JENESIS 7:13 - Khasi CL Bible (BSI)

¹³ Ha kata hi ka sngi, u Noah bad ka tnga jong u lem bad ki khun shynrang jong ki lai ngut, u Shem, u Ham, bad u Japheth, bad ki tnga jong ki, ki leit rung shapoh kata ka lieng.

KA BAIBL

¹³ Ha kata ka sngi hi keiñ, ki la leit bsut u Noah, bad u Shem, bad u Ham, bad u Japhet, ki khun shynrang u Noah, bad ka tnga jong u Noah, bad ki tnga jong ki khun shynrang jong u lai ngut lem bad ki, shapoh kata ka ïinglieng;

JENESIS 7:13 ပူးပေါင်းရင်းမြစ်များ

JENESIS 10:21

U Shem, u hynmen jong u Japheth, u la long u kpa tymmen jong ki Hebru baroh.

JENESIS 10:6

Ki khun shynrang jong u Ham — u Kush, u Ijipt, u Libya, bad u Kanaan — kiba long ki kpa tymmen jong ki briew kiba kheiñ jait na ki.

JENESIS 5:32

Ynda u Noah u la dap sanspah snem ka rta, u ïoh lai ngut ki khun shynrang, u Shem, u Ham, bad u Japheth.

JENESIS 6:18

Hynrei ngan pynlong ka jutang bad me. Khie rung shapoh kata ka lieng bad la ka tnga jong me, ki khun shynrang jong me lem bad ki tnga jong ki.

JENESIS 7:1

U Trai u ong ha u Noah, “Khie leit shapoh ka lieng lem bad ka longïing longsem jong me baroh; nga la shem ba dei tang ma me marwei ha ka pyrthei baroh uba leh ïa kaba dei.

JENESIS 7:14

Ryngkat bad ki la rung lang kawei pa kawei ka jait mrad, kito kiba u briew u ri bad kita kiba im ha khlaw, kiba rit bad kiba heh, kawei pa kawei ka jait sim.

JENESIS 8:14

Bad ha ka sngi kaba arphew hynñiew jong u bnai uba ar, ka khyndew ka la rkhiang nadong shadong.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

1 PETROS 3:20

Kine ki la long ki mynsiem jong kito ki bym shym la kohnguh ïa U Blei mynba u la ap da ka jingshahslem ha ki sngi ba u Noah u dang shna ïa ka ïinglieng jong u. Ki briew kiba don tang khyndiat ha ka ïinglieng — phra ngut ha baroh — ki la lait im da ka um,

2 PETROS 2:5

U Blei um shym la shah jem ïa ka pyrthei mynbarim, hynrei u la wanrah ïa ka jingshlei um ha ka pyrthei jong ki briew bymtip Blei; kita kiba u pyllait im ki long u Noah, uba la ïalap ïa ka hok, bad hynñiew ngut kiwei pat.

NONGBISHAR 21:22

Lada ki kpa lane ki hynmen shynrang jong ki, ki wan ban ïeng pyrshah ïa phi, phi lah ban ong, ‘Sngewbha shah ba kin don bad ngi, namar ngim shym shim ïa ki na phi ha ka madan thma ban long ki tnga jong ngi. Bad haba phim shym la ai ïa ki ha ngi, phim long kiba la pynrem ba phi la pynkheiñ ïa la ka kular.’ ”