JENESIS 6:9 - Khasi CL Bible (BSI)

^9-10 Kane ka long ka khana shaphang u Noah. U Noah u don lai ngut ki khun shynrang, u Shem, u Ham, bad u Japheth. U Noah um don ka jingthohbria bad u la long tang ma u, u briew uba bha ha ki sngi jong u.

KA BAIBL

⁹ Kine ki long ki jinghiar pateng jong u Noah: u Noah u la long u briew u bahok, uba beit ha ki pateng bynriew jong u, u Noah u la ïaid ryngkat bad U Blei.

JENESIS 6:9 ပူးပေါင်းရင်းမြစ်များ

JENESIS 10:1

Kine ki long ki khun ki ksiew na u Shem, u Ham, bad u Japheth, ki khun shynrang jong u Noah. Kine lai ngut ki la ïoh khun shynrang hadien kata ka jingshlei um.

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

JENESIS 2:4

Bad kata ka long kumno ba la pynlong ïa ka pyrthei. Mynba U Trai U Blei u la thaw ïa ka pyrthei,

JENESIS 48:15

Nangta u kyrkhu ïa u Joseph u da ong, “To U Blei uba ki kpa jong nga, U Abraham bad u Isaak, ki la shakri, Un kyrkhu ïa kine ki khun! To U Blei uba la ïalam ïa nga haduh kane ka sngi, un kyrkhu ïa ki!

JENESIS 5:1

Kane ka dei ka thup kyrteng jong ki khun ki ksiew u Adam. (Mynba U Blei U la thaw ïa ki briew, u la thaw ïa ki ha ka dur jong U hi.

JENESIS 5:22

Hadien kata, u Enokh u la im ha ka jingïasyllok bad U Blei haduh laispah snem bad u la ïoh ruh kiwei pat ki khun.

JENESIS 5:24

U la pynlut la ka jingim ha kaba ïasyllok bad U Blei, bad hadien kata u la jah noh, namar U Blei u la shim noh ïa u.

JENESIS 7:1

U Trai u ong ha u Noah, “Khie leit shapoh ka lieng lem bad ka longïing longsem jong me baroh; nga la shem ba dei tang ma me marwei ha ka pyrthei baroh uba leh ïa kaba dei.

2 SAMUEL 22:24

U tip ba ngam don jingpalat, ba nga la sumar ïa lade na kaba leh bakla.

1 SYIEM 3:6

U Solomon u jubab, “Me la ju ïai pynpaw ka jingieit bakhraw ïa u Dabid, u kpa jong nga, u shakri jong me, bad u la long uba bha, uba ïaineh, bad uba hok ha ka jingïadei jong u bad me. Bad me la ïai bteng ban pyn-i ha u ïa ka jingieit bakhraw bad baneh skhem da kaba ai ha u ïa u khun uba mynta u synshar ha ka jaka jong u.

2 KHRONIKL 15:17

Wat la u Asa um shym pynjot ïa baroh ki jaka mane blei thala ha ka ri, u ïailong uba ïaineh ha U Trai shi lynter ka jingim jong u.

2 KHRONIKL 25:2

U la leh ïa kaei kaba pynsngewbha ïa U Trai, hynrei u leh ïa kata da ka jingbymmon.

Ka Kitab U Job 1:1

La don u briew uba kyrteng u Job, uba shong ba sah ha ka ri Us, uba mane ïa U Blei bad uba ïaineh ha u. U long u briew uba bha, uba kiar ban ym leh ïa kano kano kaba sniew.

Ka Kitab U Job 1:8

“Me la peit bniah ïa u Job u shakri jong nga?” U Trai u kylli. “Ym don uno uno ha ka pyrthei uba ïaineh bad uba bha kat ma u. U mane ïa nga bad u kiar ban ym leh kano kano kaba sniew.”

