ka jait ki mrad bad ki sim ïa kiba la ñiew ba ki long kiba khuid, bad u thang tylli ïa ki kum ka jingkñia ainguh halor kata ka duwan.

KA BAIBL

²⁰ Bad u Noah u la tei ïa ka duwan ha U Trai; bad u la shim na ki mrad bakhuid baroh, bad na ki kynja sim bakhuid baroh, bad u la ainguh da ki jingainguh thang halor kata ka duwan.

JENESIS 8:20 ပူးပေါင်းရင်းမြစ်များ

JENESIS 13:18

Kumta u Abram u kynriah noh ïa la ka dara, bad u wan shong wan sah hajan ki dieng kyntang jong u Mamre ha Hebron, bad hangta u tei ka duwan ha U Trai.

JENESIS 13:4

U la poi ha kata ka jaka hapdeng ka Bethel bad ka Ai ha kaba u la sher dara mynshuwa, bad ba u la lah tei ïa ka duwan. Hangta u la mane ïa U Trai.

JENESIS 22:2

“Shim ïa u khun jong me,” U Blei u ong, “u Isaak, u khun ba tang marwei jong me, ïa uba me ieit thep mynsiem, bad leit sha ka ri Moraïah. Hangta halor u lum ïa uba ngan sa pyn-i ha me, kñia ïa u kum ka jingainguh ha nga.”

JENESIS 22:9

Haba ki la poi ha kata ka jaka kaba U Blei u la ïathuh ha u, u Abraham u tei ïa ka duwan bad u pynbeit ïa kita ki dieng halor jong ka. U la khum ïa la u khun bad pynthiah ïa u halor ka duwan, hajrong kita ki dieng.

JENESIS 26:25

U Isaak u la tei ka duwan hangta bad mane ïa U Trai. Nangta u sher ïa la ka dara hangta, bad ki shakri jong u ki ïatih sa kawei pat ka pukri.

JENESIS 33:20

U pynïeng ïa ka duwan hangta, bad u la khot kyrteng ïa ka da ka kyrteng El, U Blei jong ki Israel.

JENESIS 35:1

U Blei u ong ha u Jakob, “Khie leit sha Bethel bad shongsah hangta. Tei ïa ka duwan hangta ïa nga, U Blei uba la mihpaw ha me mynba me dang phet ïap na u Iso u hynmen jong me.”

JENESIS 35:7

Hangta u tei ïa ka duwan, bad u la khot kyrteng ïa kata ka jaka kum ka kyrteng U Blei ka Bethel, namar dei hangta U Blei u la pynpaw ïa lade ha u mynba u phet ïap na la u hynmen.

JENESIS 4:4

Nangta U Abel u wallam ïa u khunlangbrot banyngkong ba la kha na kawei na ki langbrot jong u, u la pynïap ïa u, bad u la ai ïa ki bynta kiba bha tam kum ka jingainguh.

JENESIS 7:2

Shim lem bad me hynñiew jur ki mrad ïa kiba la ñiew ba ki long kiba khuid; hynrei tang shi jur pat na ki jait mrad ïa kiba la ñiew ba ki long ki bymkhuid.

JENESIS 7:3

Shim ruh hynñiew jur na ki jait sim baroh. Leh ïa kane ba kawei pa kawei ka jait jong ki mrad bad ki sim yn ri pynim ïa ki khnang ba kin kha roi pat ha ka pyrthei.

JENESIS 8:19

Baroh ki mrad bad ki sim ki la ïamihnoh shabar na ka lieng ha la ka kynhun kynhun ka jait jong ki.

Ka Kitab U Job 1:5

Ha man ka step kaba bud jong ka jingkhawai, u Job u ju khie dang step bad u ai ïa ki jingkñia na ka bynta iwei pa iwei na ki khun jong u ban pynkhuid ïa ki. U ju leh ïa kane borabor namar u pyrkhat ba ïoh iwei na ki i leh pop da kaba ñiewbeiñ ïa U Blei khlem poi pyrkhat.

EKSODOS 10:25

U Moses u jubab, “Lada kumta, phin hap pynbiang ïa ngi da ki mrad na ka bynta ki jingkñia bad ki jingainguh thang ban ai ha U Trai U Blei jong ngi.

EKSODOS 29:18

Thang ïa uta u langbrot baroh uwei ha kata ka duwan kum ka jingainguh bam. Ka jingiwbih jong kane ka jingainguh ka pynsngewbha ïa nga.

EKSODOS 29:25

Nangta, shim ïa ki na ki kti jong ki bad thang ïa ki ha kata ka duwan, halor kata ka jingainguh thang, kum ka jingainguh bam sha nga. Ka jingiwbih kaba suhsieng na kane ka jingainguh ka pynsngewbha ïa nga.

Ka Shithi U Paul Sha Ki Nong Rom 12:1

Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

HEBRU 13:10

Ki lyngdoh kiba shakri ha ki jaka mane blei jong ki Jiw kim don hok ban bam na kano kano ka jingkñia ïa kaba la buh halor ka duwan jong ngi.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.