JENESIS 6:6 - Khasi CL Bible (BSI)

⁶ u la sngewsih ba u lah thaw bad buh ïa ki ha ka pyrthei.

KA BAIBL

⁶ Bad U Trai u la kylla-ka-bamut ba u la lah thaw ïa u briew ha ka pyrthei, bad la pynsngewsih eh ïa u ha la ka dohnud.

JENESIS 6:6 ပူးပေါင်းရင်းမြစ်များ

JENESIS 6:7

La pyndap ïa u da ka jingbabe, kat haduh ba u la ong, “Ngan pynduh khoit ïa kine ki briew kiba nga la thaw, bad ruh ïa ki mrad bad ki sim, naba nga la sngewsih ba nga la thaw ïa ki.”

2 SAMUEL 24:16

Haba u angel U Trai u la jan pynjot ïa ka Jerusalem, U Trai u la kylla ka jingmut ban pynshitom ïa ki briew bad u ong ha u angel uba pynïap ïa ki, “Sangeh! Ka la biang katto!” U angel u la don hajan ka jaka shoh kew jong u Araunah, u nong Jebus.

1 KHRONIKL 21:15

Nangta u phah ïa u angel ban pynjot thiaw ïa ka Jerusalem; hynrei u kylla ïa kaba u mut bad u ong ha u angel, “Keiñ noh! Katto ka la biang!” U angel u ïeng hajan ka jaka shoh kew jong u Araunah, u nong Jebus.

SALM 106:45

Na ka bynta jong ki u kynmaw ïa ka jutang jong u, bad namar ka jingieit bakhraw jong u, u la kylla jingmut.

SALM 110:4

U Trai u la pynlong ïa ka jingkular bakyntang bad un ym kylla pat na kata: “Men long u lyngdoh junom ha ka rukom long lyngdoh u Melkhisedek.”

SALM 119:158

Haba nga khmih ïa kito ki nongshetkylla, la pyndap ïa nga da ka jingijli, namar kim sumar ïa ki hukum jong me.

SALM 78:40

Katno sien ki la ïeng ïaleh pyrshah ïa u ha ka ri shyiap; katno sien ruh ki la pynsngewsih ïa u!

SALM 81:13

Katno nga kwah ba ki briew jong nga kin shahshkor ïa nga; A katno nga kwah ba kin kohnguh ïa nga!

SALM 95:10

Jin haduh sawphew snem nga la ijli ïa kito ki briew. Nga la ong, ‘Haduh katno ki long kiba shetkylla! Ki kyntait ban kohnguh ïa ki hukum jong nga.’

EKSODOS 32:14

Kumta U Trai u la kylla noh ïa la ka jingmut bad um shym wallam ha ki briew jong u ïa ka jingpynjot kaba u la byrngem.

ISAÏAH 48:18

“Tang lada phi la sngap ïa ki hukum jong nga! Te ki jingkyrkhu kin jin da la tuid ha phi kum ka wahduid ka bym ju rngad! Ka jingjop kan jin da la wan ha phi kum ki jingat phyllung kiba phaloh ha ka rud duriaw.

ISAÏAH 63:10

hynrei ki la ïaleh pyrshah ïa u bad ki la pynsngewsih ïa U Mynsiem Bakhuid jong u. Namar kata U Trai u la kylla long u nongshun jong ki bad u la ïaleh pyrshah ïa ki.

JEREMAÏAH 18:7

Lada ha kano kano ka por nga ong ba ngan rat, ngan pynkheiñ, lane pynjot ïa kano kano ka jaitbynriew lane ka hima,

JEREMAÏAH 26:19

U syiem Hesekaïah bad ki briew jong ka Judah kim shym la pynïap ïa u Mikah. Pynban, u Hesekaïah u la pyndonburom ïa U Trai bad u la pyrshang ban pynïoh ïa ka jingsngewbha jong u. Bad U Trai u la kylla ïa la ka jingmut na ka jingpynjot kaba u la ong ba un wallam ha ki. Mynta ngi la jan wallam ka jingpynjot bashyrkhei halor jong ngi hi.”