Ka Kitab U Job 12:4

Wat ki paralok jong nga ki rkhie ïa nga mynta; ki rkhie, wat la nga long uba hok bad u bym shah kynnoh pop; hynrei ka don ka por mynba U Blei u jubab ïa ki jingduwai jong nga.

SALM 37:37

Khmih thuh ïa u briew uba bha, wad bniah ïa u briew uba hok, u briew uba shongsuk shongsaiñ un don ki khun ki ksiew;

SALM 37:39

U Trai u pynim ïa ki briew kiba hok; bad u ïada ïa ki ha ki por ka jingjynjar.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

EKLESIASTIS 7:20

Ym don uno uno ha ka pyrthei uba leh ïa kaba bha ha ki por baroh bad u bym ju leh bakla.

ESEKIEL 14:14

Wat lada kito ki lai ngut ki rangbah, u Noah, u Daniel bad u Job ki don hangta, ka jingbha jong ki kan pynim tang ïa ka jingim jong ki hi.” U Trai Nongsynshar u la kren.

ESEKIEL 14:20

wat lada u Noah, u Daniel, bad u Job ki shong ki sah hangta — kumba shisha ma nga, U Trai Nongsynshar, nga long U Blei uba im — kin ym lah ban pynim wat ïa la ki jong ki khun. Ka jingbha jong ki kan pyllait im tang ïa ka jingim jong ki.”

HABAKKUK 2:4

Bad kane ka dei ka khubor: ‘Kito kiba bymman kin ym lait im, hynrei kito kiba hok kin im namar ki long kiba ïaineh ha U Blei.’”

LOUKAS 1:6

Baroh ar ngut ki im ka jingim kaba bha ha khmat U Blei bad ki la kohnguh lut ïa baroh ki aiñ bad ki hukum jong U Trai.

LOUKAS 2:25

Ha kata ka por la don u briew uba shong basah ha Jerusalem uba kyrteng u Simeon. U la long u briew uba bha, uba sheptieng ïa U Blei bad uba ïai ap na ka bynta ki Israel ban ïoh jingpynim.

LOUKAS 23:50

La don u briew uba kyrteng u Joseph na Arimathaïa, ka shnong kaba ha Judia. U la long u briew uba bha bad uba donburom, uba la apkhmih ïa ka jingwan jong ka Hima U Blei. Wat la u long u dkhot jong ka Dorbar, um shym la mynjur bad ka jingrai bad jingleh jong ki.

KI KAM 10:22

“U Kornelios, u rangbah shipai u la phah ïa ngi,” ki la jubab. “U long u briew uba bha uba mane ïa U Blei bad uba la ñiewburom shikatdei da ki Jiw baroh. U angel jong U Blei u la ïathuh ïa u ban khot sngewbha ïa phi sha ka ïing jong u, khnang ba u lah ban ïohsngew ïa kaei kaba phi don ban ong.”

Ka Shithi U Paul Sha Ki Nong Rom 1:17

Naba ka Gospel ka pynpaw kumno U Blei u pynlong ïa ki briew ban don ka jingïadei kaba beit bad U hi: Ka long lyngba ka jingngeit naduh kaba sdang haduh kaba kut. Kumba ka Jingthoh Bakhuid ka ong, “U briew uba beit bad U Blei da ka jingngeit un im.”

GALATIA 3:11

Mynta, ka la shai kdar ba ym shym la pynksan ïano ïano ruh ha U Blei da ka Hukum, namar ka Jingthoh Bakhuid ka ong, “Tang uta ïa uba la pynksan ha U Blei da ka jingngeit un im.”

DEUTERONOMI 18:13

Ïaineh skhem ha U Trai.”

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

2 PETROS 2:5

U Blei um shym la shah jem ïa ka pyrthei mynbarim, hynrei u la wanrah ïa ka jingshlei um ha ka pyrthei jong ki briew bymtip Blei; kita kiba u pyllait im ki long u Noah, uba la ïalap ïa ka hok, bad hynñiew ngut kiwei pat.