ESEKIEL 33:11

Ïathuh ha ki, ba da shisha ma nga, U Trai Nongsynshar, Nga long U Blei uba im, ngam sngewbha ban ïohi ba u nongpop u ïap. Ngan jin da la ïohi ïa u ba u sangeh kaba leh pop bad u im. Ko Israel, sangeh noh ka bymman ba pha leh. Balei pha kwah ban ïap?

HOSIA 11:8

“Kumno nga lah ban ieh ïa phi, ko Israel? Kumno nga lah ban iehnoh ïa phi? Hato ngan pynjot junom ïa phi kumba nga leh ïa ka Admah, lane ngan leh ïa phi kumba nga leh ïa ka Seboiim? Ka dohnud jong nga kan ym shah ïa nga ban leh ïa kata! Ka jingieit jong nga ïa phi ka long khlaiñ haduh katta katta.

JOEL 2:13

Ai ba ka dohnud ba la pait jong phi kan pyn-i ïa ka jingsngewsih jong phi; kaba kad ïa ki jaiñphong jong phi kam biang.” To wan phai pat sha U Trai U Blei jong phi. U long uba sbun bad uba dap da ka jingisynei; u long uba ïaishah slem bad uba bat ïa la ka kular; u long borabor uba kloi ban map bad ym ban pynshitom.

JONAH 3:10

U Blei u la ïohi ïa kaei kaba ki la leh; u la ïohi ba ki la iehnoh ïa ka jingleh bymman jong ki. Kumta u la kylla jingmut bad um shym la pynshitom ïa ki kumba u la ong ban leh.

MALAKHI 3:6

“Nga long U Trai, bad ngam ju kylla. Bad kumta ma phi, ki khun ki ksiew u Jakob, phim pat shym la jah noh khoit.

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

Ka Shithi U Paul Sha Ki Nong Rom 11:29

Naba U Blei um shym la pynkylla ïa ka jingmut jong u shaphang jongno ba u jied bad u kyrkhu.

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.

DEUTERONOMI 32:29

Kim lah sngewthuh balei ba ki la shahjop; kim lah shemphang ïa kaba la jia.

DEUTERONOMI 32:36

U Trai un pyllait im ïa la ki briew haba u ïohi ba kim donbor shuh. Un isynei ïa kito kiba shakri ïa u haba u ïohi ba kim lah leh ei ei shuh.

DEUTERONOMI 5:29

A, ba kin da la ïoh ïa kane ka dohnud! Ba kin da la sheptieng burom ïa nga bad kohnguh ïa ki hukum jong nga borabor, ma ki bad ki khun ki ksiew jong ki kin jin da la manbha junom.

HEBRU 3:10

Bad kumta nga la bitar ïa kita ki briew bad nga la ong, ‘Ki la iehnoh ïa nga borabor bad ki la kyntait ban kohnguh ïa ki hukum jong nga.’

HEBRU 3:17

Bad kiei pat kiba U Blei u la bitar haduh sawphew snem? Bad kita ki briew kiba la leh pop, kiba la kyllon ïap ha ka ri shyiap.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

1 SAMUEL 15:11

“Nga sngewsih ba nga la pynlong syiem ïa u Saul; u la phai noh na nga bad um shym la kohnguh ïa ki hukum jong nga.” U Samuel u la bitar, bad baroh shi miet u la ïasaid tyngeh bad U Trai.

1 SAMUEL 15:29

U Blei bakhraw jong ki Israel um ju lamler lane kylla la ka jingmut. Um dei u briew — um ju kylla la ka jingmut.”

1 SAMUEL 15:35

Katba u Samuel u dang im, um shym ïohi shuh ïa u syiem; hynrei u khuslai sat na ka bynta jong u. U Trai u la sngewsih ba u la thung ïa u Saul kum u syiem ki Israel.